spot_img
HeimEfnisorðÞórarinn Þórarinsson

Þórarinn Þórarinsson

Fréttablaðið um LEYNILÖGGU: Strákarnir skemmta sér og öðrum í löggu og bófa

"Heldur dampi í hasar og djóki þannig að þversagnakenndar tilraunir með íróníu týnast í dekkjareyk og kúlnahríð," segir Þórarinn Þórarinsson meðal annars í Fréttablaðinu um Leynilöggu Hannesar Þórs Halldórssonar.

Fréttablaðið um DÝRIÐ: Stórundarleg og stórmerkileg

Dýrið er stór­undar­leg og stór­merki­leg lítil en samt svo stór kvik­mynd sem stendur auð­veld­lega undir allri já­kvæðu at­hyglinni með því að brenna sig svo seig­fljótandi hægt inn í vitund á­horf­andans að hann með­tekur möglunar­laust öll þau undur og stór­merki sem Valdimar og Sjón töfra fram, segir Þórarinn Þórarinsson meðal annars í Fréttablaðinu.

Fréttablaðið um KÖTLU: Margt býr í öskunni

"Magnað útlit og sterkur leikhópur ramma áhugaverða sögu svo vel inn að smávægilegir hnökrar hverfa sársaukalítið undir öskulagið," segir Þórarinn Þórarinsson í Fréttablaðinu um þáttaröðina Kötlu.

Fréttablaðið um SAUMAKLÚBBINN: Ágætis gamanmynd en ódýrar lausnir

"Alveg á­gætis gaman­mynd sem rennur út í heldur ó­dýrar lausnir," segir Þórarinn Þórarinsson meðal annars í Fréttablaðinu um Saumaklúbbinn eftir Göggu Jónsdóttur.

Fréttablaðið um HÁLFAN ÁLF: Álfagaldur

"Vekur trega og gleði á víxl í einföldu en um leið margræðu listaverki sem er eitthvað annað og miklu meira en heimildarmynd í nokkrum hefðbundnum skilningi," segir Þórarinn Þórarinsson í Fréttablaðinu um Hálfan álf eftir Jón Bjarka Magnússon.

Fréttablaðið um ÖLMU: Hug­hrífandi, al­ís­lensk, got­nesk mar­tröð

"Snæ­fríður Ingvars­dóttir ber uppi marg­brotið og ljóð­rænt lista­verk Kristínar Jóhannes­dóttur, sem eins og endra­nær gerir miklar kröfur til á­horf­enda sem lík­lega upp­skera mest með því að reyna að skynja Ölmu frekar en skilja," skrifar Þórarinn Þórarinsson í fréttablaðið um Ölmu Kristínar Jóhannesdóttur.

Fréttablaðið um SYSTRABÖND: Kvenlegur harmleikur

"Öflugar leik­konur fara á kostum í sér­lega bita­stæðum hlut­verkum í þátta­röðinni Systra­bönd sem kallar á hám­horf þar sem for­vitni um af­drif per­sóna vegur þyngra en undir­liggjandi spennan í kringum glæpinn sem keyrir at­burða­rásina á­fram," skrifar Þórarinn Þórarinsson meðal annars í Fréttablaðið.

Fréttablaðið um RÁÐHERRANN: Geð­veikin reddar ráð­herranum

"Ráð­herrann er svo­lítið reikull og rót­laus þar sem góð grunn­hug­mynd að fal­legri pólitískri fanta­síu líður fyrir hnökra í hand­riti, teygðan lopa og hæga fram­vindu en allt stein­liggur þetta í mögnuðum enda­sprettinum þegar geð­veikin tekur öll völd," segir Þórarinn Þórarinsson meðal annars í Fréttablaðinu í umsögn sinni um þáttaröðina Ráðherrann.

Fréttablaðið um JARÐARFÖRINA MÍNA: Vetrar­sól­hvörf í lífi leiðin­legs manns

"Virki­lega vel gerðir, nota­legir og skemmti­legir þættir þar sem harmur og grín vega hár­fínt salt þannig að út­koman er eigin­lega bara ó­geðs­lega krútt­leg," segir Þórarinn Þórarinsson í Fréttablaðinu um þættina Jarðarförin mín í leikstjórn Kristófers Dignusar Péturssonar.

Sníkjudýrið felldi Hollywood

"Sigur Hildar Guðnadóttur er sérkafli í afþreyingarmenningarsögunni og Parasite boðar jafnvel hvorki meira né minna en fall Hollywood og heimsmyndar brjáluðu Jókeranna," skrifar Þórarinn Þórarinsson í Fréttablaðið og ræðir nýliðin Óskarsverðlaun við Ásgeir H. Ingólfsson og Hrönn Sveinsdóttur.

Fréttablaðið um BROT: Gengið út í hléi

"Spennulausir og klisjukenndir spennuþættir sem valda margþættum vonbrigðum og vekja miklu frekar furðu en áhuga á persónum og leikendum," skrifar Þórarinn Þórarinsson í Fréttablaðið um glæpaseríuna Brot sem nú er sýnd á RÚV.

Fréttablaðið um GULLREGN: Ó­nýtt fólk

"Ádeilutónn Gullregns hljómar jafn skýrt tæpum áratug eftir að það sló í gegn í Borgarleikhúsinu," segir Þórarinn Þórarinsson í Fréttablaðinu um kvikmynd Ragnars Bragasonar.

Fréttablaðið um „Bergmál“: Spegilbrot sjálfsmynda okkar

"Rúnar Rúnarsson gefur fullkominn skít í hefðbundinn frásagnarhátt og ævafornar reglur Aristótelesar í þeim efnum með djarfri tilraun sem gerir talsverðar kröfur til áhorfenda sem uppskera ríkulega ef þeir nenna að leggja sitt af mörkum til verksins," segir Þórarinn Þórarinsson í Fréttablaðinu í 4 stjörnu dómi um Bergmál.

Fréttablaðið um „Pabba­helgar“: Skilnings­ríkt skilnaðar­drama

Þórarinn Þórarinsson skrifar um þáttaröðina Pabbahelgar eftir Nönnu Kristínu Magnúsdóttur í Fréttablaðið, en fimmti þáttur af sex verður sýndur á RÚV í kvöld. Hann eys Nönnu Kristínu "lofi fyrir ótrúlega vel heppnaða útfærslu á bráðsnjallri hugmynd sem hefði samt verið svo auðvelt að klúðra."

Fréttablaðið um „Agnesi Joy“: Sálar­háski hvers­­dags­­leikans

"Of­boðs­lega góð kvik­mynd. Ein­föld og lát­laus en samt svo yfir­þyrmandi víð­feðm og djúp að mann skortir eigin­lega orð," segir Þórarinn Þórarinsson meðal annars í fimm stjörnu dómi í Fréttablaðinu um Agnesi Joy Silju Hauksdóttur.

Fréttablaðið um „Héraðið“: Góðir Framsóknarmenn!

"Þessi lúmskt fyndna tragikómedía úr alíslenskum raunveruleika springur út í dæmisögu sem á við alls staðar á öllum tímum," segir Þórarinn Þórarinsson í Fréttablaðinu um Héraðið Gríms Hákonarsonar og gefur henni fjórar stjörnur.

Fréttablaðið um „Kaf“: Þetta á að vera gaman

"Heillandi, áhugaverð, undarlega notaleg og róandi bíóupplifun," skrifar Þórarinn Þórarinsson í Fréttablaðið um heimildamyndina Kaf eftir Hönnu Björk Valsdóttur, Önnu Rún Tryggvadóttur og Elínu Hansdóttur.

Fréttablaðið um „Hvítan, hvítan dag“: Ágeng innansveitartragedía

"Stemningsmynd sem nagar sig hægt og bítandi en af sívaxandi þunga djúpt í vitund áhorfenda," segir Þórarinn Þórarinsson í Fréttablaðinu um Hvítan, hvítan dag Hlyns Pálmasonar.

Fréttablaðið um „Tryggð“: Æ sér gjöf til gjalda

"Tryggð er fal­leg, fanta­vel leikin en á­takan­leg bíó­mynd sem á brýnt erindi við ís­lenskan sam­tíma og okkur öll," segir Þórarinn Þórarinsson í Fréttablaðinu.

Fréttablaðið um „Lof mér að falla“: Skítug tuska framan í smáborgara

"Fantavel leikin og í grunninn vel gerð bíómynd um brýnt efni sem verður langdregin vegna þess að höfundarnir gera hana af alúð og virðingu og liggur meira á hjarta en formið þolir," segir Þórarinn Þórarinsson hjá Fréttablaðinu um Lof mér að falla Baldvins Z.

Fréttablaðið um „Kona fer í stríð“: Rambó skellir sér í skautbúning

"Ofboðslega falleg kvikmynd þar sem heillandi myndmál, frábær leikur, falleg saga, meitlað handrit og mergjuð notkun tónlistar renna saman í náttúruafl," segir Þórarinn Þórarinsson í Fréttablaðinu um Kona fer í stríð Benedikts Erlingssonar.

Fréttablaðið um „Adam“: Lítil, hugljúf og látlaus

Þórarinn Þórarinsson skrifar í Fréttablaðið um Adam eftir Maríu Sólrúnu Sigurðardóttur og segir hana litla, hugljúfa og látlausa mynd sem risti djúpt á mjúklegan og hlýjan  hátt.

Fréttablaðið um „Andið eðlilega“: Nístandi fagurt tímamótaverk

"Ísold Uggadóttir segir mikla og áhrifaríka sögu á töfrandi hátt og lætur engan ósnortinn," segir Þórarinn Þórarinsson í Fréttablaðinu um Andið eðlilega eftir Ísoldu Uggadóttur. Myndin fær fjórar stjörnur.

Fréttablaðið um „Fulla vasa“: Ungæðislegt strákaflipp

"Hressileg „strákamynd“ sem virkar einhvern veginn betur en maður reiknaði með. Margt gott í gangi og fínn húmor á köflum en sagan er full þvæld," segir Þórarinn Þórarinsson í Fréttablaðinu um Fulla vasa Antons Sigurðssonar.

Fréttablaðið um „Lóa“: Feykilega vel heppnuð

Þórarinn Þórarinsson hjá Fréttablaðinu segir Lóa - þú flýgur aldrei einn feykilega vel heppnaða teiknimynd, áferðarfallega, fyndna og spennandi. Hann gefur myndinni fimm stjörnur (að ósk 10 ára dóttur sinnar).

Nymphomaniac: Drungalega þunglynd en líka drepfyndin, átakanleg, erfið, falleg, grótesk, harmþrungin, sprellfjörug, útpæld, blaut, gröð og gáfuleg

Þórarinn Þórarinsson hjá Svarthöfða fjallar um Nymphomaniac: fyrri hluta Lars von Triers. Hann byrjar á að úthúða leikstjóranum almennt, en vendir svo kvæði í kross og segir myndina "skínandi dæmi um hvers Trier er megnugur þegar hann er í góðum gír."
spot_imgspot_img

MEST LESIÐ