HeimEfnisorðRvk. Studios

Rvk. Studios

Focus Features bakkar SNERTINGU Baltasars, Egill Ólafsson fer með aðalhlutverkið

Focus Features mun dreifa Snertingu Baltasars Kormáks í Bandaríkjunum. Universal mun dreifa myndinni á heimsvísu. Egill Ólafsson fer með aðalhlutverkið, en tökur hefjast í London á sunnudag.

Borgin selur Baltasar aðra skemmu í Gufu­nesi undir kvik­­mynda­­gerð

Dagur B. Eggertsson borgarstjóri og Baltasar Kormákur Baltasarsson leikstjóri munu í dag skrifa undir samning um kaup RVK Studios á annarri skemmu Áburðarverksmiðjunnar í Gufunesi sem staðið hefur ónýtt um langt skeið. Kaupverð er 320 milljónir króna.

Mik­il vel­gengn­i í ís­lenskr­i kvik­mynd­a­gerð

Kvikmyndaframleiðendur segja að tilkoma streymisveita hafi gjörbylt fjármögnunarmöguleikum í kvikmyndaframleiðslu. Á árinu 2020 var mikill hagnaður í íslenskri kvikmyndagerð. Fjallað er um þetta í Fréttablaðinu.

Fé­lag Balt­as­ars Korm­áks greidd­i yfir hundr­að millj­ón­ir í arð

Sögn, fyrirtæki í eigu Baltasars Kormáks Baltasarssonar kvikmyndagerðarmanns, hagnaðist um 163 milljónir króna árið 2020, samanborið við 37 milljóna hagnað árið áður. Þetta kemur fram í Fréttablaðinu.

[Kitla] Þáttaröðin KATLA kemur á Netflix 17. júní

Þáttaröðin Katla í leikstjórn Baltasars Kormáks, Þóru Hilmarsdóttur og Barkar Sigþórssonar kemur út á Netflix þann 17. júní næstkomandi. Kitla verksins var frumsýnd í dag.

RVK Studios framleiðir kvikmyndina AGAINST THE ICE fyrir Netflix

RVK Studios framleiðir kvikmyndina Against the Ice fyrir Netflix og er tökum á myndinni nýlokið hér á landi. Hún verður sýnd síðar á árinu. Danski leikarinn Nikolaj Coster-Waldau fer með aðalhlutverkið en þetta er ástríðuverkefni hans. Danski leikstjórinn Peter Flinth (Arn: The Knight Templar) stýrir. Nordic Film and TV News fjallar um myndina.

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.

Netflix verkefni í tökum á Íslandi og í Suður Kóreu

Á meðan tökur liggja niðri um allan heim vegna Covid-19 faraldursins er það ekki tilfellið á Íslandi og í S-Kóreu þar sem Netflix er með verkefni í gangi.

Netflix framleiðir „Kötlu“

Vís­inda­skáld­söguþætt­irn­ir Katla úr smiðju leik­stjór­ans Baltas­ars Kor­máks verða fram­leidd­ir af efn­isveit­unni Net­flix. Þetta kem­ur fram í til­kynn­ingu frá Net­flix en þar seg­ir að fal­legt lands­lag Íslands verði fyr­ir­ferðar­mikið í átta þátta Net­flix-serí­unni en fram­leiðsla hefst 2020.

Baltasar Kormákur um „Ófærð 2“: Vildi segja eitthvað sem skiptir máli

„Markmiðið var að reyna að gera betur. Mig langaði til að nota tækifærið og fjalla um eitthvað sem skiptir mig máli og nota þrillerinn, án þess að tapa spennu og skemmtanagildi, til þess að fjalla um viðkvæmari mál eins og Ísland og landvernd," segir Baltasar Kormákur um nýja syrpu þáttaraðarinnar Ófærð sem frumsýnd verður á RÚV annan dag jóla.

Baltasar: Nýir tímar framundan

Baltasar Kormákur og Reykjavík Studios opnuðu formlega nýtt kvikmyndaver í Gufunesi á sumardaginn fyrsta, en tökur á annarri syrpu Ófærðar hafa staðið þar yfir að undanförnu. Klapptré ræddi við Baltasar um rekstargrundvöllinn og hvernig hann sér þetta allt fyrir sér.

[Stikla] „Vargur“, kemur í bíó 4. maí

Stikla kvikmyndarinnar Vargur eftir Börk Sigþórsson hefur verið opinberuð og má sjá hér. Myndin verður frumsýnd 4. maí næstkomandi. Sena dreifir á Íslandi.

[Plakat] „Vargur“, væntanleg…

Plakat kvikmyndarinnar Vargur eftir Börk Sigþórsson hefur verið opinberað. Leikstjórinn birtir plakatið á Facebook síðu sinni og segir myndina væntanlega...

BBC segir „Ófærð 2“ meðal mest spennandi þáttaraðanna á árinu

BBC fjallar um áhugaverðar sjónvarpsþáttaraðir sem væntanlegar eru á árinu og kennir þar margra grasa. Meðal þáttaraðanna er önnur syrpa Ófærðar.

RVK Studios óskar eftir endurupptöku vegna endurgreiðslu til „Ófærðar“

Forsvarsmenn RVK Studios, framleiðslufyrirtækis Baltasars Kormáks, hafa óskað eftir endurupptöku á úrskurði yfirskattanefndar varðandi endurgreiðslumál sjónvarpsþáttanna Ófærðar. Yfirskattanefnd féllst ekki á að vaxtagreiðslur vegna láns upp á tíu milljónir og erlendur kostnaður upp á rúmar fimm milljónir yrðu hluti af endurgreiðslunni.

RÚV og Baltasar Kormákur í samstarf um gerð bíómyndar og þáttaraðar eftir „Sjálfstæðu fólki“

RÚV og RVK Studios Baltasars Kormáks, hafa gert með sér samkomulag um þróun og undirbúning 6-8 sjónvarpsþátta og kvikmyndar sem byggjast á Sjálfstæðu fólki Halldórs Laxness. Vonast er til að tökur hefjist síðla næsta árs.

Bresk/íslensk þáttaröð um Guðmundar- og Geirfinnsmálið í uppsiglingu

RVK Studios, framleiðslufyrirtæki Baltasars Kormáks og breska framleiðslufyrirtækið Buccaneer Media hafa tekið höndum saman um framleiðslu sjónvarpsþáttaraðar sem byggð verður á Guðmundar- og Geirfinnsmálinu. Þáttaröðin mun kallast Reykjavik Confessions.

Bondmyndapennar skrifa Nesbö handrit fyrir Baltasar

Deadline skýrir frá því að handritshöfundar Bond myndanna til margra ára, Neal Purvis og Robert Wade, vinni nú að handriti væntanlegrar skáldsögu norska spennuhöfundarins Jo Nesbö, I Am Victor, fyrir Baltasar Kormák.

Studiocanal vill „Kötlu“ Baltasars

Evrópska framleiðslufyrirtækið Studiocanal er við það að tryggja sér sýningarréttinn á Kötlu, nýrri sjónvarpsþáttaröð úr smiðju Baltasars Kormáks. RÚV greinir frá og hefur eftir Variety.

Hulli sýndur í heild á vef RÚV

Önnur syrpa af þáttaröðinni Hulli hefur nú verið gerð opinber í heild á vef RÚV. Þetta er í fyrsta sinn sem íslensk þáttaröð er fáanleg við frumsýningu í heilu lagi.

„Borgarstjórinn“ bakvið tjöldin

Þátt um gerð sjónvarpsþáttanna Borgarstjórinn er hægt að skoða hér.  Sýningar á þáttaröðinni hefjast 16. október á Stöð 2.

[Stikla] „Borgarstjórinn“ hefst 16. október á Stöð 2

Stikla úr sjónvarpsþáttunum Borgarstjórinn hefur verið opinberuð. Sýningar á þáttunum hefjast á Stöð 2 þann 16. október næstkomandi en alls eru 10 þættir í syrpunni.

Ráðist í aðra syrpu af „Ófærð“

RVK Studios og RÚV hafa náð samkomulagi um að hefja vinnu við nýja syrpu af hinni vinsælu glæpaseríu Ófærð. Þáttaröðin hefur notið almennrar hylli víða um heim, verið lofuð af gagnrýnendum og má ætla að vel á annan tug milljóna hafi horft á þá og enn á eftir að sýna þá víða. Áætlað er að önnur þáttaröð verði frumsýnd á RUV haustið 2018.

„Eiðurinn“ seld til yfir 50 landa

Eiðurinn eftir Baltasar Kormák verður heimsfrumsýnd á Toronto hátíðinni á morgun laugardag. Myndin mætir miklum áhuga kaupenda og dreifingaraðila en hún hefur þegar selst til yfir 50 landa.

„Eiðurinn“ í keppni í San Sebastian

Eiðurinn eftir Baltasar Kormák mun keppa um Gullnu skelina, aðalverðlaun San Sebastian hátíðarinnar sem fram fer á Spáni 16. – 24. september. Myndin verður heimsfrumsýnd á Toronto hátíðinni nokkru áður og frumsýnd á Íslandi 9. september.

Stikla úr „Eiðinum“ komin út

Ný stikla úr spennumyndinni Eiðurinn í leikstjórn Baltasars Kormáks er komin út. Plakat myndarinnar hefur einnig verið opinberað. Myndin verður frumsýnd á Íslandi 9. september og á kvikmyndahátíðinni í Toronto sömu helgi.

„Eiðurinn“ valin á Toronto

Eiðurinn eftir Baltasar Kormák verður heimsfrumsýnd í "Special Presentations" flokknum á Toronto hátíðinni sem stendur dagana 8.-18. september næstkomandi. Flokkurinn snýst um kvikmyndir sem vekja munu mikla athygli og koma frá leiðandi kvikmyndagerðarmönnum í heiminum. Myndin verður frumsýnd á Íslandi 9. september.

RVK Studios kaupir eignir undir kvikmyndaver á 301 milljón

Borgarráð samþykkti samhljóða á fundi sínum í dag kaupsamning við framleiðslufyrirtæki Baltasars Kormáks, RVK Studios, sem kaupir fjórar fasteignir á Gufunesi fyrir rúmar 301 milljón undir kvikmyndaver sem félagið er með á teikniborðinu.

Baltasar kynnir „Eiðinn“ í Cannes

Baltasar Kormákur kynnir mynd sína Eiðinn á Cannes hátíðinni, sem nú stendur yfir, fyrir kaupendum og sýnir brot úr myndinni. Bandaríska sölufyrirtækið XYZ Films fer með sölu myndarinnar á heimsvísu.

Pétur Sigurðsson ráðinn yfir framleiðsluþjónustudeild RVK Studios

RVK Studios Baltasars Kormáks hefur ráðið Pétur Sigurðsson til að stýra nýrri deild sem kemur til með að þjónusta erlend sjónvarps-, kvikmyndaverkefni og auglýsingar.

Jón Gnarr: Brýnt að auka fjárfestingu í gerð leikins sjónvarpsefnis

Í pistli sem Jón Gnarr, framkvæmdastjóri dagskrársviðs 365 miðla, birtir í Fréttablaðinu í dag segir hann of litlu fé varið til leikins sjónvarpsefnis miðað við bíómyndir og að jafna þurfi þann hlut eða stofna sérstakan sjónvarpssjóð.

„Mules“ í tökur í vor

Breska sölufyrirtækið West End Films mun sjá um alþjóðlega sölu á kvikmyndinni Mules sem Baltasar Kormákur og Agnes Johansen framleiða fyrir RVK Studios. Börkur Sigþórsson mun leikstýra og áætlað er að tökur hefjist í vor.

„Eiðurinn“ og „Alma“ fá stuðning frá Norræna sjóðnum

Eiðurinn í leikstjórn Baltasars Kormáks og Alma í leikstjórn Kristínar Jóhannesdóttur fá styrk frá Norræna kvikmynda- og sjónvarpssjóðnum. Tökur standa yfir á þeirri fyrrnefndu og eru að hefjast á þeirri síðarnefndu.

„Allar leiðir lokaðar“, heimildamynd um gerð „Ófærðar“

RÚV frumsýnir þáttaröðina Ófærð þann 27. desember næstkomandi. Í heimildamynd um gerð þáttaraðarinnar er skyggnst á bakvið tjöldin við gerð hennar. Meðal þeirra sem er rætt er við eru Sigurjón Kjartansson, Baldvin Z, Baltasar Kormákur, Ólafur Darri Ólafsson, Ilmur Kristjánsdóttir og fleiri.

The Weinstein Company kaupir „Ófærð“

The Weinstein Company (TWC) tilkynnti í gær að fyrirtækið hefði keypt bandarískan sýningarrétt á þáttaröðinni Ófærð frá Rvk. Studios. Fyrstu tveir þættirnir eru nú til sýnis á Toronto hátíðinni. Þetta er í fyrsta sinn sem íslensk sjónvarpsþáttaröð er seld til Bandaríkjanna.

„Ófærð“ slúttar RIFF

Tveir fyrstu þættirnir af sjónvarpsþáttaröðinni Ófærð munu loka RIFF í ár, en þeir verða sýndir saman í Egilshöll þann 4. október. Þættirnir eru framleiddir af Rvk. Studios og skrifaðir af Sigurjóni Kjartanssyni og Clive Bradley eftir hugmynd Baltasars Kormáks, sem jafnframt leikstýrir öðrum þættinum en Baldvin Z  hinum.

„Ófærð“ fær 75 milljónir frá Creative Europe

Sjónvarpsþáttaröðin Ófærð fékk 75 milljónir króna frá Creative Europe, kvikmynda- og sjónvarpsáætlun ESB, sem á dögunum úthlutaði alls um 700 milljónum króna. Annað íslenskt verkefni, heimildamyndin Garn í stjórn Unu Lorenzen fékk sjö milljónir króna og því rann alls 12% úthlutunarinnar til íslenskra verkefna. Svo hátt hlutfall hefur aldrei áður farið til neins aðildarlands í einni úthlutun.

Baltasar selur alheimssölurétt á væntanlegri mynd sinni

Bandaríska framleiðslufyrirtækið XYZ films í samstarfi við AI Film, hefur keypt alheims dreifingarréttinn á væntanlegri kvikmynd Baltasars Kormáks, Eiðinum. Tökur á myndinni hefjast í haust en myndin byggir á handriti Ólafs Egilssonar og Baltasars.

BBC kaupir „Ófærð“

BBC Four mun sýna þáttaröðina Ófærð (Trapped) en rásin hefur lagt mikla áherslu á erlendar þáttaraðir á undanförnum árum. Norrænar þáttaraðir á borð við Borgen, Forbrydelsen og Broen hafa notið þar mikilla vinsælda.
spot_imgspot_img

NÝJUSTU FÆRSLUR