Kitla teiknimyndarinnar Lói – þú flýgur aldrei einn hefur verið opinberuð í tengslum við kynningu á verkinu erlendis. Hana má sjá hér. Áætlað er að myndin verði frumsýnd um næstu jól.
Lói – þú flýgur aldrei einn segir af lóu unga sem er ófleygur að hausti þegar farfuglarnir halda suður á bóginn. Hann verður að lifa af veturinn til að geta bjargað ástinni sinni frá því að lenda í klóm fálkans næsta vor.
Handrit skrifar Friðrik Erlingsson, leikstjórar eru Árni Ólafur Ásgeirsson og Gunnar Karlsson. GunHil framleiðir.
