Heim Fréttir Heimildamynd um verkfallið 1955 í vinnslu

Heimildamynd um verkfallið 1955 í vinnslu

-

Í verkfallsátökunum 1955 voru meðal annars settar upp vegatálmanir.

Heimildamyndin Korter yfir sjö, um eitt hið lengsta og harðvítugasta verkfall í sögu landsins, verkfall 12 verkalýðsfélaga á höfuðborgarsvæðinu 1955, er nú í undirbúningi. Passport miðlun framleiðir.

Handritið skrifa Sigurður Péturson sagnfræðingur, ásamt Einari Þór Gunnlaugssyni sem einnig hefur umsjón með framleiðslunni.

Í undirbúningi verksins hafa komið fram filmur og fjöldi sjaldséðra ljósmynda úr einkasafni sem varpa nýju ljósi á einstakan atburð í sögu höfuðborgarinnar, verkalýðshreyfingarinnar og stjórnmála á Íslandi.

Áhrifa af árangri verkfallsins fyrir launafólk og almenning í landinu öllu á tímum sem félagsleg réttindi voru af skornum skammti, gætir enn í dag og er í fersku minni núlifandi Íslendinga sem tóku þátt. Saga verkfallsins, oftast kallað ”Verkfallið 55”, er krydduð litríkum persónuleikum, öfgum kalda stríðsins, vegatálmunum og oft ævintýralegum átökum stríðandi fylkinga.

Reykjavík, vaxandi menningarborg með nýju Þjóðleikhúsi, reglulegu tónleikahaldi og Tívolíi, úrvali kvikmyndahúsa með mannlífi sem einkenndist af innflutningi á áður óséðum munaði í húsbúnaði og afþreyingu, en einnig af hrörlegum braggahverfum og fátækt, var í herkví. Aldrei hefur borgin búið við slíkt umsátursástand þar sem varla var til mjólk í kaffið.

Fyrri heimildarmyndir Passports segja ma sögu íslenskra vita (Ljósmál), snjóflóða á Vestfjörðum 1995 (Norð Vestur) og hversdagslífs í Úkraínu í skjóli hernaðarátaka (Mirgorod, í leit að vatnssopa).

 

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.