HeimEfnisorðKvikmyndasafnið

Kvikmyndasafnið

Dagur varðveislu kvikmyndaarfleifðar

Í dag, laugardaginn 27. október, er dagur kvikmynda- og hljðupptökuarfleifðar mannkynsins (2018 World Day for Audiovisual Heritage) og er þema dagsins „Saga þín er á hreyfingu“ eða “Your Story is Moving”.  Í tilefni dagsins fjallar Erlendur Sveinsson forstöðumaður Kvikmyndasafns Íslands um það sem hæst ber hjá Kvikmyndasafninu þessa dagana, en safnið gengur nú gegnum miklar breytingar.

Er myndin þín varðveitt á Kvikmyndasafninu eða á leið í glatkistuna?

Kvikmyndasafnið er þessa dagana að minna kvikmyndagerðarmenn á að skila verkum sínum til safnsins - eins og þeim reyndar ber samkvæmt lögum. Ester Bíbí Ásgeirsdóttir, sem hefur umsjón með átakinu fyrir hönd safnsins, hvetur framleiðendur og leikstjóra til að sýna frumkvæði að skilum en vandinn snúi sérstaklega að stafræna tímabilinu sem hófst fyrir áratug eða svo.

Kvikmyndasafnið óskar eftir sérfræðingi á skanner

Kvikmyndasafn Íslands hefur auglýst eftir sérfræðingi til starfa við nýja skannastöð safnsins sem nú er í mótun. Umsóknarfrestur rennur út 12. febrúar.

Eru fjölmargar íslenskar kvikmyndir glataðar að eilífu?

Erlendur Sveinsson forstöðumaður Kvikmyndasafns Íslands bregst við ummælum forseta Félags kvikmyndatökustjóra um ófremdarástand í varðveislumálum kvikmynda. Hann bendir á að Kvikmyndasafnið vinni markvisst að því verkefni þrátt fyrir takmörkuð fjárráð og að mikilvægt sé að horfa á heildarmyndina - sem er ekki eins svört og dregin hefur verið upp þó vissulega þurfi meira til.

108 ár í dag síðan kvikmyndasýningar hófust á Íslandi

Á þessum degi, 2. nóvember árið 1906 eða fyrir 108 árum, hófust reglubundnar kvikmyndasýningar á Íslandi í Reykjavíkur Biograftheater (Fjalakettinum). Kvikmyndasafn Íslands bendir á þetta á Fésbókarsíðu sinni.

Kvikmyndasafnið leitar að týndum íslenskum myndum

Nú stendur yfir átak á vegum Kvikmyndasafnsins og Kvikmyndamiðstöðvar að hafa uppi á öllum íslenskum kvikmyndum á filmu, sem enn kunna að leynast á kvikmyndavinnustofum erlendis. Þetta kemur fram í Fréttablaðinu/Vísi.

Erlendur: Safnið á nýjum byrjunarreit

Erlendur Sveinsson, nýráðinn forstöðumaður Kvikmyndasafns Íslands, segist á Fésbókarsíðu sinni sjá fyrir sér þrjú höfuðverkefni í starfi sínu; að koma safninu inní stafrænu öldina, að miðla safnkostinum sem best til þjóðarinnar og tryggja að ungt fólk taki við merkinu þegar hann láti af störfum.

Erlendur Sveinsson ráðinn forstöðumaður Kvikmyndasafnsins

Erlendur Sveinsson hefur verið skipaður í embætti forstöðumanns Kvikmyndasafns Íslands til fimm ára frá 1. október nk. að telja en hann var settur forstöðumaður safnsins árið 2012. Þetta kemur fram í tilkynningu frá Mennta- og menningarmálaráðuneytinu.

Fimmtán sækja um að stýra Kvikmyndasafninu

Um­sókn­ar­frest­ur um stöðu for­stöðumanns Kvik­mynda­safns Íslands rann út miðviku­dag­inn 25. júní. Mennta- og menn­ing­ar­málaráðuneyt­inu bár­ust 15 um­sókn­ir um stöðuna, frá 7 kon­um og 8 körl­um.

Kvikmyndasafnið: Erlendur verður meðal umsækjenda

Líkt og Klapptré sagði frá hefur starf forstöðumanns Kvikmyndasafns Íslands verið auglýst laust til umsóknar og er umsóknarfrestur til 25. júní. Erlendur Sveinsson, starfandi forstöðumaður, staðfestir í samtali við Klapptré að hann muni verða meðal umsækjenda.

Auglýst eftir forstöðumanni Kvikmyndasafns Íslands

Mennta- og menningarmálaráðuneytið hefur auglýst eftir umsóknum um stöðu forstöðumanns Kvikmyndasafns Íslands. Umsóknarfrestur er til 25. júni og er gert ráð fyrir að ráðið verði í stöðuna frá 1. ágúst.

„240 fiskar fyrir kú“ og „Ern eftir aldri“ Magnúsar Jónssonar sýndar í Bæjarbíói

Magnús Jónsson, kvikmyndagerðarmaður og leikstjóri (1938 – 1979), er þungamiðja þriðju syrpu Rússneska vetrarins í Bæjarbíói um samskipti Sovétríkjanna og Íslands í kvikmyndum. Magnús er fyrsti Íslendingurinn sem fór til náms í kvikmyndagerð í Sovétríkjunum og náði að gera þessar tvær kvikmyndir hér heima áður en hann andaðist langt fyrir aldur fram, aðeins 41 árs gamall. Þessar afar sjaldséðu myndir eru sýndar í kvöld þriðjudag kl. 20 og á laugardag kl. 16.

Samningaferlið um Bæjarbíó rangtúlkað segir Kvikmyndasafnið

Kvikmyndasafn Íslands segir í færslu á Facebook síðu sinni að safnið hafi "forðast yfirlýsingar og haldið sig til hlés í umræðu um málefni Bæjarbíós á opinberum vettvangi. Nú er svo komið að safnið telur sig tilneytt til að skýra frá sinni hlið í samningaferlinu við Hafnarfjarðarbæ."

Viðhorf | Sjö punktar um Paradís og Mekka

"Tilraun þín til að lýsa Bæjarbíói og Bíó Paradís sem óskyldum fyrirbrigðum er líka ótrúverðug fyrir þá sök að dagskrá Bíó Paradísar er einmitt að mörgu leyti eins og safnabíó Kvikmyndasafnsins ætti að vera," segir Ásgrímur Sverrisson meðal annars í svari sínu til Erlendar Sveinssonar forstöðumanns Kvikmyndasafnsins (sjá Bíó Paradís og baráttan um Bæjarbíó).

Viðhorf | Bíó Paradís og baráttan um Bæjarbíó

Verði ekki af samkomulagi milli Hafnarfjarðar og ríkisins um áframhaldandi kvikmyndasýningar þá leggjast þær af í Bæjarbíói eins og fram hefur komið en þær flytjast ekki inn í Bíó Paradís, segir Erlendur Sveinsson forstöðumaður Kvikmyndasafns Íslands í ítarlegri grein þar sem hann fer yfir stöðuna í málefnum Bæjarbíós.

Viðhorf | Safnabíó Kvikmyndasafnsins á heima í Bíó Paradís

Fyrirætlanir Hafnarfjarðarbæjar um að fá áhugasaman aðila til að annast rekstur Bæjarbíós eru tilvalið tækifæri til að finna safnabíói Kvikmyndasafnsins stað í alfaraleið, nánar tiltekið við Hverfisgötuna í Reykjavík, segir Ásgrímur Sverrisson.

Fer Kvikmyndasafnið úr Bæjarbíói?

Illugi Gunnarsson menntamálaráðherra gagnrýnir harðlega þá ákvörðun hafnfirskra bæjaryfirvalda að auglýsa eftir áhugasömum aðila til að taka að sér rekstur Bæjarbíós. Ráðherra segist ekki geta undirritað nýjan samning um starfsemi Kvikmyndasafns Íslands í húsinu.

Tarkovsky mánuður í Bæjarbíói

Bæjarbíó sýnir í febrúarmánuði 4 kvikmyndir sem eiga það sameiginlegt að að Andrei Tarkovsky (1932–1986) kom að einhverju leyti að gerð þeirra en hann er án vafa stærsta höfundarnafnið í rússneskri kvikmyndagerð frá því að Eisenstein var á dögum.

Rússneska myndin „Dom“ í Bæjarbíói

Kvikmyndasafnið sýnir í Bæjarbíói rússneska þrillerinn Dom eða Heimilið eftir Oleg Pogodin frá 2012 og vekur sérstaka athygli á frumlegum, hressilegum myndstíl, sem byggir á óvæntum sjónarhornum.

„Faust“ eftir Alexandr Sokurov í Bæjarbíói

Myndin að hluta tekin hér á landi sumarið 2011 og mun Sigurður Skúlason, sem fer með hlutverk í henni, segja nokkur orð við upphaf sýningar annað kvöld.

„Come and See“ í Bæjarbíói

Kvikmyndasafnið sýnir í Bæjarbíói í kvöld og á laugardag rússneska meistaraverkið Farðu og sjáðu (Come and See / Idi i smotri) eftir Elem Klimov frá 1985.

„Október“ Eisensteins í Bæjarbíói

Kvikmyndasafn Íslands sýnir í Bæjarbíói í kvöld þriðjudag kl. 20 og á laugardag kl. 16 hina víðfrægu mynd Sergei Eistenstein, Október, frá 1928. Í...

Bæjarbíó sýnir fjórar forvitnilegar myndir um samskipti Íslands og Sovétríkjanna

Kvikmyndasafnið sýnir í Bæjarbíói fjögurra heimildamynda syrpu um samskipti Sovétríkjanna og Íslands, tvær frá sjötta áratugnum og tvær frá þeim sjöunda. Sýningar eru kl....

Rússnesk kvikmyndafegurð í Bæjarbíói

Kvikmyndasafn Íslands býður uppá rússneskan vetur á yfirstandandi starfsári og má skoða dagskrána hér. Jafnframt stendur yfir í bíóinu sýning á ýmsum munum og...
spot_imgspot_img

NÝJUSTU FÆRSLUR