“Fyrir Magneu” Baldvins Z fær rúmar 23 milljónir króna frá Norræna sjóðnum

Nýjasta bíómynd Baldvins Z, Fyrir Magneu, hlaut á dögunum 1,7 milljón norskra króna í styrk frá Norræna kvikmynda- og sjónvarpssjóðnum. Það samsvarar rúmum 23 milljónum íslenskra króna. Verkefnið, sem fer í tökur síðsumars, hefur einnig hlotið styrk frá Kvikmyndamiðstöð auk þess sem RÚV tekur einnig þátt í fjármögnun.
Posted On 07 Feb 2017

“Undir trénu” og “Tom of Finland” meðal 19 evrópskra titla sem freista munu hátíða á árinu

Screen birtir lista yfir 19 evrópskar myndir sem sagðar eru freista hátíða á árinu. Þeirra á meðal er væntanleg mynd Hafsteins Gunnars Sigurðssonar, Undir trénu og einnig finnska myndin Tom of Finland þar sem Ingvar Þórðarson er einn meðframleiðenda.
Posted On 11 Jan 2017

Ítölsk/íslensk bíómynd fær 19 milljónir frá Eurimages

Guðrún Edda Þórhannesdóttir hjá Tvíeyki (Duo Productions) er meðframleiðandi ítölsk/íslensku kvikmyndarinnar Life Runs Over You í leikstjórn Paolo Sassanelli, sem tekin verður upp að hluta hér á landi í sumar. Verkefnið fékk á dögunum styrk frá Eurimages sem nemur um 19 milljónum króna. Auk Guðrúnar koma Helga Stefánsdóttir búningahönnuður og Hilmar Örn Hilmarsson tónskáld að verkinu í lykilpóstum.
Posted On 04 Jan 2017

[Stikla] Eggert Ketilsson með leikmyndina í “Dunkirk” eftir Christopher Nolan

Eggert Ketilsson leikmyndahönnuður og brellumeistari gerir leikmynd stórmyndarinnar Dunkirk sem Christopher Nolan leikstýrir og frumsýnd verður á næsta ári. Fyrsta stikla myndarinnar var nýlega opinberuð.
Posted On 15 Dec 2016

Prufuþáttur byggður á “Blóðbergi” gerður fyrir Showtime

Björn Hlynur Haraldsson vinnur þessa dagana að handriti prufuþáttar (pilot) sem byggður er á bíómynd hans Blóðbergi. Tökur á prufuþættinum munu fara fram næsta sumar. Thruline Entertainment í Los Angeles heldur utan um verkefnið fyrir Showtime.
Posted On 15 Dec 2016

Baltasar leikstýrir hrakningamyndinni “Adrift” með Shailene Woodley

Baltasar Kormákur mun leikstýra kvikmyndinni Adrift næsta vor með Shailene Woodley (Snowden, The Fault in Our Stars) í aðalhlutverki. Þetta er hrakningasaga sem byggð er á sönnum atburðum, einskonar Gravity á úthafinu eins og Deadline orðar það.
Posted On 06 Dec 2016

Studiocanal kaupir Bretlandsréttinn á “Ég man þig”

Sölufyrirtækið TrustNordisk hefur gengið frá sölu á dreifingarrétti í Bretlandi á kvikmynd Óskars Þórs Axelssonar, Ég man þig, til Studiocanal. Einnig hefur myndin verið seld til þýskumælandi svæða, Ungverjalands og Tyrklands.
Posted On 29 Nov 2016

Tökur á “Mihkel” hefjast í dag

Tökur á Mihkel, fyrstu bíómynd Ara Alexanders, hefjast í dag. Myndin byggir lauslega á líkfundarmálinu svokallaða frá 2004. Tómas Lemarquis og Atli Rafn Sigurðarson fara með helstu hlutverk.
Posted On 14 Nov 2016

[Kitla] Hrollvekjan “Mara” væntanleg á næsta ári

Aðstandendur hrollvekjunnar Mara óska eftir stuðningi við eftirvinnslu myndarinnar sem verið hefur í tökum siðastliðið ár. Myndin er væntanleg á næsta ári.
Posted On 03 Nov 2016

Benedikt Erlingsson og Dagur Kári hyggjast kvikmynda Egils sögu

Tveir Norðurlandameistarar í kvikmyndagerð (svo nefndir því báðir hafa hlotið Kvikmyndaverðlaun Norðurlandaráðs fyrir myndir sínar), þeir Benedikt Erlingsson og Dagur Kári Pétursson, hafa ákveðið að leiða saman hesta sína og gera kvikmynd eftir sjálfri Egils sögu.
Posted On 01 Nov 2016

TrustNordisk höndlar “Ég man þig”

Danska sölufyrirtækið TrustNordisk mun sjá um sölu kvikmyndarinnar Ég man þig eftir Óskar Þór Axelsson á alþjóðavísu. Myndin er væntanleg á næsta ári. Zik Zak kvikmyndir og Sigurjón Sighvatsson framleiða.
Posted On 29 Oct 2016

[Stikla] Þáttaröðin “Fangar” hefst á RÚV 1. janúar

Þáttaröðin Fangar hefur göngu sína á RÚV á nýársdag næstkomandi. Stikla þáttaraðarinnar hefur verið opinberuð.
Posted On 22 Oct 2016

Baltasar og spænskir framleiðendur undirbúa mynd um Baskavígin

RVK Studios Baltasars Kormáks hefur gert samframleiðslusamning við tvö spænsk framleiðslufyrirtæki um gerð kvikmyndar sem byggð er á hinum alræmdu Baskavígum á Vestfjörðum á 17. öld.
Posted On 20 Sep 2016

Önnur syrpa af “Ligeglad” í undirbúningi

Anna Svava Knútsdóttir, Arnór Pálmi Arnarson og Vignir Rafn Valþórsson vinna nú að handriti annarrar syrpu af þáttaröðinni Ligeglad. Áætlað er að tökur fari fram á næsta ári og er stefnan tekin á suður Evrópu. Fréttatíminn ræddi við Önnu Svövu.
Posted On 16 Sep 2016

[Stikla] “Autumn Lights”, bandarísk/íslensk spennumynd tekin á Íslandi, kemur í október

Bandarísk/íslenska spennumyndin Autumn Lights, sem tekin var upp hér á landi á síðasta ári, verður frumsýnd í Bandaríkjunum í október. Mystery er meðframleiðandi myndarinnar, sem jafnframt skartar íslenskum leikurum og starfsliði. Myndin verður sýnd í Bíó Paradís í byrjun nóvember.
Posted On 15 Sep 2016

Ráðist í aðra syrpu af “Ófærð”

RVK Studios og RÚV hafa náð samkomulagi um að hefja vinnu við nýja syrpu af hinni vinsælu glæpaseríu Ófærð. Þáttaröðin hefur notið almennrar hylli víða um heim, verið lofuð af gagnrýnendum og má ætla að vel á annan tug milljóna hafi horft á þá og enn á eftir að sýna þá víða. Áætlað er að önnur þáttaröð verði frumsýnd á RUV haustið 2018.
Posted On 14 Sep 2016

“The Wind Blew On” fær Eurimages verðlaun á Haugasundi

Kvikmyndin The Wind Blew On eftir Katrínu Ólafsdóttur, sem nú er í vinnslu, hlaut Eurimages Lab Project verðlaunin sem veitt voru á kvikmyndahátíðinni á Haugasundi á dögunum.
Posted On 09 Sep 2016

Lovísa Lára Halldórsdóttir vinnur að sinni fyrstu bíómynd

DV ræðir við Lovísu Láru Halldórsdóttur sem nú vinnur að sinni fyrstu kvikmynd í fullri lengd. Myndin heitir Týndu börnin og er stefnt að sýningum á næsta ári.
Posted On 02 Sep 2016

Spennumyndin “Grimmd” frumsýnd 21. október

Spennumyndin Grimmd verður frumsýnd þann 21. október næstkomandi. Myndin er úr smiðju Antons Sigurðssonar (Grafir og bein) og framleiðandi er Haraldur Bender fyrir Virgo Films. Margrét Vilhjálmsdóttir og Sveinn Ólafur Gunnarsson fara með helstu hlutverk.
Posted On 25 Aug 2016

Jóhann Jóhannsson í kjölfar Vangelis

Tónskáldið Jóhann Jóhannsson mun semja tónlist við sjálfstætt framhald kvikmyndarinnar Blade Runner. Þetta verður í fjórða sinn sem hann vinnur með leikstjóranum Denis Villeneuve.
Posted On 22 Aug 2016

Níu íslensk verkefni til Haugasunds

Níu íslensk kvikmyndaverkefni á mismunandi stigum framleiðsluferlis verða hluti af alþjóðlegu norsku kvikmyndahátíðinni í Haugasundi, sem fer fram 20.-26. ágúst í Noregi. Verkefnin sem um ræðir eru Tryggðarpantur, War is Over, The Wind Blew On, Vetrarbræður, East by Eleven, The Damned, Martröð, Pale Star og The Wall.
Posted On 19 Aug 2016

Konurnar í framlínu “Svansins”

Klapptré rakst á þessa skemmtilegu ljósmynd af hinum alþjóðlega framleiðendahóp Svansins ásamt leikstjóranum og birtist hún með góðfúslegu leyfi. Tökur á myndinni standa nú yfir.
Posted On 09 Aug 2016

Tökur á “Svaninum” ganga vel í Svarfaðardal

Tökur í kvikmyndinni Svaninum í leikstjórn Ásu Helgu Hjörleifsdóttur hafa staðið frá júlíbyrjun. Tökur hafa gengið vel að sögn aðstandenda en þær munu standa fram í ágúst. Einnig verður myndað í Grindavík.
Posted On 22 Jul 2016

Tökur hafnar á “Undir trénu”

Tökur eru hafnar á kvikmyndinni Undir trénu í leikstjórn Hafsteins Gunnars Sigurðssonar (París norðursins). Myndin gerist í Reykjavík samtímans og skartar þeim Steinda Jr., Sigurði Sigurjónssyni, Eddu Björgvinsdóttur, Þorsteini Bachmann og Selmu Björnsdóttur í aðalhlutverkum.
Posted On 20 Jul 2016