Viaplay fjárfestir í “Stellu Blómkvist”

Norræna streymisveitan Viaplay hefur fjárfest í þáttaröðinni Stellu Blómkvist sem Sagafilm framleiðir fyrir Sjónvarp Símans. Þetta er í fyrsta sinn sem Viaplay tekur þátt í íslensku sjónvarpsverkefni.
Posted On 21 Apr 2017

Snorri Sturluson gerir “Love in Kilnerry” í Bandaríkjunum

Snorri Sturluson leikstjóri, annar helmingur tvíeykisins Snorri Bros, vinnur nú að kvikmyndinni Love in Kilnerry. Tökur fara fram í Portsmouth í New Hampshire.
Posted On 21 Apr 2017

Tökum lokið á spennutryllinum “Arctic” með Mads Mikkelsen

Tökum á hrakningamyndinni Arctic er nýlokið hér á landi. Mads Mikkelsen fer með aðalhlutverkið. Pegasus og Einar Þorsteinsson kvikmyndagerðarmaður í Los Angeles eru meðal framleiðenda. Tökur stóðu í 22 daga og fóru fram við Nesjavelli og Fellsendavatn skammt frá Þórisvatni.
Posted On 19 Apr 2017

Tökur standa yfir á þáttaröðinni “Stellu Blómkvist”

Tökur standa nú yfir á þáttaröðinni Stellu Blómkvist í leikstjórn Óskars Þórs Axelssonar. Þættirnir eru byggðir á samnefndum bókum eftir samnefndan hulduhöfund. Heiða Rún Sigurðardóttir (Poldark) fer með aðalhlutverkið, en Sagafilm framleiðir fyrir Sjónvarp Símans. Þættirnir eru væntanlegir í haust.
Posted On 12 Apr 2017

Bondmyndapennar skrifa Nesbö handrit fyrir Baltasar

Deadline skýrir frá því að handritshöfundar Bond myndanna til margra ára, Neal Purvis og Robert Wade, vinni nú að handriti væntanlegrar skáldsögu norska spennuhöfundarins Jo Nesbö, I Am Victor, fyrir Baltasar Kormák.
Posted On 06 Apr 2017

Studiocanal vill “Kötlu” Baltasars

Evrópska framleiðslufyrirtækið Studiocanal er við það að tryggja sér sýningarréttinn á Kötlu, nýrri sjónvarpsþáttaröð úr smiðju Baltasars Kormáks. RÚV greinir frá og hefur eftir Variety.
Posted On 04 Apr 2017

Áheyrnarprufur vegna “Vítis í Vestmannaeyjum” fara fram 1. apríl

Kvikmyndin Víti í Vestmannaeyjum verður tekin upp í Vestmannaeyjum nú í sumar. Áheyrnarprufur verða haldnar í Reykjavík 1. apríl í Langholtsskóla.  Leitað er að strákum og stelpum á aldrinum 9 - 11 ára til að leika og koma fram í myndinni.
Posted On 26 Mar 2017

Ný kvikmynd, “Taka 5”, væntanleg frá Magnúsi Jónssyni

Magnús Jónsson er þessa dagana að ganga frá sinni fyrstu kvikmynd í fullri lengd. Verkið kallast Taka 5 og fóru upptökur fram síðsumars í fyrra.
Posted On 20 Mar 2017

Markelsbræður gera alþjóðlega þáttaröð um stolna list

Þeir Markelsbræður, Örn Marinó Arnarson og Þorkell Harðarson, eru þessa dagana í Aþenu að undirbúa tökur á heimildaþáttaröðinni Stolin list (Booty). Þáttaröðin mun fjalla um stöðuna á menningarlegum hornsteinum sem hafa verið teknir frá upprunaþjóðum og komið fyrir á höfuðsöfnum fyrrum nýlenduvelda. Líkt og gert var við miðaldahandrit Íslendinga á sínum tíma og Parthenon höggmyndirnar grísku.
Posted On 17 Mar 2017

[Kitla] Ný kitla fyrir “Lói-þú flýgur aldrei einn” opinberuð

Kitla teiknimyndarinnar Lói - þú flýgur aldrei einn hefur verið opinberuð í tengslum við kynningu á verkinu erlendis. Hana má sjá hér. Áætlað er að myndin verði frumsýnd um næstu jól.
Posted On 13 Mar 2017

Íslenskan heitasta tungumálið

Truenorth hefur tryggt sér réttinn að sjónvarpsþáttum eftir bókum glæpasagnarithöfundarins Stefáns Mána, sem fjalla um lögreglumanninn Hörð Grímsson. Til stendur að framleiða fleiri en eina seríu og hefjast tökur á næsta eða þarnæsta ári. Fréttatíminn skýrir frá.
Posted On 13 Mar 2017

Þegar Reynir sterki bað konu sína að hinkra eftir Baldvin Z á miðilsfundi

Baldvin Z leggur nú lokahönd á heimildamynd sína um Reyni Örn Leósson - Reyni sterka. Morgunblaðið fjallar um myndina og ræðir við Baldvin.
Posted On 04 Mar 2017

Tökur hafnar á “Vargi” Barkar Sigþórssonar

Tökur eru hafnar á fyrstu bíómynd Barkar Sigþórssonar, Vargur (Mules). RVK Studios framleiðir.
Posted On 03 Mar 2017

“Dýrið” og “Kuldi” hljóta þróunarstyrki frá Norræna kvikmynda- og sjónvarpssjóðnum

Fantasían Dýrið í leikstjórn Valdimars Jóhannssonar og vísindaskáldskapurinn Vetrarbraut í leikstjórn Þóru Hilmarsdóttur hafa hlotið Nordic Genre Boost þróunarstyrki frá Norræna kvikmynda- og sjónvarpssjóðnum upp á tæplega 2,7 milljónir íslenskra króna hvor.
Posted On 18 Feb 2017

True North kynnir næstu verkefni í Berlín; “Slóð fiðrildanna”, tvær spennuseríur og huldufólkshrollvekju

True North kynnir næstu verkefni á yfirstandandi Berlínarhátíð. Þeirra á meðal eru bíómynd eftir skáldsögu Ólafs Jóhanns Sigurðssonar, Slóð fiðrildanna, sakamálasería byggð á bókum Stefáns Mána og þáttaröð um raðmorðingja í Reykjavík. ScreenDaily skýrir frá.
Posted On 13 Feb 2017

Baltasar kynnir spennuþætti um Kötlu í Berlín

Baltasar Kormákur hefur í hyggju að gera sjónvarpsþætti þar sem eldfjallið Katla verður í ákveðnu aðalhlutverki. Hugmyndin er að þættirnir gerist í Reykjavík þegar Katla hefur gosið samfellt í tvö ár með tilheyrandi eignatjóni og hættu fyrir þá sem eru í landinu.
Posted On 13 Feb 2017

“Fyrir Magneu” Baldvins Z fær rúmar 23 milljónir króna frá Norræna sjóðnum

Nýjasta bíómynd Baldvins Z, Fyrir Magneu, hlaut á dögunum 1,7 milljón norskra króna í styrk frá Norræna kvikmynda- og sjónvarpssjóðnum. Það samsvarar rúmum 23 milljónum íslenskra króna. Verkefnið, sem fer í tökur síðsumars, hefur einnig hlotið styrk frá Kvikmyndamiðstöð auk þess sem RÚV tekur einnig þátt í fjármögnun.
Posted On 07 Feb 2017

“Undir trénu” og “Tom of Finland” meðal 19 evrópskra titla sem freista munu hátíða á árinu

Screen birtir lista yfir 19 evrópskar myndir sem sagðar eru freista hátíða á árinu. Þeirra á meðal er væntanleg mynd Hafsteins Gunnars Sigurðssonar, Undir trénu og einnig finnska myndin Tom of Finland þar sem Ingvar Þórðarson er einn meðframleiðenda.
Posted On 11 Jan 2017

Ítölsk/íslensk bíómynd fær 19 milljónir frá Eurimages

Guðrún Edda Þórhannesdóttir hjá Tvíeyki (Duo Productions) er meðframleiðandi ítölsk/íslensku kvikmyndarinnar Life Runs Over You í leikstjórn Paolo Sassanelli, sem tekin verður upp að hluta hér á landi í sumar. Verkefnið fékk á dögunum styrk frá Eurimages sem nemur um 19 milljónum króna. Auk Guðrúnar koma Helga Stefánsdóttir búningahönnuður og Hilmar Örn Hilmarsson tónskáld að verkinu í lykilpóstum.
Posted On 04 Jan 2017

[Stikla] Eggert Ketilsson með leikmyndina í “Dunkirk” eftir Christopher Nolan

Eggert Ketilsson leikmyndahönnuður og brellumeistari gerir leikmynd stórmyndarinnar Dunkirk sem Christopher Nolan leikstýrir og frumsýnd verður á næsta ári. Fyrsta stikla myndarinnar var nýlega opinberuð.
Posted On 15 Dec 2016

Prufuþáttur byggður á “Blóðbergi” gerður fyrir Showtime

Björn Hlynur Haraldsson vinnur þessa dagana að handriti prufuþáttar (pilot) sem byggður er á bíómynd hans Blóðbergi. Tökur á prufuþættinum munu fara fram næsta sumar. Thruline Entertainment í Los Angeles heldur utan um verkefnið fyrir Showtime.
Posted On 15 Dec 2016

Baltasar leikstýrir hrakningamyndinni “Adrift” með Shailene Woodley

Baltasar Kormákur mun leikstýra kvikmyndinni Adrift næsta vor með Shailene Woodley (Snowden, The Fault in Our Stars) í aðalhlutverki. Þetta er hrakningasaga sem byggð er á sönnum atburðum, einskonar Gravity á úthafinu eins og Deadline orðar það.
Posted On 06 Dec 2016

Studiocanal kaupir Bretlandsréttinn á “Ég man þig”

Sölufyrirtækið TrustNordisk hefur gengið frá sölu á dreifingarrétti í Bretlandi á kvikmynd Óskars Þórs Axelssonar, Ég man þig, til Studiocanal. Einnig hefur myndin verið seld til þýskumælandi svæða, Ungverjalands og Tyrklands.
Posted On 29 Nov 2016

Tökur á “Mihkel” hefjast í dag

Tökur á Mihkel, fyrstu bíómynd Ara Alexanders, hefjast í dag. Myndin byggir lauslega á líkfundarmálinu svokallaða frá 2004. Tómas Lemarquis og Atli Rafn Sigurðarson fara með helstu hlutverk.
Posted On 14 Nov 2016