Tökum á “Mihkel” lokið

Tökum var að ljúka í Eistlandi á spennudrama Ara Alexanders Magnússonar, Mihkel. Myndin verður frumsýnd næsta vetur en hún byggir lauslega á einu umtalaðasta sakamáli síðari ára, líkfundarmálinu á Neskaupstað árið 2004.
Posted On 06 Jun 2017

Elfar Aðalsteins og Karl Óskarsson gera mynd á Írlandi

Elfar Aðalsteins er nú við tökur á End of Sentence, fyrstu kvikmynd sinni í fullri lengd. Þær fara fram á Írlandi. Karl Óskarsson er tökumaður, en þeir Elfar gerðu saman stuttmyndina Sailcloth með John Hurt í aðalhlutverki, fyrir nokkrum árum og var hún valin stuttmynd ársins á Eddunni 2013. Guðrún Edda Þórhannesdóttir, Eva María Daníels og Sigurjón Sighvatsson framleiða ásamt Samson Films á Írlandi og Elfari.
Posted On 05 Jun 2017

“Lói” flýgur ekki einn

Gengið hefur verið frá sölu á teiknimyndinni Lói - þú flýgur aldrei einn til alls 63 landa, en myndin seldist vel á nýafstaðinni Cannes hátíð.
Posted On 30 May 2017

“Lifun” – bíómynd um Geirfinnsmálið í uppsiglingu

Tök­ur á leik­inni kvik­mynd í fullri lengd um Guðmund­ar- og Geirfinns­mál­in hefjast á næsta ári, en á bak við mynd­ina standa leik­stjór­inn Eg­ill Örn Eg­ils­son (Eagle Eg­ils­son), fram­leiðend­urn­ir Ingvar Þórðar­son og Júlí­us Kemp og tón­list­armaður­inn Damon Al­barn sem mun semja tónlist fyr­ir mynd­ina. Mynd­in hef­ur fengið heitið Imag­ine Mur­der eða Lif­un á ís­lensku.
Posted On 23 May 2017

“Héraðið” Gríms Hákonarsonar í tökur í byrjun næsta árs

Tökur á næstu mynd Gríms Hákonarsonar, Héraðinu, hefjast í febrúar á næsta ári. Verkefnið hlaut nýverið 110 milljón króna vilyrði frá Kvikmyndasjóði.
Posted On 21 May 2017

Match Factory selur “Andið eðlilega” á heimsvísu

Þýska sölufyrirtækið Match Factory mun annast sölu á Andið eðlilega, fyrstu bíómynd Ísoldar Uggadóttur, á alþjóðlegum vettvangi.
Posted On 21 May 2017

“Vargur” Barkar Sigþórssonar kynnt í Cannes

RVK Studios kynnir Varg Barkar Sigþórssonar fyrir kaupendum á yfirstandandi Cannes hátíð. Myndin er í eftirvinnslu. Screen segir frá og birtir jafnframt fyrsta rammann úr myndinni.
Posted On 21 May 2017

Bandarísk endurgerð “Benjamín dúfu” í eftirvinnslu

Benji The Dove, bandarísk endurgerð á íslensku kvikmyndinni Benjamín dúfa frá 1995, sem byggð var á verðlaunasögu Friðriks Erlingssonar, verður frumsýnd síðar á þessu ári. Þetta segir Erlingur Jack, einn framleiðenda myndarinnar í samtali við DV.
Posted On 20 May 2017

[Kitla] “Lói – þú flýgur aldrei einn” kynnt í Cannes, hefur selst til um 60 landa

Teikinimyndin Lói - þú flýgur aldrei einn verður kynnt kaupendum í Cannes nú í vikunni. ARRI Media International, sem annast sölu myndarinnar á heimsvísu, hefur tilkynnt um þrjár sölur nú á hátíðinni og hefur þá myndin verið seld til um 60 landa.
Posted On 19 May 2017

RÚV og Baltasar Kormákur í samstarf um gerð bíómyndar og þáttaraðar eftir “Sjálfstæðu fólki”

RÚV og RVK Studios Baltasars Kormáks, hafa gert með sér samkomulag um þróun og undirbúning 6-8 sjónvarpsþátta og kvikmyndar sem byggjast á Sjálfstæðu fólki Halldórs Laxness. Vonast er til að tökur hefjist síðla næsta árs.
Posted On 15 May 2017

Þáttaröð um raðmorðingja í Reykjavík í undirbúningi

Þáttaröðin The Valhalla Murders er nú í undirbúningi en stefnt er að sýningum veturinn 2018 á RÚV. Þættirnir fjalla um raðmorðingja í Reykjavík og tvinnast  einkalíf tveggja rannsóknarlögreglumanna sem stýra rannsókn málsins saman við. Vísir fjallar um málið og ræðir við leikstjóra og handritshöfund þáttanna, Þórð Pálsson.
Posted On 13 May 2017

Stuttmyndin “Ólgusjór” í tökur í sumar

Hópur útskrifaðra nemenda Kvikmyndaskóla Íslands, ásamt fleirum, hefur tekið höndum saman um framleiðslu stuttmyndarinnar Ólgusjór. Leikstjóri og handritshöfundur er Andri Freyr Ríkharðsson en nýtt framleiðslufyrirtæki, Behind the Scenes, annast framleiðslu. Tökur eru fyrirhugaðar í sumar, en verkefnið hefur hlotið styrk frá Kvikmyndamiðstöð og Uppbyggingarsjóði Vesturlands.
Posted On 30 Apr 2017

Bresk/íslensk þáttaröð um Guðmundar- og Geirfinnsmálið í uppsiglingu

RVK Studios, framleiðslufyrirtæki Baltasars Kormáks og breska framleiðslufyrirtækið Buccaneer Media hafa tekið höndum saman um framleiðslu sjónvarpsþáttaraðar sem byggð verður á Guðmundar- og Geirfinnsmálinu. Þáttaröðin mun kallast Reykjavik Confessions.
Posted On 28 Apr 2017

[Kitla] “Ljósmál”

Kitla heimildamyndarinnar Ljósmál hefur verið opinberuð og má sjá hér. Myndin fjallar um sögu vita á Íslandi og er stjórnað af Einari Þór Gunnlaugssyni. Dúi J. Landmark er framleiðandi og Kristján Sveinsson skrifar handrit. Von er á myndinni í haust.
Posted On 26 Apr 2017

Viaplay fjárfestir í “Stellu Blómkvist”

Norræna streymisveitan Viaplay hefur fjárfest í þáttaröðinni Stellu Blómkvist sem Sagafilm framleiðir fyrir Sjónvarp Símans. Þetta er í fyrsta sinn sem Viaplay tekur þátt í íslensku sjónvarpsverkefni.
Posted On 21 Apr 2017

Snorri Sturluson gerir “Love in Kilnerry” í Bandaríkjunum

Snorri Sturluson leikstjóri, annar helmingur tvíeykisins Snorri Bros, vinnur nú að kvikmyndinni Love in Kilnerry. Tökur fara fram í Portsmouth í New Hampshire.
Posted On 21 Apr 2017

Tökum lokið á spennutryllinum “Arctic” með Mads Mikkelsen

Tökum á hrakningamyndinni Arctic er nýlokið hér á landi. Mads Mikkelsen fer með aðalhlutverkið. Pegasus og Einar Þorsteinsson kvikmyndagerðarmaður í Los Angeles eru meðal framleiðenda. Tökur stóðu í 22 daga og fóru fram við Nesjavelli og Fellsendavatn skammt frá Þórisvatni.
Posted On 19 Apr 2017

Tökur standa yfir á þáttaröðinni “Stellu Blómkvist”

Tökur standa nú yfir á þáttaröðinni Stellu Blómkvist í leikstjórn Óskars Þórs Axelssonar. Þættirnir eru byggðir á samnefndum bókum eftir samnefndan hulduhöfund. Heiða Rún Sigurðardóttir (Poldark) fer með aðalhlutverkið, en Sagafilm framleiðir fyrir Sjónvarp Símans. Þættirnir eru væntanlegir í haust.
Posted On 12 Apr 2017

Bondmyndapennar skrifa Nesbö handrit fyrir Baltasar

Deadline skýrir frá því að handritshöfundar Bond myndanna til margra ára, Neal Purvis og Robert Wade, vinni nú að handriti væntanlegrar skáldsögu norska spennuhöfundarins Jo Nesbö, I Am Victor, fyrir Baltasar Kormák.
Posted On 06 Apr 2017

Studiocanal vill “Kötlu” Baltasars

Evrópska framleiðslufyrirtækið Studiocanal er við það að tryggja sér sýningarréttinn á Kötlu, nýrri sjónvarpsþáttaröð úr smiðju Baltasars Kormáks. RÚV greinir frá og hefur eftir Variety.
Posted On 04 Apr 2017

Áheyrnarprufur vegna “Vítis í Vestmannaeyjum” fara fram 1. apríl

Kvikmyndin Víti í Vestmannaeyjum verður tekin upp í Vestmannaeyjum nú í sumar. Áheyrnarprufur verða haldnar í Reykjavík 1. apríl í Langholtsskóla.  Leitað er að strákum og stelpum á aldrinum 9 - 11 ára til að leika og koma fram í myndinni.
Posted On 26 Mar 2017

Ný kvikmynd, “Taka 5”, væntanleg frá Magnúsi Jónssyni

Magnús Jónsson er þessa dagana að ganga frá sinni fyrstu kvikmynd í fullri lengd. Verkið kallast Taka 5 og fóru upptökur fram síðsumars í fyrra.
Posted On 20 Mar 2017

Markelsbræður gera alþjóðlega þáttaröð um stolna list

Þeir Markelsbræður, Örn Marinó Arnarson og Þorkell Harðarson, eru þessa dagana í Aþenu að undirbúa tökur á heimildaþáttaröðinni Stolin list (Booty). Þáttaröðin mun fjalla um stöðuna á menningarlegum hornsteinum sem hafa verið teknir frá upprunaþjóðum og komið fyrir á höfuðsöfnum fyrrum nýlenduvelda. Líkt og gert var við miðaldahandrit Íslendinga á sínum tíma og Parthenon höggmyndirnar grísku.
Posted On 17 Mar 2017

[Kitla] Ný kitla fyrir “Lói-þú flýgur aldrei einn” opinberuð

Kitla teiknimyndarinnar Lói - þú flýgur aldrei einn hefur verið opinberuð í tengslum við kynningu á verkinu erlendis. Hana má sjá hér. Áætlað er að myndin verði frumsýnd um næstu jól.
Posted On 13 Mar 2017