RIFF dagskráin liggur fyrir

RIFF 2019 stendur yfir dagana 26. september til 6. október og fer hátíðin að mestu fram í Bíó Paradís. Líkt og fyrri daginn eru fjöldi bíómynda, heimildamynda og stuttmynda á dagskrá auk margskonar viðburða. Franska leikstýran Claire Denis er sérlegur heiðursgestur hátíðarinnar að þessu sinni.
Posted On 18 Sep 2019

“Agnes Joy” heimsfrumsýnd á Busan hátíðinni

Agnes Joy eftir Silju Hauksdóttur og Hvítur, hvítur dagur eftir Hlyn Pálmason verða sýndar á hinni virtu alþjóðlegu kvikmyndahátíð í Busan í Suður Kóreu sem fer fram dagana 3.–12. október. Báðar myndirnar munu taka þátt í World Cinema hluta hátíðarinnar.
Posted On 04 Sep 2019

Keppt í gerð gamanmynda á Gamanmyndahátíð

Gamanmyndahátíð Flateyrar verður haldin í fjórða sinn dagana 19.-22. september. Þar verða sýndar gamanmyndir frá öllum heimshornum auk þess sem boðið verður upp á leiksýningar, uppistand, tónleika og matarveislur. Einnig gefst tækifæri til að gera gamanmynd á 48 stundum og sýna hana á hátíðinni.
Posted On 29 Aug 2019

“Bergmál” vann til verðlauna í Locarno

Bergmál eftir Rúnar Rúnarsson hlaut í dag aðalverðlaun dómnefndar unga fólksins á kvikmyndahátíðinni í Locarno í Sviss.
Posted On 17 Aug 2019

Margrét Hrafnsdóttir meðal framleiðenda heimildamyndarinnar “House of Cardin”, frumsýnd í Feneyjum

Margrét Hrafnsdóttir (Margret Raven) er meðal framleiðenda heimildamyndarinnar House of Cardin, sem fjallar um hinn kunna hönnuð Pierre Cardin. Myndin verður heimsfrumsýnd á kvikmyndahátíðinni í Feneyjum í lok ágúst.
Posted On 14 Aug 2019

“Héraðið” til Toronto

Héraðið eftir Grím Hákonarson mun taka þátt í Contemporary World Cinema hluta Toronto hátíðarinnar sem hefst 5. september. Þetta er alþjóðleg frumsýning myndarinnar en sýningar á henni hefjast í Senubíóunum 14. ágúst.
Posted On 13 Aug 2019

Rúnar Rúnarsson um “Bergmál”

Rúnar Rúnarsson ræðir við vef Norræna kvikmynda- og sjónvarpssjóðsins um nýjustu mynd sína, Bergmál, sem nú keppir um Gullna hlébarðann á Locarno hátíðinni í Sviss.
Posted On 13 Aug 2019

Variety um “Bergmál”: Hjartnæmur bútasaumur

"Um leið og áhorfendur leggja allar væntingar um hefðbundna frásagnarfléttu til hliðar munu þeir geta kafað djúpt í þennan hjartnæma bútasaum þar sem íslenskt samfélag er aðalpersónan," segir Jay Weissberg gagnrýnandi Variety um Bergmál Rúnars Rúnarssonar, sem nú er sýnd á Locarno hátíðinni.
Posted On 12 Aug 2019

“Vasulka áhrifin” á Nordisk Panorama

Heimildamyndin Vasulka áhrifin eftir Hrafnhildi Gunnarsdóttur verður heimsfrumsýnd á Nordisk Panorama hátíðinni sem fram fer í Malmö dagana 19.-24. september. Myndin var upphaflega sýnd á Skjaldborgarhátíðinni í vor og hlaut þar áhorfendaverðlaunin.
Posted On 12 Aug 2019

Screen um “Bergmál”: Áhrifamikil upplifun

Allan Hunter gangrýnandi Screen skrifar um Bergmál Rúnars Rúnarssonar sem er nú sýnd á Locarno hátíðinni. Hunter segir hana meðal annars fanga tilfinningu fyrir því hvernig við lifum nú á dögum.
Posted On 11 Aug 2019

“Hvítur, hvítur dagur” verðlaunuð í Motovun

Kvikmyndin Hvítur, hvítur dagur eftir Hlyn Pálmason var valin besta mynd kvikmyndahátíðarinnar í Motovun í Króatíu í gær. Ingvar E. Sigurðsson, aðalleikari myndarinnar, tók við verðlaununum. RÚV segir frá.
Posted On 28 Jul 2019

IceDocs fer vel af stað á Akranesi

IceDocs, eða Iceland Documentary Film Festival, lauk síðastliðinn sunnudag. Alls voru 59 alþjóðlegar heimildamyndir sýndar á hátíðinni, auk sérviðburða, vinnustofu fyrir ungmenni og sérstakrar dagskrár fyrir börn. Heimildamyndir Þorgeirs Þorgeirsonar, sem Kvikmyndasafn Íslands hefur nýlega skannað og lagfært, voru sýndar og einnig var sérstök dagskrá um feril Þorgeirs.
Posted On 26 Jul 2019

“Bergmál” Rúnars Rúnarssonar valin í aðalkeppni Locarno hátíðarinnar

Bergmál Rúnars Rúnarssonar tekur þátt í aðalkeppni kvikmyndahátíðinnar í Locarno í Sviss. Þetta var tilkynnt fyrr í dag. Bergmál mun keppa þar um Gyllta hlébarðann, aðalverðlaun hátíðarinnar. Locarno er ein af virtustu kvikmyndahátíðum Evrópu.
Posted On 17 Jul 2019

Iceland Documentary Film Festival (IceDocs) haldin í fyrsta sinn 17.-21. júlí

Iceland Documentary Film Festival fer fram á Akranesi í fyrsta sinn dagana 17.-21. júlí næstkomandi. Á dagskrá eru um 40 heimildamyndir frá öllum heimshornum, en auk þess verða sérstakar sýningar á verkum Þorgeirs Þorgeirsonar í samvinnu við Kvikmyndasafn Íslands.
Posted On 11 Jul 2019

Cineuropa um “Síðasta haustið”: Skilur mann eftir í ljúfum dvala

Síðasta haustið eftir Yrsu Roca Fannberg fær sæmilega umsögn hjá gagnrýnanda Cineuropa, en myndin er nú sýnd á Karlovy Vary hátíðinni.
Posted On 02 Jul 2019

“End of Sentence” fær góðar viðtökur í Edinborg

End of Sentence, fyrsta bíómynd Elfars Aðalsteins, var frumsýnd á Edinborgarhátíðinni sem lauk um helgina. Screen segir hana hafa verið meðal umtöluðustu titlana á hátíðinni og gagnrýnandi miðilsins gefur henni góða dóma.
Posted On 02 Jul 2019

[Stikla] “End of Sentence” eftir Elfar Aðalsteins, frumsýnd á Edinborgarhátíðinni

End of Sentence, fyrsta bíómynd Elfars Aðalsteins, er frumsýnd á kvikmyndahátíðinni í Edinborg sem nú stendur yfir. Hér má skoða stiklu myndarinnar.
Posted On 26 Jun 2019

[Plakat] “Síðasta haustið”

Heimildamyndin Síðasta haustið eftir Yrsu Rocu Fannberg tekur þátt í keppni um bestu heimildamyndina á Karlovy Vary hátíðinni í Tékklandi sem fram fer dagana 28. júní til 6. júlí. Plakat myndarinnar hefur verið gert opinbert.
Posted On 26 Jun 2019

Cineuropa um “Tryggð”: Frábært sálfræðilegt drama

Frábært sálfræðilegt drama segir Davide Abbatescianni um Tryggð Ásthildar Kjartansdóttur í Cineuropa, en myndin var nýlega sýnd á kvikmyndahátíðinni í Edinborg.
Posted On 26 Jun 2019

Skjaldborg 2019: “Vasulka áhrifin” fær áhorfendaverðlaunin, “In Touch” dómnefndarverðlaunin

Vasulka áhrifin eftir Hrafnhildi Gunnarsdóttur hlaut Einarinn, áhorfendaverðlaun Skjaldborgarhátíðarinnar, sem lauk í gærkvöldi. Pólsk/íslenska heimildamyndin In Touch eftir Pawel Ziemilski hlaut dómnefndarverðlaunin.
Posted On 10 Jun 2019

Skýrsla frá Skjaldborg II

Sérlegur tíðindamaður Klapptrés, Þorkell Harðarson, flytur lesendum annan pistil sinn frá Skjaldborgarhátíðinni sem nú fer að ljúka. Lokapistill er væntanlegur.

Skýrsla frá Skjaldborg I

Skjaldborgarhátíðin er hafin og standa leikar nú sem hæst á Patreksfirði. Sérlegur tíðindamaður Klapptrés, Þorkell Harðarson, hefur sent frá sér skýrslu um upphafið og birtist hún hér. Von er á annarri á morgun.

Ingvar Sigurðsson valinn besti leikarinn á Critics’ Week í Cannes

Ingvar Sigurðsson aðalleikari kvikmyndarinnar Hvítur, hvítur dagur eftir Hlyn Pálmason hlaut leikaraverðlaunin á Critics' Week, hliðardagskrá hinnar virtu kvikmyndahátíðar í Cannes. Verðlaunin eru kennd við Louis Roederer Foundation (Louis Roederer Foundation Rising Star Award) og eru önnur aðalver
Posted On 28 May 2019

Heimildamyndin “Síðasta haustið” valin á Karlovy Vary

Heimildamyndin Síðasta haustið eftir Yrsu Rocu Fannberg hefur verið valinn til þátttöku í keppni um bestu heimildamyndina á Karlovy Vary hátíðinni í Tékklandi. Þetta er önnur heimildamynd Yrsu, sem hlaut Nordisk Panorama verðlaunin fyrir frumraun sína Salóme.
Posted On 28 May 2019