Helga Rós V. Hannam á Eddunni: „Enginn á að þola slíkt ofbeldi“

Helga Rós V Hannam, sem hlaut Edduna fyrir bestu búningahönnun fyrir myndina Hjartastein, varði stærstum hluta ræðu sinnar í að hvetja fólk til að sameinast gegn ofbeldi. Hú vísaði til þess að tveir ungir leikarar í myndinni, Eyvindur Runólfsson og Karen Agnarsdóttir, urðu fyrir alvarlegri líkamsárás í miðbæ Reykjavíkur um síðustu helgi. Eyvindur hlaut heilablæðingu og komst ekki til meðvitundar fyrr en á miðvikudag. Hann hefur nú verið útskrifaður af sjúkrahúsi.
Posted On 27 Feb 2017

Gunnar Baldursson, heiðursverðlaunahafi ÍKSA 2017: „Það sem ég lærði fyrst var að skríða“ 

Gunnar H. Baldursson hlaut heiðursverðlaun Eddunnar fyrir áratugastörf við leikmyndagerð í sjónvarpi og kvikmyndum á afhendingu Eddunnar í gærkvöldi. Óhætt er að segja að hann hafi farið á kostum í þakkarræðu sinni.
Posted On 27 Feb 2017

“Hjartasteinn” valin bíómynd ársins á Eddunni, fékk alls níu verðlaun

Kvik­mynd­in Hjarta­steinn í leik­stjórn Guðmund­ar Arn­ars Guðmunds­son­ar var ótví­ræður sig­ur­veg­ari Edd­unn­ar 2017 þegar verðlaun­in voru af­hent við hátíðlega at­höfn á Hót­el Hilt­on Reykja­vík Nordica fyrr í kvöld og sjón­varpað beint, í op­inni dag­skrá á RÚV.
Posted On 27 Feb 2017

Nýja Eddustyttan

Nýr verðlaunagripur Eddunnar var kynntur til sögu í dag. Árni Páll Jóhannsson leikmyndahönnuður er höfundur verksins.
Posted On 01 Feb 2017

“Hjartasteinn” með 16 tilnefningar til Edduverðlauna

Tilnefningar til Edduverðlauna voru kunngjörðar í dag. Hjartasteinn er með flestar tilnefningar, eða 16 talsins. Eiðurinn fær 13 tilnefningar. Þáttaröðin Ligeglad fær 3 tilnefningar og þáttaröðin Borgarstjórinn sömuleiðis.
Posted On 01 Feb 2017

365 vaktar og kærir deilendur íslensks efnis

365 miðlar hefur sent frá sér fréttatilkynningu þar sem fram kemur að sérhæfð fyrirtæki muni héðan í frá fylgjast grannt með IP tölum þeirra sem hlaða íslensku sjónvarpsefni inn á ólöglegar síður og dreifiveitur. Jafnframt segir að 365 hafi lagt fram kærur á hendur aðilum sem gerst hafa sekir um að dreifa ólöglega höfundaréttarvörðu efni.
Posted On 29 Nov 2016

“Hrútar” með 11 Eddur, “Ófærð” með þrjár

Hrútar Gríms Hákonarsonar hlaut alls 11 Edduverðlaun á Hótel Hilton Reykjavík Nordica í gærkvöldi, þar á meðal sem kvikmynd ársins, fyrir leikstjórn, handrit, aðalhlutverk karla, aukahlutverk karla, kvikmyndatöku og klippingu. Sjónvarpsþáttaröðin Ófærð hlaut þrjár Eddur; fyrir leikið sjónvarpsefni ársins, tónlist og brellur.
Posted On 29 Feb 2016

“Hrútar” með flestar tilnefningar til Eddunnar

Tilkynnt var um tilnefningar til Edduverðlaunanna 2016 á blaðamannafundi í Bíó Paradís fyrr í dag. Hrútar fær flestar tilnefningar, 13 talsins. Fúsi og Þrestir fylgja fast á eftir með 12 og 11 tilnefningar hvor. Þáttaröðin Réttur fær 8 tilnefningar og Ófærð fær fjórar.
Posted On 10 Feb 2016

Eddan: Frestur til innsendinga til 7. janúar

Byrjað er að taka á móti kvikmynda- og sjónvarpsverkum vegna Eddunnar 2016 sem haldin verður um mánaðamótin febrúar/mars. Frestur til að senda inn verk rennur út á miðnætti fimmtudaginn 7. janúar, 2016. Gjaldgeng eru verk sem frumsýnd eru opinberlega á tímabilinu 1. janúar 2015 til 31. desember 2015.
Posted On 18 Dec 2015

365 miðlar dregur sig útúr Eddunni, stjórn ÍKSA leiðréttir rangfærslur Jóns Gnarr

365 miðlar hafa hætt þátttöku í Edduverðlaununum. Jón Gnarr, framkvæmdastjóri dagskrársviðs 365, segir í samtali við Kjarnann að ástæðan sé að RÚV hafi haft 70 prósent vægi í dómnefnd Edduverðlaunanna meðan 365 beri helming kostnaðar vegna veitingu þeirra og að 365 hefði lagt fram ýmsar tillögur um að auka vægi almennings í kjöri á verðlaunahöfum en þær tillögur hafi ekki hlotið brautargengi. Stjórn ÍKSA hefur sent frá sér tilkynningu þar sem bent er á að allt sem Jón nefnir sé rangt.
Posted On 06 Nov 2015

Kvöldstund með Eddu

Christopher Orr, kvikmyndagagnrýnandi hjá bandaríska tímaritinu The Atlantic, var einn gesta Stockfish hátíðarinnar. Hann hefur nú birt grein þar sem hann fjallar um Edduverðlaunahátíðina um síðustu helgi. Þar lýsir hann upplifun sinni af hátíð sem hefur kunnuglega uppbyggingu en sé engu að síður framandi þar sem hann skilji ekki orð af því sem fram fer.
Posted On 27 Feb 2015

Tístað um Edduna

Lífleg umræða var á Twitter í gærkvöldi meðan á Edduverðlaunum stóð.
Posted On 22 Feb 2015

Hvað er með þessa Eddustyttu?

Örlítið um verðlaunagripinn, afhverju hann lítur svona út og listamanninn sem bjó hann til.

Tólf Eddur til “Vonarstrætis”

Vonarstræti Baldvins Z hlaut alls tólf Eddur á nýafstaðinni Edduverðlaunahátíð, þar á meðal fyrir mynd ársins, leikstjóra, handrit og aðalhlutverk kvenna og karla. Þá hirti RÚV flest verðlaunin sjónvarpsmegin.
Posted On 22 Feb 2015

Viðhorf | Hverjir fá Eddu?

Vonarstræti og París norðursins fá báðar 12 tilnefningar til Edduverðlauna en líklegt má telja að sú fyrrnefnda verði sigurvegari kvöldsins. París á þó góða möguleika í að minnsta kosti fjórum flokkum. Ásgrímur Sverrisson spáir í mögulega niðurstöðu.

Viðhorf | Handritin heim!

Orðbragð fær alveg sérstök persónuleg verðlaun frá mér og mínu heimili en valnefnd Eddunnar og ábyrgðarmönnum Eddunnar sendi ég þrjú stór spurningamerki??? Hvernig er hægt að setja í sama flokk handrit að leiknum kvikmyndum eða leiknu sjónvarpsefni og handrit að þætti eins og Orðbragði? Spyr Margrét Örnólfsdóttir formaður Félags leikskálda og handritshöfunda.

“Vonarstræti” og “París norðursins” með 12 tilnefningar til Edduverðlauna

Vonarstræti og París norðursins hljóta báðar 12 tilnefningar til Edduverðlaunanna 2015. Sjónvarpsserían Hraunið fær fjórar tilnefningar. Tilnefningar voru kynntar í dag.
Posted On 03 Feb 2015

104 innsend verk í Edduna

Frestur til að skila inn verkum í Edduna 2015, uppskeruhátíð Íslensku kvikmynda- og sjónvarpsakademíunnar (ÍKSA), rann út í síðustu viku. Alls voru 104 verk send inn í keppnina. Að auki voru nöfn 265 einstaklinga, sem unnu við öll þessi kvikmynda- og sjónvarpsverk, send inn í fagverðlaun Eddunnar. Gjaldgeng voru verk sem voru frumsýnd opinberlega á tímabilinu 1. janúar 2014 til 31. desember 2014.
Posted On 13 Jan 2015

Edduverðlaunin veitt 21. febrúar, byrjað að taka á móti innsendingum

Byrjað er að taka á móti kvikmynda- og sjónvarpsverkum vegna Eddunnar 2015 sem haldin verður í Silfurbergi í Hörpu, laugardaginn 21. febrúar. Gjaldgeng eru verk sem frumsýnd eru opinberlega á tímabilinu 1. janúar 2014 til 31. desember 2014. Skilafrestur er til 7. janúar.
Posted On 22 Dec 2014

“Forréttindi að hafa fengið að starfa við íslenska kvikmyndagerð”

Sigríður Margrét Vigfúsdóttir, betur þekkt sem Sarma, hlaut heiðursverðlaun Eddunnar í ár fyrir yfir tuttugu ára þrotlaust starf í þágu íslenskra kvikmynda á erlendri grundu.
Posted On 23 Feb 2014

“Hross í oss” kvikmynd ársins

Hross í oss var kosin kvikmynd ársins á Edduverðlaunahátíðinni sem haldin var fyrir fullum sal og í beinni útsendingu í Silfurbergi í Hörpunni í gærkvöldi. Hross í oss hlaut sex Eddur á hátíðinni, meðal annars fyrir leikstjórn, handrit og kvikmyndatöku. Málmhaus sópaði til sín verðlaunum og hlaut alls átta verðlaun, meðal annars fyrir klippingu, hljóð og tónlist.
Posted On 23 Feb 2014

Edduverðlaunin afhent á laugardagskvöld

Bein útsending verður á Stöð 2 frá Silfurbergi í Hörpu og verður útsendingin send út í opinni dagskrá. Kynnir verður Ólafía Hrönn Jónsdóttir en ásamt henni munu fjölmargar stjörnur stíga á svið; þekkt andlit af hvíta tjaldinu og sjónvarpsskjánum, sem og fólkið sem að öllu jöfnu starfar á bak við tjöldin og kvikmyndavélarnar.
Posted On 20 Feb 2014

Viðhorf | Hver fær Edduna fyrir bíómynd ársins?

Kosningin er spennandi í ár fyrir þá sök að handhafi Eddu fyrir bíómynd ársins blasir ekki afgerandi við. Ásgrímur Sverrisson veltir vöngum yfir mögulegum úrslitum. Hér er líka smá könnun þar sem þú getur spáð.

Eddan 2014: Reynslubolti og nýliði í verðlaunafæri

Í aðdraganda afhendingar Edduverðlauna tekur Kjarninn viðtal við tvo kvikmyndagerðarmenn sem tilnefnir eru til verðlaunanna í fyrsta sinn; klipparann Davíð Alexander Corno sem fær tilnefningu fyrir klippingu á Hross í oss og Þór Ómar Jónsson sem tilnefndur er sem leikstjóri ársins fyrir frumraun sína Falskur fugl.
Posted On 20 Feb 2014
12