Berdreymi Guðmundar Arnars Guðmundssonar nýtur nú um stundir mikillar velgengni á kvikmyndahátíðum víða um heim.
Myndin var sýnd á alþjóðlegu kvikmyndahátíðinni í Transilvaníu, sem fram fór 17.-26. júní, og færði þar Guðmundi Arnari verðlaun sem besti leikstjórinn.
Þetta eru næst stærstu verðlaun hátíðarinnar og í niðurstöðu dómnefndar segir að Guðmundur fái þau fyrir að skapa í myndinni „trúverðugan, frumlegan og ljómandi heim.“
Guðmundur hlaut sömu verðlaun árið 2017, þá fyrir kvikmyndina Hjartastein, og haut myndin sömuleiðis áhorfendaverðlaun það árið.
