HeimEfnisorðHrútar

Hrútar

Er norrænn húmor of svartur fyrir heiminn?

Norrænar dökkmyndir slá í gegn um veröld víða en norænn húmor virðist oft torskilin utan svæðisins. BBC spyr hversvegna og veltir upp ýmsum hliðum málsins. Hrútar Gríms Hákonarsonar kemur við sögu og er sögð standa svolítið sér á parti.

„Hrútar“ fær bandarísk verðlaun

Verðlaun til handa Hrútum Gríms Hákonarsonar halda áfram að streyma inn. Nú hefur myndin hlotið sín áttundu verðlaun og að þessu sinni á austurströnd Bandaríkjanna, nánar tiltekið á Hamptons International Film Festival.

Greining | Tæplega 55.000 séð „Everest“ á Íslandi, alþjóðlegar tekjur 159 milljón dollarar

Everest Baltasars Kormáks datt í annað sætið á íslenska aðsóknarlistanum eftir þrjár vikur á toppnum, en dönsku sprelligosarnir í Klovn Forever tóku toppsætið. Hrútar og Fúsi eru komnar aftur í sýningar í Bíó Paradís eftir RIFF.

Grímur Hákonarson fær leikstjórnarverðlaun í Frakklandi fyrir „Hrúta“

Grímur Hákonarson leikstjóri Hrúta hlaut í gær leikstjórnarverðlaun á kvikmyndahátíðinni í Saint Jean de Luz í Frakklandi. Þetta eru sjöundu verðlaunin sem myndin hlýtur. Verðlaununum deilir hann með franska leikstjóranum Thomas Bidegain (Cowboys).

„Hrútar“ vinnur aðalverðlaunin í Zurich

Hrútar Gríms Hákonarsonar vann um helgina Gullna augað (The Golden Eye) á Kvikmyndahátíðinni í Zurich í Sviss. Þetta eru aðalverðlaunin í flokki alþjóðlegra kvikmynda í fullri lengd en alls tóku 15 myndir þátt í keppninni.

Variety telur „Hrúta“ og „Everest“ eiga möguleika á Óskarstilnefningum

Variety birtir hugleiðingar um mögulegar Óskarstilnefningar og telur Hrúta Gríms Hákonarsonar meðal þeirra mynda sem hvað helst koma til greina sem besta myndin á erlendu tungumáli. Miðillinn telur Everest Baltasars Kormáks einnig eiga möguleika á tilnefningu í ýmsa flokka, þar á meðal bestu mynd og besta leikstjóra.

Greining | Risastór Íslandsopnun á „Everest“

Everest Baltasars Kormáks hitti svo sannarlega í mark hjá íslenskum bíógestum yfir frumsýningarhelgina með aðsókn uppá 14.254 manns með forsýningum. Þetta er með stærri opnunarhelgum síðan mælingar hófust.

„Fúsi“ og „Hrútar“ í forvali til Evrópsku kvikmyndaverðlaunanna

European Film Academy, EFA, hefur opinberað lista sinn yfir þær kvikmyndir sem koma til greina sem besta mynd ársins á Evrópsku kvikmyndaverðlaununum. Alls eru 52 myndir í pottinum, þar á meðal Fúsi Dags Kára og Hrútar Gríms Hákonarsonar.

„Hrútar“ framlag Íslands til Óskarsverðlaunanna

Meðlimir Íslensku kvikmynda- og sjónvarpsakademíunnar, ÍKSA, völdu kvikmyndina Hrúta sem framlag Íslands til Óskarsverðlaunanna á næsta ári. Myndin keppir því fyrir Íslands hönd um Óskarsverðlaunin fyrir bestu kvikmyndina á erlendu tungumáli.

Guardian líkir „Hrútum“ við Íslendingasögurnar

Caspar Llewellyn Smith hjá The Guardian skrifar um Hrúta Gríms Hákonarsonar frá Telluride hátíðinni. Smith gefur henni þrjár stjörnur af fimm, segir hana skemmtilega og minna á Íslendingasögurnar.

„Hrútar“ á Telluride hátíðina

Hrútar Gríms Hákonarsonar kemur víða við á kvikmyndahátíðum haustins. Grímur og Grímar Jónsson framleiðandi eru nú komnir til Telluride í Colorado fylki en hin virta hátíð þar á bæ hefst á morgun. Þaðan halda þeir til Toronto og eftir það bíða fjölmargar aðrar hátíðir.

IndieWire telur valið um Óskarsframlagið standa milli „Hrúta“ og „Fúsa“

IndieWire fjallar um þær myndir sem miðillinn telur koma til greina sem framlag viðkomandi landa til Óskarsverðlaunanna (besta erlenda myndin), alls vel á fjórða tug. IndieWire telur að valið á Íslandi komi til með að standa á milli Hrúta og Fúsa. Kosning um framlag Íslands til Óskarsins fer fram dagana 2.-7. september. Kosningarétt hafa meðlimir Íslensku kvikmynda- og sjónvarpsakademíunnar.

Greining | Aðsóknarlegar síðsumarsstillur

Hrútar, Webcam  og Fúsi halda áfram í rólegheitunum, sú fyrstnefnda mun líklega ná yfir tuttugu þúsund gesta markið í næstu eða þarnæstu viku.

„Þrestir“ heimsfrumsýnd á Toronto, „Hrútar“ einnig valin

Þrestir Rúnars Rúnarssonar verður heimsfrumsýnd á Toronto hátíðinni sem fram fer dagana 10.-20. september. Myndin verður í kjölfarið sýnd á San Sebastian hátíðinni á Spáni eins og áður hefur komið fram. Hrútar Gríms Hákonarsonar hefur einnig verið valin á hátíðina en báðar myndirnar verða sýndar í Contemporary World Cinema flokknum.

Greining | Íslensku myndirnar að klárast

Hrútar, Webcam  og Fúsi eru allar á hægri siglingu þessa dagana og má gera ráð fyrir að þær eigi aðeins fáeinar vikur eftir í kvikmyndahúsum.

Greining | Rólegt í bíó

Webcam Sigurðar Antons Friðþjófssonar er í fjórtánda sæti eftir þriðju sýningarhelgi en Hrútar Gríms Hákonarsonar er í því níunda eftir tíundu sýningarhelgi. Aðsókn í kvikmyndahús var lítil þessa vikuna líkt og jafnan er um þetta leyti árs.

Greining | Líf í „Webcam“ og „Hrútum“

Webcam Sigurðar Antons Friðþjófssonar er í tíunda sæti eftir aðra sýningarhelgi en myndin fékk 841 gest í vikunni. Hrútar Gríms Hákonarsonar er áfram á góðu skriði eftir níundu sýningarhelgi.

Greining | „Webcam“ opnar í níunda sæti, aðsókn eykst milli helga á „Hrúta“

Webcam Sigurðar Antons Friðþjófssonar er í níunda sæti eftir frumsýningarhelgina en Hrútar Gríms Hákonarsonar tekur góðan kipp uppávið eftir áttundu sýningarhelgi. Sýningum á Bakk er lokið en Albatross er enn í Háskólabíói.

„Hrútar“ seld um alla Austur-Evrópu

Pólska sölufyrirtækið New Europe Film Sales hefur gengið frá sölu á Hrútum Gríms Hákonarsonar til fjölda A-Evrópulanda í kjölfar Karlovy Vary hátíðarinnar sem er nýlokið.

Greining | „Hrútar“ komin yfir sextán þúsund gesti

Aðsókn á Hrúta Gríms Hákonarsonar er áfram á fínu róli eftir sjöundu sýningarhelgi. Myndin er í sjöunda sæti aðsóknarlistans en 454 sáu myndina um helgina og alls 1.005 í vikunni. Heildarfjöldi gesta nemur nú 16.327 manns.

Greining | Yfir fimmtán þúsund á „Hrúta“

Aðsókn á Hrúta Gríms Hákonarsonar er áfram á með ágætum að lokinni sjöttu sýningarhelgi. Myndin er í sjötta sæti aðsóknarlistans en 409 sáu myndina um helgina og alls 1.211 í vikunni. Heildarfjöldi gesta nemur nú 15.277 manns.

„Hrútar“ tilnefnd til Lux verðlaunanna

Hrútar Gríms Hákonarsonar er meðal tíu mynda sem tilnefndar eru til Lux verðlauna Evrópusambandsins en þau hafa verið veitt síðan 2007. Þetta er í fyrsta sinn sem íslensk kvikmynd er tilnefnd til verðlaunanna.

Greining | „Albatross“ svífur af stað, áfram góður stígandi hjá „Hrútum“

Albatross í sjöunda sæti eftir frumsýningarhelgina og góðan forsýningasprett með alls 2.825 gesti. Áfram góður stígandi hjá Hrútum sem komin er fast að þrettán þúsund manns eftir fjórðu sýningarhelgi. 

Guðmundur Andri um „Hrúta“: Íslenski kotbóndinn getur hvorki lifað né drepist

Guðmundur Andri Thorsson skrifar um Hrúta Gríms Hákonarsonar í Fréttablaðið og segir hana stóra sögu um hvernig sambandið við landið og skepnurnar rofnaði með þeim afleiðingum að Íslendingar eru að mörgu leyti enn dálítið ráðvillt þjóð með reikula sjálfsmynd.

„Hrútar“, „Fúsi“ og „Hjónabandssæla“ taka þátt í Karlovy Vary

Hrútar Gríms Hákonarsonar, Fúsi Dags Kára og stuttmyndin Hjónabandssæla eftir Jörund Ragnarsson taka þátt í alþjóðlegu kvikmyndahátíðinni í Karlovy Vary í Tékklandi sem fram fer í 50. skipti dagana 3. til 11. júlí. Hátíðin er ein sú elsta í heiminum og ein fárra svokallaðra „A“ hátíða.

Gagnrýni | Hrútar

"Það er í raun ekki auðvelt að lýsa þeim krafti sem Grími tekst að skapa með þessari mynd," segir Atli Sigurjónsson í umsögn sinni um Hrúta. "Hún byrjar hægt en grípur mann smám saman, byggir hlutina vel upp og skapar einhvern sérstakan heim sem er þó kunnuglegur. Hún heldur manni í einhverri spennu og það er sjaldan ljóst hvað gerist næst, og sagan kemur sífellt á óvart."

TwitchFilm um „Hrúta“: Framúrskarandi frásögn um einstaka þrjósku

Kvikmyndavefurinn TwitchFilm hefur birt umsögn um Hrúta, sem gagnrýnandi vefsins, Jason Gorber, sá á Cannes. Gorber er ekkert að skafa utan af því, hann kallar þetta framúrskarandi verk sem sigli kunnátusamlega milli tilfinningalegra hæða og lægða þannig að úr verður listræn en um leið aðgengileg mynd.

Morgunblaðið um „Hrúta“: Að duga eða drepast

Hjördís Stefánsdóttir fjallar um Hrúta í Morgunblaðinu og gefur myndinni fjóra og hálfa stjörnu af fimm. Hún segir Grím Hákonarson vinna markvisst með þemu og stef úr fyrri verkum sínum, en í þeim sé nútímavæðingu og efnishyggju teflt gegn þögguðum kynngikrafti náttúrunnar, hverfandi lifnaðarháttum og fornum menningararfi sem fyrnist hratt.

DV um „Hrúta“: Lömbin fagna

Valur Gunnarsson fjallar um Hrúta Gríms Hákonarsonar í DV, gefur fimm stjörnur og leggur útaf hinni sögulegu vídd, allt aftur til Lands og sona: "Siggi Sigurjóns er kominn aftur í sveitina, en í stað þess að skjóta hross er hann hér að skjóta kindur með tárin í augunum. Þar var sagt frá bændum sem neyddust til að flykkjast á mölina í kreppunni, en hér segir frá þeim fáu eftirlegukindum sem enn hanga í sveitinni. Í millitíðinni hefur allt breyst, og ekkert."

Þingeyingar ánægðir með „Hrúta“

Hermann Aðalsteinsson ritstjóri héraðsfréttavefsins 641.is skrifar um Hrúta Gríms Hákonarsonar í kjölfar Íslandsfrumsýningar myndarinnar í Laugabíói í Bárðardal. Hann er í stuttu máli hæstánægður.

Krítík á krítik

Símon Birgissyni dramatúrg hjá Þjóðleikhúsinu finnst ekki mikið til gagnrýni Kjartans Más Ómarssonar í Fréttablaðinu um Hrúta koma og segir kvikmyndarýni blaðsins hafa "verið útá túni síðan Vonarstræti var sögð besta kvikmynd Íslandssögunnar."

Fbl. um „Hrúta“: Dalurinn það er heimurinn

Kjartan Már Ómarsson skrifar um Hrúta Gríms Hákonarsonar í Fréttablaðið og segir meðal annars táknræna merkingarauka fjár vera allt að því ótölulega sem orsaki að djúpt lag þýðingar verði mögulegt í hvert sinn sem fé komi fyrir í mynd eða tali. Hann gefur myndinni fjórar stjörnur af fimm.

„Hrútar“ til Ameríku

Gengið hefur verið frá sölu á Hrútum Gríms Hákonarsonar til Bandaríkjanna. Það var framleiðslu- og dreifingarfyrirtækið Cohen Media Group sem keypti dreifingarréttinn vestanhafs en gengið var frá samningum í gær.

Jarmað á frumsýningu „Hrúta“

Hrútar eftir Grím Hákonarson var frumsýnd í gærkvöldi fyrir fullum sal í Háskólabíói. Leikstjórinn og framleiðandinn létu frumsýningargesti jarma áður en myndin hófst.

Rás 2 um „Hrúta“: Tregi og tilfinningar

Hulda G. Geirsdóttir hjá Rás 2 fjallar um Hrúta Gríms Hákonarsonar og segir hana tilfinningaríka sögu sem sögð sé af næmni og einlægni. Hulda gefur henni fjórar og hálfa stjörnu af fimm.

Grímur Hákonarson: Fólkið í sveitinni í lykilhlutverkum í „Hrútum“

Stundin er með skemmtilegan vinkil á Hrúta Gríms Hákonarsonar og ræðir við leikstjórann um fólkið í Bárðardal sem hjálpaði honum og hans teymi að gera myndina.

„Hrútar“: Sjáðu verðlaunaafhendinguna frá Cannes hér

Afhending verðlauna fyrir Un Certain Regard flokkinn í Cannes fór fram fyrr í dag. Hér má sjá samkomuna í heild sinni. Isabella Rossellini formaður dómefndar kynnir Hrúta og Grím Hákonarson á mínútu 18:48.

Viðhorf | Verðlauna-Hrútar

Un Certain Regard verðlaunin til kvikmyndar Gríms Hákonarsonar, Hrútar, eru mikill merkisviðburður. Cannes er drottning kvikmyndahátíða heimsins, hátíð hátíðanna og þetta er í fyrsta sinn sem íslensk bíómynd vinnur þar til verðlauna.  Grími Hákonarsyni leikstjóra og handritshöfundi myndarinnar, Grímari Jónssyni framleiðanda og þeirra fólki er hér með óskað hjartanlega til hamingju.

Jæja Isabella, erum við að tala um verðlaunahrúta?

Nú veit ég ekkert hvað Isabella Rossellini, formaður dómnefndar Un Certain Regard og hennar fólk er að hugsa. En getur verið að Hrútar Gríms Hákonarsonar hljóti verðlaun í Cannes á morgun?

Fleiri kaupa „Hrúta“

Sala á Hrútum Gríms Hákonarsonar gengur vel á markaðinum í Cannes. Sölufyrirtækið New Europe Film Sales hefur nú tilkynnt um sölur á myndinni til níu markaða, sem bætast við fyrri sölur.
spot_imgspot_img

NÝJUSTU FÆRSLUR