Berdreymi Guðmundar Arnars Guðmundssonar var verðlaunuð á Thessaloniki Film Festival í Grikklandi, sem fram fór í 63. sinn á dögunum. Þetta eru tólftu alþjóðlegu verðlaun myndarinnar.
Berdreymi hlaut Fischer áhorfendaverðlaunin í flokknum Open Horizons.
Þá var stuttmyndin Hreiðrið eftir Hlyn Pálmason verðlaunuð í lok síðasta mánaðar á 40. alþjóðlegu kvikmyndahátíðinni í Sulmona á Ítalíu. Hún var bæði valin besta alþjóðlega stuttmyndin og Hlynur var valin besti leikstjórinn. Myndin hefur þá hlotið fern alþjóðleg verðlaun.
Báðar myndir eru framleiddar af Anton Mána Svanssyni hjá Join Motion Pictures.
