spot_img
HeimEfnisorðKvikmyndasafn Íslands

Kvikmyndasafn Íslands

INGALÓ og SÓDÓMA REYKJAVÍK á sérsýningum í Bíó Paradís

Ingaló (1992) eftir Ásdísi Thoroddsen og Sódóma Reykjavík (1992) eftir Óskar Jónasson verða sýndar á sérstökum sýningum í Bíó Paradís á næstunni. Báðar eru þrjátíu ára á þessu ári.

Undirbúningur hafinn að stofnun streymisveitu íslenskra kvikmynda

Í Kvikmyndastefnu til ársins 2030 er gert ráð fyrir að unnið verði að stofnun streymisveitu með íslensku myndefni. Undirbúningsvinna slíkrar streymisveitu er hafin á vegum Kvikmyndamiðstöðvar Íslands og Kvikmyndasafns Íslands og mun starfsfólk þess sinna þessari vinnu, en einnig hefur Ásgrímur Sverrisson verið ráðinn tímabundið til verkefnisins.

Skoðaðu nýtt efni á Ísland á filmu

Kvikmyndasafn Íslands hefur nú bætt við miklu efni á vefinn Ísland á filmu. Vefurinn hefur fengið frábærar viðtökur síðan hann var opnaður fyrir um ári síðan og fengið yfir 540 þúsund heimsóknir.

Ögn um fjársjóðskistuna Kvikmyndasafnið og framlag þess til þáttanna um sögu íslenskra kvikmynda

Kvikmyndasafn Íslands á stóran hlut í þáttaröðinni Ísland: bíóland með því að finna til og endurskanna fjölda eldri kvikmynda og margt annað. Ásgrímur Sverrisson ræddi við Þóru Sigríði Ingólfsdóttur forstöðumann safnsins um þessa vinnu sem og helstu verkefni og áskoranir safnsins um þessar mundir.

Erlendur Sveinsson lítur yfir ferilinn

Erlendur Sveinsson á merkan feril að baki, bæði sem höfundur margra heimildamynda, en ekki síður sem baráttumaður fyrir varðveislu kvikmyndaarfs. Í upphafi ársins lét hann af störfum sem forstöðumaður Kvikmyndasafns Íslands og í nýjasta hefti Journal of Film Preservation sem FIAF, heimssamtök kvikmyndasafna, gefur út má finna grein eftir Erlend þar sem hann fer yfir langan feril sinn hjá Kvikmyndasafninu, en segja má að hann hafi verið meira og minna viðloðandi safnið allt frá stofnun þess 1978.

Safnað fyrir endurvinnslu „Sóleyjar“ eftir Rósku

Á Karolina Fund er nú verið að safna fyrir endurvinnslu kvikmyndarinnar Sóley sem listakonan Róska gerði ásamt manni sínum Manrico Pavolettoni 1982. Negatívan er týnd en til er sýningareintak í slæmu ástandi á Kvikmyndasafni Íslands. Stefnt er að því að notast við það eintak við forvörslu og hreinsun á myndinni.

Kvikmyndasafnið auglýsir eftir starfsmanni í skráningu og efnisgreiningu

Kvikmyndasafn Íslands auglýsir eftir starfsmanni í skráningu og efnisgreiningu á safnkosti Kvikmyndasafns. Leitað er að einstaklingi sem hefur áhuga og þekkingu á landi og þjóð sem og  sögu kvikmyndagerðar, góð tök á íslenskri tungu og gott tölvulæsi. Æskilegt er að viðkomandi hafi reynslu af meðhöndlun filmu en það ekki skilyrði.

Þóra Ingólfsdóttir nýr forstöðumaður Kvikmyndasafns

Þóra Sigríður Ingólfsdóttir hefur verið skipuð forstöðumaður Kvikmyndasafns Íslands frá 1. febrúar 2019. Þóra starfaði áður sem forstöðumaður Hljóðbókasafns Íslands, frá árinu 2007.

Dagur varðveislu kvikmyndaarfleifðar

Í dag, laugardaginn 27. október, er dagur kvikmynda- og hljðupptökuarfleifðar mannkynsins (2018 World Day for Audiovisual Heritage) og er þema dagsins „Saga þín er á hreyfingu“ eða “Your Story is Moving”.  Í tilefni dagsins fjallar Erlendur Sveinsson forstöðumaður Kvikmyndasafns Íslands um það sem hæst ber hjá Kvikmyndasafninu þessa dagana, en safnið gengur nú gegnum miklar breytingar.

Er myndin þín varðveitt á Kvikmyndasafninu eða á leið í glatkistuna?

Kvikmyndasafnið er þessa dagana að minna kvikmyndagerðarmenn á að skila verkum sínum til safnsins - eins og þeim reyndar ber samkvæmt lögum. Ester Bíbí Ásgeirsdóttir, sem hefur umsjón með átakinu fyrir hönd safnsins, hvetur framleiðendur og leikstjóra til að sýna frumkvæði að skilum en vandinn snúi sérstaklega að stafræna tímabilinu sem hófst fyrir áratug eða svo.

Kvikmyndasafnið óskar eftir sérfræðingi á skanner

Kvikmyndasafn Íslands hefur auglýst eftir sérfræðingi til starfa við nýja skannastöð safnsins sem nú er í mótun. Umsóknarfrestur rennur út 12. febrúar.
spot_imgspot_img

MEST LESIÐ