Spænsk og ítölsk verðlaun til “Hjartasteins”

Hjartasteinn Guðmundar Arnars Guðmundssonar var valin besta myndin á tveimur hátíðum um síðustu helgi, annarsvegar Festival MIX Milano á Ítalíu og hinsvegar Fire!! Mostra Internacional de Cinema Gai

“Hjartasteinn” og “Sundáhrifin” verðlaunaðar í Rúmeníu

Hjartasteinn Guðmundar Arnars Guðmundssonar og Sundáhrifin eftir Sólveigu Anspach voru báðar verðlaunaðar á Transilvania International Film Festival sem fór fram í Cluj-Napoca í Rúmeníu um helgina.
Posted On 12 Jun 2017

“Hjartasteinn” komin með 30 alþjóðleg verðlaun

Hjartasteinn Guðmundar Arnars Guðmundssonar var  valin besta leikna myndin á Crossing Europe kvikmyndahátíðinni í Linz í Austurríki sem lauk um síðustu helgi. Í fyrrihluta apríl hlaut myndin samskonar verðlaun á Wicked Queer: The Boston LGBT Film Festival í Bandaríkjunum. Alls eru alþjóðleg verðlaun myndarinnar nú 30 talsins.
Posted On 03 May 2017

“Ártún” fær fern verðlaun í Hong Kong

Stuttmynd Guðmundar Arnars Guðmundssonar, Ártún, hlaut fern verðlaun á Third Culture Film Festival í Hong Kong sem fram fór á dögunum. Verðlaunin voru veitt fyrir bestu myndina, besta leikstjóra, bestu myndatöku (Sturla Brandth Grøvlen) og besta leikara (Flóki Haraldsson).
Posted On 26 Apr 2017

“Hjartasteinn” vinnur í Tékklandi

Hjartasteinn Guðmundar Arnars Guðmundssonar bætti enn einum verðlaunum í hnappagatið um helgina þegar myndin vann aðalverðlaun Febiofest hátíðarinnar í Prag í Tékklandi. Leikstjórinn veitti verðlaununum viðtöku.
Posted On 02 Apr 2017

“Hjartasteinn” vinnur tvenn verðlaun í Belgrad

Hjartasteinn Guðmundar Arnars Guðmundssonar vann til tveggja verðlauna á Alþjóðlegu kvikmyndahátíðinni í Belgrad í Serbíu, sem lauk í gær. Myndin hlaut bæði dómnefndarverðlaun hátíðarinnar og verðlaun fyrir bestu fyrstu mynd leikstjóra.
Posted On 06 Mar 2017

“Hjartasteinn” fær tvenn Scope100 dreifingarverðlaun og tvenn verðlaun í Frakklandi

Hjarta­steinn eftir Guðmund Arnar Guðmundsson hlaut á dögunum Scope100 dreifingarverðlaunin í Portúgal og Svíþjóð sem tryggir myndinni dreifingu í báðum löndum. Myndin hlaut svo um helgina dómnefndarverðlaun ungmenna og sérstök verðlaun dómnefndar á Festival International du Premier Film d'Annonay í Frakkland
Posted On 18 Feb 2017

Gautaborg verðlaunar framleiðendur “Hjartasteins”

Framleiðendur Hjartasteins, Anton Máni Svansson, Lise Orheim Stender, Jesper Morthorst og Guðmundur Arnar Guðmundsson, fengu Lorens framleiðendaverðlaunin á Gautaborgarhátíðinni sem lýkur í dag.
Posted On 05 Feb 2017

“Hjartasteinn” fær þrenn verðlaun í Frakklandi

Hjartasteinn vann til þrennra verðlauna á lokakvöldi Premiers Plans-kvikmyndahátíðarinnar í Angers í Frakklandi sl. sunnudag, en hátíðin var haldin í 28. sinn. Myndin hlaut aðalverðlaunin, áhorfendaverðlaunin og verðlaun ungu dómnefndarinnar.
Posted On 31 Jan 2017

Morgunblaðið um “Hjartastein”: Ber er hver að baki

Brynja Hjálmsdóttir skrifar um Hjartastein Guðmundar Arnars Guðmundssonar í Morgunblaðið og segir hana einhverja sterkustu íslensku kvikmynd síðustu ára og algjörlega á pari með því betra sem er að gerast í evrópskri kvikmyndagerð um þessar mundir. Hún gefur myndinni fjóra og hálfa stjörnu af fimm.
Posted On 30 Jan 2017

“Hjartasteinn” verðlaunuð í Tromsö

Hjartasteinn Guðmundar Arnars Guðmundssonar, hlaut Don Kíkóta verðlaunin sem FICC (International Federation of Film Societies) samtökin veittu á alþjóðlegu kvikmyndahátíðinni í Tromsø í Noregi sem lauk 22. janúar. Guðmundur Arnar var viðstaddur hátíðina og veitti verðlaununum viðtöku.
Posted On 25 Jan 2017

Lestin á RÚV um “Hjartastein”: Saga sögð af miklu næmi

Gunnar Theódór Eggertsson fjallar um Hjartastein Guðmundar Arnars Guðmundssonar í Lestinni á Rás 1 og segir hana allt í senn einlæga, næma og opinskáa.
Posted On 19 Jan 2017

Guðmundur Arnar um “Hjartastein”: Veröld sem minnkar og þrengist með aldrinum

Fréttablaðið ræðir við Guðmund Arnar Guðmundsson leikstjóra og handritshöfund Hjartasteins um myndina og hugmyndirnar bakvið hana.
Posted On 16 Jan 2017

Fréttablaðið um “Hjartastein”: Lágstemmd og heillandi þroskasaga

Tómas Valgeirsson skrifar um Hjartastein Guðmundar Arnars Guðmundssonar í Fréttablaðið og segir meðal annars: "Styrkur hennar liggur í trúverðugu handriti, flottri kvikmyndatöku og öflugum leikurum. Það er eiginlega hálfgert kraftaverk hvað unga fólkið er traust og að heildarmyndin skuli vera svona tilgerðarlaus, áreynslulaus, manneskjuleg og heillandi." Hann gefur myndinni fjórar stjörnur.
Posted On 13 Jan 2017

Sýningar hefjast á “Hjartasteini” í dag

Almennar sýningar hefjast í dag á Hjartasteini eftir Guðmund Arnar Guðmundsson. Sagan gerist yfir sumar í litlu sjávarþorpi og fjallar um sterka vináttu tveggja drengja sem eru að taka sín fyrstu skref inn í unglingsárin og uppgötva ástina.
Posted On 13 Jan 2017

Aðalleikarar “Hjartasteins” verðlaunaðir í Marokkó

Baldur Einarsson og Blær Hinriksson, sem fara með aðalhlutverkin í Hjartasteini Guðmundar Arnars Guðmundssonar, voru valdir bestu leikararnir á kvikmyndahátíðinni í Marrakech í Marokkó sem lauk um helgina.
Posted On 11 Dec 2016

Guðmundur Arnar ræðir við Variety um “Hjartastein”

Variety ræðir við Guðmund Arnar Guðmundsson leikstjóra og handritshöfund Hjartasteins, sem blaðið kallar ferska sýn á þroskasögubálkinn (coming-of-age). Variety lýsir því jafnframt yfir að með Guðmundi hafi nýr fulltrúi bæst í hóp næstu kynslóðar íslenskra kvikmyndagerðarmanna.
Posted On 10 Dec 2016

“Hjartasteinn” verðlaunuð í Grikklandi og á Spáni

Hjartasteinn Guðmundar Arnars hlaut silfurverðlaun (Silver Alexander) alþjóðlegu kvikmyndahátíðarinnar í Þessalóníku í Grikklandi, sem lauk um helgina Einnig vann hún til Ocaña frelsisverðlauna evrópsku kvikmyndahátíðarinnar í Sevilla á Spáni.
Posted On 16 Nov 2016

“Hjartasteinn” fær áhorfendaverðlaun CPH:PIX

Hjartasteinn Guðmundar Arnars Guðmundssonar hlaut áhorfendaverðlaun Politiken á CPH:PIX kvikmyndahátíðinni í Kaupmannahöfn sem lýkur á miðvikudag.
Posted On 07 Nov 2016

“Hjartasteinn” vinnur aðalverðlaun Norrænna bíódaga í Lübeck

Hjartasteinn Guðmundar Arnars Guðmundssonar hlaut í kvöld aðalverðlaun 58. Norrænu kvikmyndahátíðarinnar í Lübeck. Kvikmyndin fetar í fótspor myndar Baldvins Z, Vonarstrætis, sem hlaut sömu verðlaun árið 2014 en þeim fylgir 12.500 evru verðlaunafé, eða rúmlega ein og hálf milljón króna.
Posted On 05 Nov 2016

Þrenn verðlaun til “Hjartasteins” í Kiev

Hjartasteinn Guðmundar Arnars Guðmundssonar hlaut þrenn verðlaun á hinni nýafstöðnu Molodist kvikmyndahátíð í Kiev í Úkraínu. Myndin fékk áhorfendaverðlaun hátíðarinnar, FIPRESCI verðlaun samtaka gagnrýnenda og einnig hlaut Baldur Einarsson sérstaka viðurkenningu fyrir hlutverk sitt.
Posted On 31 Oct 2016

“Hjartasteinn” fær verðlaun í Chicago

Hjartasteinn Guðmundar Arnars Guðmundssonar hlaut Gold Q Hugo verðlaunin á alþjóðlegu kvikmyndahátíðinni í Chicago í Bandaríkjunum sem lauk um helgina. Gold Q Hugo eru aðalverðlaunin í Outlook flokki hátíðarinnar, þar sem LGBT sögum og sjónarhornum er gert hátt undir höfði.
Posted On 26 Oct 2016

Cinema Scandinavia um “Hjartastein”: Sterk og vel sögð saga

Cinema Scandinavia skrifar um Hjartastein Guðmundar Arnars Guðmundssonar og segir hana afar vel heppnaða mynd.
Posted On 23 Oct 2016

“Hjartasteinn” vinnur þrennu í Varsjá

Hjartasteinn Guðmundar Arnars Guðmundssonar hlaut þrenn verðlaun á kvikmyndahátíðinni í Varsjá Póllandi sem lýkur í dag.
Posted On 16 Oct 2016