HeimEfnisorðRÚV

RÚV

Þið munið hann Derras

"Sjónvarp er menningarmiðill. Sjónvarp er þing. Sjónvarpið okkar hefur á liðnum árum verið og er enn leikhús, bíó, kappleikur, bókasafn, skóli, leikvöllur og samkomuhús. Sjónvarpið okkar er rödd lýðræðisþjóðar," segir Skarphéðinn Guðmundsson dagskrárstjóri RÚV.

RÚV semur við DR um sölu á íslensku sjónvarpsefni um allan heim

RÚV hefur undirritað rammasamning við DR Sales, söludeild Danmarks Radio, sem felur í sér að DR Sales mun sjá um að markaðssetja, selja og fjármagna dagskrárefni í eigu og meðframleiðslu RÚV um allan heim.

Þegar faðir minn og öll hin bjuggu til Sjónvarpið

Ég óska RÚV - sjónvarpi allra landsmanna hjartanlega til hamingju með daginn og hálfrar aldar tilveru. Þessi merka menningarstofnun hefur alltaf verið nálæg í mínu lífi, ekki bara vegna þess að ég hef unnið ýmiskonar efni fyrir Sjónvarpið í bráðum þrjátíu ár, heldur kannski enn frekar vegna þess að faðir minn, Sverrir Kr. Bjarnason, var í hópi þeirra sem bjuggu Sjónvarpið til.

Sjónvarpið (RÚV) 50 ára í dag

Í dag 30. september eru 50 ár liðin frá því sjónvarpsútsendingar hófust á Íslandi. RÚV fagnar þessum tímamótum með hátíðahöldum alla helgina.

Viðhorf | Verum samferða inn í framtíðina

"Fjölmiðill í þjónustu almennings þarf bæði að skipta máli og koma að gagni. Í yfir 80 ár hefur Ríkisútvarpið verið samferða þjóðinni við leik og störf, boðið upp á fréttir og dagskrá sem upplýsir, fræðir og skemmtir, verið hreyfiafl góðra verka og ávallt staðið vaktina þegar mikið liggur við," segir Magnús Geir Þórðarson útvarpsstjóri í upphafsorðum greinar sinnar um stöðu og framtíðarhorfur RÚV.

Ráðist í aðra syrpu af „Ófærð“

RVK Studios og RÚV hafa náð samkomulagi um að hefja vinnu við nýja syrpu af hinni vinsælu glæpaseríu Ófærð. Þáttaröðin hefur notið almennrar hylli víða um heim, verið lofuð af gagnrýnendum og má ætla að vel á annan tug milljóna hafi horft á þá og enn á eftir að sýna þá víða. Áætlað er að önnur þáttaröð verði frumsýnd á RUV haustið 2018.

Þarf íslenskt sjónvarp pólitíska vernd?

Hallgrímur Oddsson skrifar í Kjarnann um ákall forsvarsmanna einkastöðvanna um lagabreytingar til að bregðast við erlendri samkeppni og afnám auglýsinga í RÚV. Hann veltir því meðal annars upp hvort núverandi viðskiptamódel einkastöðvanna eigi sér framtíð, jafnvel þó komið yrði til móts við óskir þeirra.

Netflix meðal fjárfesta í mynd Sagafilm um Guðmundar- og Geirfinnsmálið

Heim­ild­ar­mynd um Guðmund­ar- og Geirfinns­málið verður frum­sýnd á fyrstu mánuðum næsta árs, en Sagafilm vinn­ur um þess­ar mund­ir að fram­leiðslu henn­ar ásamt Mosaic Films í Bretlandi, BBC, RÚV og banda­rísku efn­isveit­unni Net­flix.

Ársskýrsla RÚV 2015 komin út

Ársskýrsla RÚV 2015 er komin út og má skoða hér. Í skýrslunni eru kynntar lykiltölur úr rekstri auk hverskyns annarra upplýsinga um starfsemi RÚV. Magnús Geir Þórðarson útvarpsstjóri fylgir skýrslunni úr hlaði.

Aukin áhersla á leikið efni í nýjum þjónustusamningi við RÚV

Í dag var undirritaður nýr þjónustusamningur milli Ríkisútvarpsins og mennta- og menningarmálaráðherra. Meðal þess helsta sem snýr að bransanum er að auknu fé verður veitt til samframleiðslu og kaupa á efni frá sjálfstæðum framleiðendum, auk þess sem ráðist verður í sérstakt átak til að auka leikið efni í sjónvarpi.

59% áhorf á lokaþætti „Ófærðar“ 

Rúmlega helmingur landsmanna horfði á línulega dagskrá á RÚV bæði á laugardags- og sunnudagskvöld, þegar Söngvakeppnin og lokaþættir Ófærðar voru á dagskrá. Þetta fer nærri því að vera mesta áhorf í heild yfir eina helgi síðan rafrænar mælingar hófust árið 2008, að sögn Skarphéðins Guðmundssonar, dagskrárstjóra RÚV.

Tvöfaldur lokaþáttur „Ófærðar“ á sunnudag, stór sjónvarpshelgi framundan

Ákveðið hefur verið að ljúka sýningum á Ófærð næstkomandi sunnudagskvöld með því að sýna þá tvo síðustu þættina saman. „Við vildum verðlauna áhorfendur fyrir þessar frábæru viðtökur sem þáttaröðin hefur fengið með því að stytta biðina erfiðu,“ segir Skarphéðinn Guðmundsson dagskrárstjóri RÚV.

Þáttaröðin „Fangar“ fær um 27 milljóna króna styrk frá Norræna sjóðnum

Þáttaröðin Fangar fékk á dögunum tæplega 27 milljóna króna styrk frá Norræna kvikmynda- og sjónvarpssjóðnum. Verkefnið, sem fer í tökur í vor undir stjórn Ragnars Bragasonar, hefur þegar verið selt til norrænu sjónvarpsstöðvanna og víðar auk RÚV. Mystery framleiðir.

Þáttaröðin „Fangar“ verður sýnd á öllum Norðurlöndunum og víðar

Sjón­varpsþáttaröðin Fang­ar verður sýnd á öllum ríkissjónvarpsstöðum Norður­landanna, DR í Dan­mörku, NRK í Nor­egi, SVT í Svíþjóð og YLE í Finn­landi auk RÚV á Íslandi. Þá hefur hún einnig verið seld til Canal+ í Póllandi. Sölu­fyr­ir­tækið Global Screen annast sölu á alþjóðlegum vettvangi, en tökur á þáttaröðinni hefjast á vormánuðum undir stjórn Ragnars Bragasonar.

Hafsteinn Gunnar Sigurðsson og Halldór Halldórsson fá RÚV-styrk til að skrifa þáttaröð

Hafsteinn Gunnar Sigurðsson og Halldór Halldórsson hlutu í dag styrk úr Leiklistarsjóði Þorsteins Ö. Stephensen hjá RÚV til að skrifa sjónvarpsþáttaröðina Aftureldingu. Styrkurinn nemur 2,8 milljónum króna.

Áætlað að um 128 þúsund hafi séð „Ófærð“ í gærkvöldi

Um 128 þúsund manns horfðu á fyrsta þátt Ófærðar í gærkvöldi samkvæmt bráðabirgðatölum frá Gallup. Meðaláhorf reyndist 49 prósent en uppsafnað áhorf 53 prósent.

Fyrsta þætti af „Ófærð“ vel tekið

RÚV frumsýndi fyrsta þáttinn af Ófærð í kvöld og fjölmörg ummæli hafa þegar birst á samfélagsmiðlum, sér í lagi Twitter. Almennt virðist fólk ánægt með upphafið.

Dagskrárstjórar RÚV segja ríkisstjórnina vega að ritstjórnarlegu sjálfstæði

Dagskrárstjórar RÚV hafa sent stjórn RÚV yfirlýsingu þar sem þeir lýsa áhyggjum sínum af „ákvörðun ríkisstjórnar Sigmundar Davíðs Gunnlaugssonar sem ógnar ritstjórnarlegu sjálfstæði Ríkisútvarpsins.“ Undir yfirlýsinguna rita Rakel Þorbergsdóttir fréttastjóri, Þröstur Helgason, dagskrárstjóri Rásar 1, Frank Hall, dagskrárstjóri Rásar 2, Skarphéðinn Guðmundsson, dagskrárstjóri sjónvarps og Ingólfur Bjarni Sigfússon, vef- og nýmiðlastjóri.

Viðhorf | Forsætisráðherra úti að aka með RÚV

Sigmundur Davíð Gunnlaugsson forsætisráðherra sagði í hádegisfréttum RÚV í gær, sunnudag, að RÚV gæti aukið tekjur sínar þrátt fyrir lækkun útvarpsgjalds og nefndi þar aukna sölu auglýsinga í tengslum við þá leiknu þáttaraðir sem gerðar yrðu vegna sérframlagsins svokallaða sem og tekjur af sölu slíkra þáttaraða til Norðurlanda, Þýskalands og fleiri landa. Hvorutveggja lýsir miklum skilningsskorti og óhjákvæmilegt að spyrja hvort enginn sem þekki til hafi aðgang að eyra ráðherrans.

„Allar leiðir lokaðar“, heimildamynd um gerð „Ófærðar“

RÚV frumsýnir þáttaröðina Ófærð þann 27. desember næstkomandi. Í heimildamynd um gerð þáttaraðarinnar er skyggnst á bakvið tjöldin við gerð hennar. Meðal þeirra sem er rætt er við eru Sigurjón Kjartansson, Baldvin Z, Baltasar Kormákur, Ólafur Darri Ólafsson, Ilmur Kristjánsdóttir og fleiri.

RÚV skorið niður við trog, ráðherrar skammta úr hnefa

Útvarps­gjald mun lækka úr 17.800 krón­um í 16.400 krón­ur á næsta ári samkvæmt nýjustu fréttum. Þetta þýðir um 400 milljóna tekjumissi að sögn RÚV og nemur því heildarhagræðing næsta árs um 500 milljónum. Á móti ákveður ríkisstjórnin að RÚV fái "sérstakt framlag uppá 175 milljónir króna til eflingar inn­lendr­ar dag­skrár­gerðar" eins og það er orðað.

Fyrirhuguð lækkun útvarpsgjalds verður þungt högg fyrir innlendan kvikmyndaiðnað

Fyrirhuguð lækkun útvarpsgjalds um 1.400 krónur þýðir um 400 milljóna króna tekjumissi fyrir RÚV. Ljóst er að það mun fyrst og fremst bitna á dagskrárframboði og vegur sjónvarpshlutinn þar langþyngst. Mörg framleiðslufyrirtæki og einyrkjar í kvikmyndagerð byggja afkomu sína að verulegu leyti á viðskiptum við RÚV. Viðbúið er að þau muni dragast mikið saman.

RÚV óskar eftir umsóknum um styrki til handritsgerðar leikinna þáttaraða

RÚV hefur auglýst eftir umsóknum um styrki til handritsgerðar frumsaminna leikinna sjónvarpsþátta. Styrkirnir verða veittir úr Leiklistarsjóði Þorsteins Ö. Stephensen við Ríkisútvarpið.

Frásagnir af dauða línulegrar dagskrár stórlega ýktar

Ingólfur Hannesson deildarstjóri hjá EBU (Evrópusambandi sjónvarpsstöðva) fjallar um áhorf á línulega dagskrá sjónvarps í Evrópu og segir samdrátt stórlega ýktan. Þá tekur hann RÚV sérstaklega fyrir og segir félagið hafa einstaklega sterka stöðu, einnig hjá yngri aldurshópum.

BÍL um RÚV: Ríkisútvarpið verði styrkt

Stjórn BÍL hefur sent frá sér ályktun um málefni Ríkisútvarpsins þar sem því er beint til menningarmálaráðherra að Ríkisútvarpið verði styrkt svo sem verða má, jafnt í rekstrarlegu sem menningarlegu tilliti, svo tryggt verði að það fái staðið af metnaði undir lagalegu hlutverki sínu á vettvangi almannaþjónustu og menningar.

Eyþór Arnalds: Viðbótarframlög skýri skuldalækkun

Það er ekki vegna rekstrarafgangs sem skuldir Ríkisútvarpsins hafa lækkað, segir formaður starfshóps menntamálaráðherra sem fór yfir rekstur og fjárhag RÚV.

Kvennablaðið um RÚV-skýrslu: Markmiðið að veikja RÚV

Fjöldann allan af rangfærslum er að finna í RÚV-skýrslunni, rekjanleiki heimilda er bágborinn, samanburður milli landa ófullnægjandi og án upplýsandi fyrirvara. Þá er framsetning tölulegra upplýsinga villandi, mælikvarðar og forsendur sem nefndin gefur sér eru fálmkennd og gildishlaðið orðalag þar sem hallar á RÚV einkennir skýrsluna. Þetta er meðal þess sem fram kemur í ítarlegri fréttaskýringu Atla Þórs Fanndal blaðamanns hjá Kvennablaðinu.

Kjarninn segir maðk í mysu RÚV-skýrslu

Þórður Snær Júlíusson ritstjóri Kjarnans leggur útaf RÚV-skýrslunni og segir svo virðast sem tilgangur hennar sé að setja af stað neikvæða umræðu um framtíð RÚV- enn eitt árið. Hann kallar jafnframt eftir vitrænni stefnumótun um framtíð RÚV.

Páll Magnússon gagnrýnir RÚV-skýrsluna fyrir ósambærilegar tölur og fáfræði um dreifingarmál

Páll Magnússon, fyrrverandi útvarpsstjóri, gagnrýnir höfunda RÚV-skýrslunnar fyrir að bera saman ósambærilegar tölur sem valdi því að svo virðist sem skuldir RÚV hafi aukist eftir að stofnuninni var breytt í opinbert hlutafélag meðan skuldir hafi lækkað um 16%. Hann gagnrýnir einnig þann kafla skýrslunnar sem fjallar um dreifikerfið.

Starfsfólk RÚV gagnrýnir RÚV-skýrslu og biður um vinnufrið

Starfsmannasamtök Ríkisútvarpsins sendu frá sér yfirlýsingu í dag þar sem lagt er út af RÚV-skýrslunni og viðbrögðum við henni. Þar kemur meðal annars fram að starfsfólk RÚV sé langþreytt á ófaglegri umræðu og óskar eftir því að stjórnmálamenn og aðrir sýni þá sjálfsögðu kurteisi að byggja mál sitt á staðreyndum.

Margvísleg viðbrögð við RÚV-skýrslunni

Ýmsir hafa tjáð sig um RÚV-skýrsluna svokölluðu sem birt var í dag. Meðal þeirra sem tjá sig eru Illugi Gunnarsson menntamálaráðherra, Mörður Árnason varaþingmaður, Egill Helgason í Silfur-dálki sínum, Orðið á götunni, ritstjórn Kjarnans og þingmennirnir Róbert Marshall og Vigdís Hauksdóttir.

Magnús Geir um RÚV-skýrsluna: Svarthvít samantekt 

RÚV hefur birt viðbrögð við RÚV-skýrslunni á vef sínum. Þar segir meðal annars að skýrslan staðfesti að RÚV ohf. hafi verið undirfjármagnað frá stofnun eins og stjórnendur RÚV hafi ítrekað bent á. Skýrslan sýni einnig að jákvæður viðsnúningur hafi orðið í rekstrinum á undanförnum átján mánuðum.

RÚV-skýrslan: Hallarekstur um árabil

Skýrsla starfshóps sem falið var að skoða og greina rekstur Ríkisútvarpsins var birt í dag. Þar kemur meðal annars fram að rekstur RÚV ohf. frá stofnun félagsins árið 2007 hafi ekki verið sjálfbær. Gjöld hafa verið meiri en tekjur á tímabilinu í heild og hefur hallarekstur verið fjármagnaður með auknu ríkisframlagi, lántökum og frestun afborgana lána.

Tekjur RÚV, samhengi og þróun

RÚV birti á vef sínum fyrir nokkru yfirlit um þróun tekna félagsins undanfarin ár. Greinin birtist hér í heild sinni með leyfi RÚV.

Andrés Indriðason fagnar 50 ára starfsafmæli á RÚV

Andrés Indriðason dagskrárgerðarmaður náði í gær þeim áfanga að hafa unnið fyrir Sjónvarpið og Ríkisútvarpið í hálfa öld, eða frá því um ári áður en Sjónvarpið tók til starfa. Haldið var upp á starfsafmælið í Útvarpshúsinu í gær.

Örvarpið í loftið á vef RÚV í þriðja sinn

Örvarpið, örmyndahátíð RÚV á netinu er nú farin af stað í þriðja sinn. Hátíðin er vettvangur fyrir upprennandi, skapandi og framsækið fólk í kvikmyndalist.

Sjónvarpsþáttaröðin „Fangar“ í tökur á næsta ári

Sjónvarpsþáttaröðin Fangar hefur hlotið stuðning Kvikmyndamiðstöðvar Íslands og tökur eru fyrirhugaðar um mitt næsta ár. Framleiðendur eru Davíð Óskar Ólafsson og Árni Filippusson fyrir Mystery Productions (Á annan veg, Málmhaus, Bakk).

„Dagur í lífi þjóðar“: Hollráð við upptökur

RÚV býður þér að taka upp myndavélina miðvikudaginn 30. september næstkomandi og segja í lifandi myndum frá lífi þínu þennan dag. Markmiðið er að búa til heimildamynd sem verður svipmynd af þessum tiltekna degi í lífi þjóðarinnar. Brynja Þorgeirsdóttir sjónvarpsmaður fer yfir helstu atriði varðandi beitingu myndavélar og hljóðnema í stuttu innslagi.

„Dagur í lífi þjóðar“: Hvernig skal undirbúa tökur?

RÚV býður þér að taka upp myndavélina miðvikudaginn 30. september næstkomandi og segja í lifandi myndum frá lífi þínu þennan dag. Markmiðið er að búa til heimildamynd sem verður svipmynd af þessum tiltekna degi í lífi þjóðarinnar. Gísli Einarsson sjónvarpsmaður fer yfir helstu atriði varðandi undirbúning fyrir tökur í stuttu innslagi.

Um hvað snýst „Dagur í lífi þjóðar“?

RÚV býður þér að taka upp myndavélina miðvikudaginn 30. september næstkomandi og segja í lifandi myndum frá lífi þínu þennan dag. Markmiðið er að búa til heimildamynd sem verður svipmynd af þessum tiltekna degi í lífi þjóðarinnar. Ásgrímur Sverrisson, stjórnandi verkefnisins, fer yfir helstu atriði í eftirfarandi innslagi.

„Dagur í lífi þjóðar“: Heimildamynd um einn dag í lífi þjóðarinnar samkvæmt henni sjálfri

RÚV býður öllum í landinu að taka upp myndavélina miðvikudaginn 30. september næstkomandi og segja í lifandi myndum frá lífi sínu þennan dag. Úr innsendu efni verður gerð heimildamynd í fullri lengd, Dagur í lífi þjóðar, sem sýnd verður á hálfrar aldar afmæli RÚV þann 30. september 2016.

RÚV sýnir allar Laxness myndirnar

Í desember verða 60 ár liðin frá því að Halldór Laxness hlaut Nóbelsverðlaunin í bókmenntum. Af því tilefni sýnir RÚV allar kvikmyndir sem gerðar hafa verið eftir sögum hans.

Framlög til Kvikmyndamiðstöðvar hækkuð um 8,2%, skorið niður hjá RÚV um 4,7%

Í nýframlögðu fjárlagafrumvarpi er gert ráð fyrir að framlög til Kvikmyndamiðstöðvar Íslands hækki um 73,2 m.kr. frá fjárlögum yfirstandandi árs en Ríkisútvarpið sætir 173 m.kr. niðurskurði.

RÚV með leikið íslenskt efni á hverjum sunnudegi í vetur

Í fyrsta sinn í sögu sinni býður RÚV uppá leikið íslenskt efni á hverjum sunnudegi í vetur. Þarna verður að finna meðal annars þrjár leiknar þáttaraðir (auk tveggja annarra sem verða á dagskrá á öðrum tímum vikunnar) og fjölda nýrra og nýlegra íslenskra bíómynda, auk eldri mynda sem hafa verið endurbættar með stafrænni tækni.

RÚV kynnir vetrardagskrána; þáttaraðir á fjórða tuginn, þar af fimmtán nýjar

RÚV hefur opnað vef þar sem vetrardagskráin er kynnt. Fjöldi nýrra þátta er á dagskránni en alls verða fimmtán nýjar þáttaraðir á dagskrá, auk þess sem frumsýndar verða nýjar kvikmyndir, heimildamyndir og stakir þættir til viðbótar við þáttaraðir sem snúa aftur. Rík áhersla verður á menningartengda dagskrárgerð.

Breytingar á „Kastljósi“ RÚV, menningarumfjöllun bætist við, „Djöflaeyjan“ lögð niður

RÚV hefur tilkynnt um breytingar á Kastljósi sem felast í því að menningarumfjöllun fær fast pláss í þættinum þrisvar í viku og verður Brynja Þorgeirsdóttir menningarritstjóri þáttarins. Menningarþátturinn Djöflaeyjan, sem Brynja stýrði áður, verður lagður niður.

„Brekkukotsannál“ bjargað

Ekki ein sekúnda í sjónvarpsþáttaröðinni Brekkukotsannál var í lagi í eintaki sem til var hér á landi. Þetta stóra verkefni, sem er rúmlega 40 ára, hefur nú gengið í endurnýjun lífdaga með ærinni fyrirhöfn.

Gamanþáttaröðin „Drekasvæðið“ hefst 1. maí á RÚV

Drekasvæðið, sex þátta röð, kemur úr smiðju Ara Eldjárns, Braga Valdimars Skúlasonar, Guðmundar Pálssonar og Kristófers Dignusar. Stórveldið framleiðir.
spot_imgspot_img

NÝJUSTU FÆRSLUR