spot_img
HeimEddanBERDREYMI framlag Íslands til forvals Óskarsverðlauna

BERDREYMI framlag Íslands til forvals Óskarsverðlauna

-

Berdreymi eftir Guðmund Arnar Guðmundsson verður framlag Íslands til forvals Óskarsverðlauna 2023. Þetta var tilkynnt á Edduverðlaununum sem fram fóru í kvöld.

Framlagið var valið af dómnefnd sem skipuð er aðilum úr stjórnum fagfélaga í kvikmyndaiðnaði auk fulltrúa frá Kvikmyndamiðstöð Íslands, kvikmyndahúsa og kvikmyndagagnrýnenda.

Um myndina hefur dómnefnd þetta að segja:

Hér er á ferðinni áleitin saga sem er sett fram af látleysi og yfirvegun og leyfir sér að ganga nálægt áhorfanda. Einstök frammistaða og hugrekki ungra leikara á sérstakt lof skilið fyrir stóran þátt sinn í áhrifamætti verksins. Tónn, andi og tilfinning frásagnarinnar nýtir möguleika formsins á eftirtektarverðan hátt sem skilar sér í hrárri og sterkri kvikmynda upplifun.

Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR