“Tryggð” til Gautaborgar

Tryggð eftir Ásthildi Kjartansdóttur hefur verið valin á Nordic Lights hluta Gautaborgarhátíðarinnar sem fram fer dagana 25. janúar - 4. febrúar.
Posted On 09 Jan 2019

“Litla Moskva” keppir í Gautaborg

Heimildamynd Gríms Hákonarsonar, Litla Moskva, mun taka þátt í keppni norrænna heimildamynda (Nordic Documentary Competition) á kvikmyndahátíðinni í Gautaborg, dagana 25. janúar - 4. febrúar. Hátíðin er sú stærsta á Norðurlöndunum og fer nú fram í 42. skipti.
Posted On 08 Jan 2019

69 alþjóðleg verðlaun til íslenskra kvikmynda 2018

Íslenskar kvikmyndir hlutu alls 69 alþjóðleg verðlaun á árinu 2018. Hæst bera verðlaun verðlaun til Ísoldar Uggadóttur á Sundance hátíðinni fyrir bestu leikstjórn myndar af erlendum uppruna (Andið eðlilega) og Kvikmyndaverðlaun Norðurlandaráðs til handa kvikmyndinni Kona fer í stríð eftir Benedikt Erlingsson ásamt SACD verðlaununum í Cannes fyrir sömu mynd. Þá verður einnig að nefna Vetrarbræður eftir Hlyn Pálmason sem hlaut bæði dönsku Robert (alls 9 verðlaun) og Bodil verðlaunin (2) á síðasta ári.
Posted On 08 Jan 2019

Elísabet Ronaldsdóttir tilnefnd til verðlauna fyrir klippingu “Deadpool 2”

Elísabet Ronaldsdóttir kvikmyndaklippari er tilnefnd til verðlauna Félags amerískra kvikmyndaklippara, America Cinema Editors, fyrir kvikmyndina Deadpool 2.
Posted On 07 Jan 2019

Margrét Örnólfsdóttir tilnefnd til handritsverðlauna fyrir “Flateyjargátuna”

Margrét Örnólfsdóttir hef­ur verið til­nefnd til handritsverðlauna Norræna kvikmynda- og sjónvarpssjóðsins fyrir Flateyjargátuna. Verðlaunin eru veitt á Gautaborgarhátíðinni sem hefst í lok janúar, fyrir besta hand­ritið í flokki sjón­varpsþátt­araða á Norður­lönd­um.
Posted On 25 Dec 2018

“Vetrarbræður” vann til verðlauna í Rússlandi

Vetrarbræður eftir Hlyn Pálmason vann til verðlauna á Arctic Open kvikmyndahátíðinni sem fór fram dagana 6. – 9. desember í borginni Arkhangelsk í Rússlandi.
Posted On 17 Dec 2018

“Víti í Vestmannaeyjum” verðlaunuð á Indlandi

Bragi Þór Hinriksson, leikstjóri kvikmyndarinnar Víti í Vestmannaeyjum, hlaut verðlaun sem besti leikstjórinn á kvikmyndahátíðinni SIFFCY (Smile International Film Festival for Children & Youth) sem lauk um helgina í Nýju Delí á Indlandi.
Posted On 17 Dec 2018

“Búi” vinnur í Berlín

Búi, stuttmynd Ingu Lísu Middleton, hlaut sérstaka viðurkenningu barnadómnefndar (special mention) í flokknum 8+ & 10+ á kvikmyndahátíðinni KUKI fyrir börn og unglinga. Hátíðin fór fram í Berlín í Þýskalandi.
Posted On 10 Dec 2018

Heimildamyndin “In Touch” verðlaunuð á IDFA

Íslenska/pólska heimildarmyndin In Touch eftir Pawel Ziemilski vann til sérstakra dómnefndarverðlauna í aðalkeppni á IDFA sem fer fram í Amsterdam um þessar mundir. Þetta er fyrsta íslenska heimildarmyndin sem vinnur til verðlauna í aðalkeppni á hátíðinni, sem er sú stærsta og virtasta á sínu sviði.
Posted On 23 Nov 2018

“Kona fer í stríð” valin besta myndin í Ljublana

Kona fer í stríð Benedikts Erlingssonar var valin besta myndin á alþjóðlegu kvikmyndahátíðinni í Ljublana sem lauk um síðustu helgi.
Posted On 23 Nov 2018

Ísold Uggadóttir verðlaunuð í Hollandi

Ísold Uggadóttir leikstjóri Andið eðlilega hlaut um síðustu helgi verðlaun fyrir sérstakt framlag til norrænna kvikmynda á Noordelijk Film Festival í Leeuwarden í Hollandi. Þetta eru níundu alþjóðlegu verðlaun myndarinnar sem frumsýnd var snemma á þessu ári.
Posted On 14 Nov 2018

“Kona fer í stríð” fær Lux verðlaunin

Kona fer í stríð eftir Benedikt Erlingsson hlaut í dag Lux verðlaun Evrópuþingsins. Þetta er í fyrsta sinn sem íslensk kvikmynd hlýtur þessi verðlaun sem hafa verið veitt árlega síðan 2007.
Posted On 14 Nov 2018

“Víti í Vestmannaeyjum” verðlaunuð í Chicago

Kvikmyndin Víti í Vestmannaeyjum eftir Braga Þór Hinrikssonvann í fyrradag til verðlauna á Chicago International Children's Film Festival. Myndin keppti í flokki kvikmynda í fullri lengd og hlaut verðlaun barnadómnefndar hátíðarinnar.
Posted On 11 Nov 2018

Halldóra Geirharðsdóttir tilnefnd til Evrópsku kvikmyndaverðlaunanna fyrir leik sinn í “Kona fer í stríð”

Halldóra Geirharðsdóttir hlýtur tilnefningu til Evrópsku kvikmyndaverðlaunanna fyrir hlutverk sitt í Kona fer í stríð eftir Bendikt Erlingsson. Tilnefningarnar voru kynntar í gær en verðlaunin verða veitt í Sevilla á Spáni 15. desember næstkomandi.
Posted On 11 Nov 2018

Heiða Rún tilnefnd til C21 sjónvarpsverðlaunanna fyrir “Stellu Blómkvist”

Heiða Rún Sigurðardóttir (Heida Reed) er tilnefnd sem besta leikkonan á C21’s International Drama Awards fyrir túlkun sína á Stellu Blómkvist í samnefndum sjónvarpsþáttum framleiddum af Sagafilm sem sýndir voru í Sjónvarpi Símans.
Posted On 07 Nov 2018

Íslenskar kvikmyndir verðlaunaðar í bak og fyrir í Lübeck

Kona fer í stríð eftir Benedikt Erlingsson fékk alls fern verðlaun á Norrænum kvikmyndadögum í Lübeck sem lýkur í dag. Þá fékk Sumarbörn Guðrúnar Ragnarsdóttur ein verðlaun. Þetta var í 60. sinn sem hátíðin var haldin.
Posted On 04 Nov 2018

“Kona fer í stríð” fær kvikmyndaverðlaun Norðurlandaráðs

Kona fer í stríð eftir Benedikt Erlingsson hlaut rétt í þessu Kvikmyndaverðlaun Norðurlandaráðs. Verðlaunin voru veitt í Osló. Þetta er í þriðja sinn sem íslensk kvikmynd vinnur til þessara verðlauna og í annað skiptið sem kvikmynd eftir Benedikt fær þau.
Posted On 30 Oct 2018

“Kona fer í stríð” vinnur þrennu

Kona fer í stríð eftir Benedikt Erlingsson hefur bætt þremur alþjóðlegum verðlaunum í safnið á síðustu dögum. Myndin var valin besta dramað og besta myndin á Byron Bay Film Festival í Ástralíu og Halldóra Geirharðsdóttir var valin besta leikkonan á Valladolid hátíðinni á Spáni.
Posted On 30 Oct 2018

Heimildamyndin “UseLess” verðlaunuð í Krakow og Los Angeles

Heimildamyndin UseLess eftir Rakel Garðarsdóttur og Ágústu M. Ólafsdóttur var á dögunum valin besta heimildamyndin á International Green Film Festival í Krakow í Póllandi og hlaut jafnframt Best Environmental Film Award á DOC LA heimildamyndahátíðinni í Los Angeles. Myndin hefur nú hlotið fjögur alþjóðleg verðlaun, en hún var frumsýnd á Skjaldborgarhátíðinni í vor.
Posted On 22 Oct 2018

Jóhann valinn kvikmyndatónskáld ársins

Jóhann Jóhannsson var valinn sem besta kvikmyndatónskáld ársins á verðlaunahátíð World Soundtrack Awards sem fram fór á kvikmyndahátíðinni í Ghent í Sviss 17. október. Hildur Guðnadóttir tónskáld tók á móti verðlaununum fyrir hans hönd og hélt tilfinningaþrungna ræðu. Þetta kemur fram á vef RÚV.
Posted On 19 Oct 2018

Valdís Óskarsdóttir með meistaraspjall á Northern Wave

Valdís Óskarsdóttir leikstjóri og klippari verður með meistaraspjall á Northern Wave hátíðinni í menningarmiðstöðinni Frystiklefanum á Rifi í Snæfellsbæ föstudaginn 26. október klukkan 18. Nanna Frank Rasmussen, formaður Samtaka danskra kvikmyndagagnrýnenda, leiðir spjallið.
Posted On 17 Oct 2018

Halldóra Geirharðsdóttir verðlaunuð í Kanada fyrir “Kona fer í stríð”

Halldóra Geirharðsdóttir hlaut verðlaun fyrir leik sinn í kvikmyndinni Kona fer í stríð á kvikmyndahátíðinni Festival du nouveau cinéma í Montreal í Kanada á dögunum.
Posted On 17 Oct 2018

“Andið eðlilega” fær verðlaun í Bandaríkjunum

Andið eðlilega, kvikmynd Ísoldar Uggadóttur, hlaut Brizzolara Family Foundation verðlaunin á alþjóðlegu kvikmyndahátíðinni í Hamptons í Bandaríkjunum á dögunum.
Posted On 17 Oct 2018

“Svanurinn” verðlaunuð í Napólí

Svanurinn, kvikmynd Ásu Helgu Hjörleifsdóttur, vann til dreifingarverðlauna á kvikmyndahátíðinni í Napólí. Verðlaunin tryggja myndinni dreifingu um alla Ítalíu. Þetta eru fimmtu alþjóðlegu verðlaunin sem myndin hlýtur.
Posted On 12 Oct 2018