HeimEfnisorðKvikmyndasjóður

kvikmyndasjóður

Bransinn

Björn B. Björnsson: Lilja lofar öllu fögru

Björn B. Björnsson segir Lilju Alfreðsdóttur menningarráðherra nú rétt fyrir kosningar allt í einu styðja ýmis mál kvikmyndagerðar sem hún hafi ekki stutt áður. "Öll þessi mál eiga það sameiginlegt að Lilja hefði getað hrint þeim í framkvæmd á þeim sjö árum sem hún hefur verið ráðherra menningarmála - en kaus að gera það ekki," segir Björn meðal annars.
Bransinn

Grímur Hákonarson: Það er líf eftir Lilju

Grímur Hákonarson leikstjóri er meðal þeirra sem á undanförnum vikum hafa gagnrýnt störf Lilju Alfreðsdóttur menningar- og viðskiptaráðherra. Hann leggur útaf stuðningsyfirlýsingu kvikmyndaframleiðenda við ráðherra og hvetur kvikmyndagerðarfólk til að kjósa eftir sannfæringu sinni í komandi kosningum.
Bransinn

Fjölmargir kvikmyndaframleiðendur lýsa yfir stuðningi við Lilju Alfreðsdóttur til góðra verka

Forsvarsmenn fjölmargra framleiðslufyrirtækja í kvikmyndagerð hafa sent frá sér yfirlýsingu þar sem lýst er yfir stuðningi við Lilju Alfreðsdóttur menningar- og viðskiptaráðherra og þær hugmyndir sem hún setti fram í nýlegri grein varðandi frekari uppbyggingu greinarinnar.
Bransinn

SÍK fagnar megináherslum Lilju Alfreðsdóttur varðandi málefni kvikmyndagerðar á næsta kjörtímabili

Anton Máni Svansson formaður SÍK bregst við skrifum Lilju Alfreðsdóttur menningar- og viðskiptaráðherra um næstu skref í málefnum kvikmyndagerðarinnar og segist fagna þeim megináherslum sem þar koma fram.
Bransinn

Lilja skrifar um næstu skref varðandi kvikmyndagerðina

Lilja Alfreðsdóttir menningar- og viðskiptaráherra skrifar í Vísi um þau málefni kvikmyndagerðar sem hún vill leggja áherslu á, hljóti hún til þess brautargengi í komandi kosningum.
Bransinn

Lilja segir tal um niðurskurð ýkjur

Menningar- og viðskiptaráðherra fagnar aukningu í Kvikmyndasjóð í viðtali við Vísi en segir tal um niðurskurð ýkjur.
Bransinn

Flestir flokkanna vilja gera samkomulag við kvikmyndagreinina til næstu ára

Flestir flokkanna sem nú bjóða fram til Alþingis vilja gera samkomulag við kvikmyndagerðina til næstu fjögurra ára. Þetta kom fram á málþinginu Setjum menninguna á dagskrá sem BÍL stóð fyrir í húsnæði LHÍ í gær með fulltrúum stjórnmálaflokkanna.
Bransinn

Al­þingi kemur Kvik­mynda­sjóði til bjargar, segir hópur kvikmyndagerðarfólks

Hópur kvikmyndagerðarfólks birtir grein á Vísi þar sem farið er yfir það hvernig hækkun á framlögum í Kvikmyndasjóð kom til og breiðri þverpólitískri samstöðu innan fjárlaganefndar þakkað. 
Bransinn

Frekari tillagna stjórnvalda beðið í kjölfar hækkunar Kvikmyndasjóðs

Meirihluti náðist í fjárlaganefnd um að leggja til að 300 milljónum króna yrði bætt í Kvikmyndasjóð á næsta ári, sem og 100 milljónum á yfirstandandi ári. Áður hafði staðið til að skera enn og aftur niður og nú um vel á annað hundrað milljónir. Kvikmyndagreinin fagnar þessu og lítur á sem gott skref í rétta átt eftir nokkurra ára stórfelldan niðurskurð. 
Bransinn

Niðurskurði Kvikmyndasjóðs 2025 afstýrt, verulega bætt í sjóðinn, fleira í farvatninu

Fyrirhuguðum niðurskurði Kvikmyndasjóðs verður afstýrt, verði breytingatillaga fjárlaganefndar samþykkt á Alþingi. Gert er ráð fyrir að 300 milljónir króna bætist í sjóðinn á næsta ári frá því sem upphaflega var lagt til. Þá er einnig gert ráð fyrir að 100 milljónir króna bætist í sjóðinn á þessu ári.
Bransinn

Undirskriftalisti með áskorun til þingmanna sé tillaga um neyðaraðgerð til handa íslenskri kvikmyndagerð

Fólkið í kvikmyndagreininni hefur á undanförnum dögum sett nöfn sín á undirskriftalista þar sem skorað er á Alþingi að afstýra enn einum niðurskurði Kvikmyndasjóðs með því að færa hluta af endurgreiðsluheimild næsta árs til Kvikmyndasjóðs. Gert er ráð fyrir að Alþingi afgreiði fjárlög í næstu viku. 
Bransinn

Vill að opinberum framlögum til kvikmyndagerðar fylgi kvaðir um að kjör og réttindi starfsfólks verði tryggð

Jódís Skúladóttir þingmaður Vinstri grænna, hefur lagt fram þingsályktunartillögu þar sem gert er ráð fyrir að ráðherra verði falið að undirbúa lagasetningu um kvaðir á framlag hins opinbera til kvikmyndagerðar til þess að tryggja að allt starfsfólk í kvikmyndagerð fái laun, starfskjör, sjúkra- og slysatryggingar og önnur réttindi í samræmi við lög og gildandi kjarasamninga hverju sinni.
Bransinn

Stefnir í að Ísland verði niðurgreidd auðlind fyrir alþjóðlegan kvikmyndaiðnað, segja handritshöfundar

Nýkjörn stjórn Félags leikskálda og handritshöfunda (FLH) hefur sent frá sér áskorun til þingmanna um að leiðrétta hið snarasta þá varhugaverðu stefnu sem fjárveitingar til kvikmyndagerðar á Íslandi hafa tekið á síðustu misserum.
Bransinn

Björn B. Björnsson: Hvers vegna segir Lilja ekki satt?

Björn B. Björnsson svarar grein Lilju Alfreðsdóttur frá í gær. Hann stendur við fyrri fullyrðingar sínar um að ráðherrann fari ekki rétt með og rekur efnisatriði lið fyrir lið.
Bransinn

Margrét Örnólfsdóttir: Við erum ekki alveg svona vitlaus

Margrét Örnólfsdóttir handritshöfundur og fyrrum formaður Félags leikskálda og handritshöfunda (FLH) leggur út af fréttum RÚV um aðdraganda 35% endurgreiðslunnar og einnig andsvari Lilju Alfreðsdóttur við grein Björns B. Björnssonar. Margrét var meðal þeirra sem tóku þátt í vinnuhópi við mótun Kvikmyndastefnunnar.
Bransinn

Þing­menn verða að vita að Lilja segir satt – segir Lilja

Lilja Dögg Alfreðsdóttir hefur á Vísi svarað grein Björns B. Björnssonar, þar sem hann gagnrýnir hana fyrir að hafa ekki sagt satt um svokölluð Covid framlög vegna kvikmyndagerðar. Hún hafnar því alfarið.
Bransinn

Björn B. Björnsson: Þing­menn verða að vita að Lilja segir ekki satt

Björn B. Björnsson kvikmyndagerðarmaður skrifar á Vísi um niðurskurð Kvikmyndasjóðs og segir meðal annars að Lilja Alfreðsdóttir hafi sett Íslandsmet í niðurskurði á Kvikmyndasjóði og fái þann vafasama heiður að teljast versti ráðherra sem greinin hefur haft frá upphafi.
Bransinn

Stjórn Samtaka kvikmyndaleikstjóra segir öflugan Kvik­mynda­sjóð for­sendu kvikmyndastefnunnar

Þau Hrönn Sveinsdóttir, Dögg Mósesdóttir, Karna Sigurðardóttir, Hilmar Oddsson og Gagga Jónsdóttir í stjórn Samtaka kvikmyndaleikstjóra (SKL), birta grein á Vísi í dag, þar sem þau leggja út af framkvæmd Kvikmyndastefnunnar og niðurskurði Kvikmyndasjóðs.
Bransinn

Óskar Jónasson skrifar um ó­skrifuðu Pálínuboðorðin

Óskar Jónasson leikstjóri leggur út af Pálínuboðum í samhengi við niðurskurð Kvikmyndasjóðs og segir meðal annars að við getum ekki endalaust skipulagt Pálínuboð heima hjá okkur og látið útlendingana sjá um að koma með veitingarnar.
Bransinn

Leikstjórar gagnrýna málflutning ráðherra

Leikstjórarnir Grímur Hákonarson, Hafsteinn Gunnar Sigurðsson og Hrafnhildur Gunnarsdóttir birta nýja grein á Vísi þar sem þau gagnrýna málflutning Lilju Alfreðsdóttur menningar- og viðskiptaráðherra í tengslum við niðurskurð Kvikmyndasjóðs.
Bransinn

Lilja segir hækkun Kvikmyndasjóðs 2021 hafa verið tímabundið framlag vegna Covid, vonast til að streymisframlag komi inn fyrr

Rætt var við Lilju Alfreðsdóttur menningarmálaráðherra í þættinum Þetta helst á Rás 1 þriðjudag 1. október. Þar var hún spurð útí niðurskurðinn á Kvikmyndasjóði og þá gagnrýni sem hann sætir.
Sjónarhorn

Leikstjórar segja vegið að íslenskri kvikmyndagerð

Leikstjórarnir Grímur Hákonarson, Hafsteinn Gunnar Sigurðsson og Hrafnhildur Gunnarsdóttir birta á Vísi harðorða gagnrýni á niðurskurð Kvikmyndasjóðs.
Fréttir

Grímar Jónsson: Hærra endurgreiðsluhlutfall kemur ekki í staðinn fyrir öflugan Kvikmyndasjóð

Grímar Jónsson framleiðandi bíómyndarinnar Eldarnir, sem nú er í tökum í leikstjórn Uglu Hauksdóttur, bendir á Facebook síðu sinni á að styrkur frá Kvikmyndasjóði sé frumforsenda þess að unnt sé yfirhöfuð að sækja erlent fjármagn í íslenskar kvikmyndir.
Bransinn

Mjög erfiðar horfur í greininni vegna mikils niðurskurðar Kvikmyndasjóðs á undanförnum árum

Kvikmyndagerðarmenn eru mjög uggandi yfir stöðunni í greininni vegna mikils og stöðugs niðurskurðar Kvikmyndasjóðs, meginstoðar íslenskrar kvikmyndagerðar.
Bransinn

Kvikmyndastefnan í framkvæmd: dregið úr vægi íslenskrar kvikmyndagerðar, aukið vægi erlendra þjónustuverkefna

Í Kvikmyndastefnunni frá 2020 var fyrsta mál að efla Kvikmyndasjóð, meginstoð íslenskrar kvikmyndagerðar. Það byrjaði vel en nú, fjórum árum síðar, hefur hann verið skorinn hressilega niður og hefur ekki verið minni síðan niðurskurðarárið 2014. Um leið hefur endurgreiðsluhlutfall verið hækkað verulega til að auka samkeppnishæfni Íslands varðandi erlend stórverkefni. Stækkun þessarar hliðarstoðar nýtur stuðnings í greininni en gríðarlegur niðurskurður Kvikmyndasjóðs er ekki það sem Kvikmyndastefnan gengur útá.
Bransinn

Tekjur af menningarframlagi streymisveita gætu numið um 260 milljónum króna

Frumvarp um menningarframlag streymisveita, þar sem gert er ráð fyrir sérstökum skatti af tekjum þeirra á Íslandi, er í vinnslu í Menningarmálaráðuneytinu.
Bransinn

Stefnir í um helmings niðurskurð á Kvikmyndasjóði

Enn stendur til að skera niður Kvikmyndasjóð samkvæmt nýbirtri fjármálaáætlun. SÍK hefur sent frá sér tölur sem sýna að sjóðurinn hefur verið skorinn niður um helming á undanförnum árum.
Bransinn

Tillögur að nýrri fjármögnun sjónvarpsþáttaraða í samráðsgátt

Menningarmálaráðuneytið hefur lagt drög að breytingum á kvikmyndalögum og reglugerð um Kvikmyndasjóð í samráðsgátt stjórnvalda, þar sem óskað er eftir umsögnum.
Fréttir

Kvikmyndasjóður úthlutar 120 milljónum króna til 15 verkefna

Kvikmyndasjóður hefur úthlutað styrkjum af sérstakri 120 m.kr. fjárveitingu vegna átaksverkefnis stjórnvalda í kjölfar heimsfaraldurs kórónaveiru. Stærsta styrkinn hlýtur bíómyndin Síðasti saumaklúbburinn í leikstjórn Göggu Jónsdóttur, 35 milljónir króna.
Bransinn

67 umsóknir vegna sérstaks átaksverkefnis

Alls bárust 67 umsóknir til sérstaks átaksverkefnis Kvikmyndasjóðs vegna heimsfaraldurs kórónuveiru og alls var sótt um 904.098.288 kr. Umsóknarfresti lauk 10. maí, en gert er ráð fyrir að úthlutun verði lokið fyrir 1. júní.
Bransinn

Handritsstyrkir úr Kvikmyndasjóði hækkaðir

Frá og með 1. maí nk. munu viðmiðunarfjárhæðir handritsstyrkja úr kvikmyndasjóði hækka. Hækkunin er m.a. hugsuð til að fylgja verðlagsþróun, en handritsstyrkir hækkuðu síðast fyrir þremur árum.
Bransinn

Aðgerðir til stuðnings kvikmyndagerð kynntar, nánari útfærsla væntanleg

Vegna afleiðinga farsóttarinnar hafa stjórnvöld kynnnt aðgerðir til stuðnings listum og fela þær meðal annars í sér viðbótarframlag til Kvikmyndasjóðs uppá 120 milljónir, auk þess sem þeir framleiðendur sem þegar hafa fengið vilyrði um endurgreiðslu geta fengið hluta hennar fyrirfram. Von er á nánari útfærslu aðgerða á morgun.
Bransinn

Ekki staðið að fullu við samkomulag um framlög til Kvikmyndamiðstöðvar

Alþingi og stjórnvöld ljúka síðasta legg Samkomulagsins 2016-2019 með því að skera niður hækkun þessa árs um rétt tæpar tíu milljónir króna. Ekki reyndist vilji fyrir sérstöku viðbótarframlagi uppá 250 milljónir króna á tímabilinu þrátt fyrir viljayfirlýsingu þar um í samkomulaginu.
Fréttir

„Abbababb!“ Nönnu Kristínar Magnúsdóttur fær 120 milljóna vilyrði úr Kvikmyndasjóði

Abbababb! í leikstjórn Nönnu Kristínar Magnúsdóttur hefur fengið 120 milljón króna vilyrði frá Kvikmyndamiðstöð. Ásgrímur Sverrisson skrifar handritið, sem byggt er á samnefndum söngleik Dr. Gunna. Júlíus Kemp og Ingvar Þórðarson framleiða fyrir Kvikmyndafélag Íslands.
Bransinn

Frumvarp um breytingar á kvikmyndalögum lagt fram

Lilja Alfreðs­dótt­ir, mennta- og menn­ing­ar­mála­ráð­herra, hefur lagt fram frum­varp sem kveður á um breyt­ingar á kvik­mynda­lög­um. Þar er meðal annars skýrar en áður kveðið á um hverjir geta sótt um styrki og hverskonar verk má styrkja, þá er nýtt ákvæði um sýningarstyrki og ráðningartíma forstöðumanns auk þess sem lagðar eru til ítarlegri reglur um störf ráðgjafa.
Bransinn

Breytingar á kvikmyndalögum fyrirhugaðar, óskað eftir umsögnum

Mennta- og menningarmálaráðuneytið hefur lagt fram drög að lagafrumvarpi um breytingu á kvikmyndalögum. Drögin lúta sérstaklega að útfærslu ríkisaðstoðar til kvikmynda með tilliti til nýrra reglna frá ESB, en einnig er gerð tillaga um takmarkanir á skipunartíma forstöðumanns og staða Kvikmyndaráðs skýrð. Hægt er að senda inn umsagnir um frumvarpsdrögin til 19. febrúar.
Bransinn

BÍL: Nauðsynlegt að gera nýja áætlun um eflingu Kvikmyndasjóðs

Bandalag íslenskra listamanna (BÍL) hefur lagt fram umsögn sína um fjárlagafrumvarpið 2018. Meðal þess sem BÍL leggur til er að framlag til Kvikmyndasjóðs verði nær tvöfaldað og nái 2 milljörðum króna 2020 og að RÚV fái bætta þá skerðingu sem félagið hefur sætt á undanförnum árum.
Bransinn

Engar breytingar á framlögum til kvikmyndamála í nýju fjárlagafrumvarpi

Engar breytingar frá fyrra frumvarpi er að finna í nýju fjárlagafrumvarpi fyrir árið 2018 varðandi framlög til kvikmyndamála, en hið nýja frumvarp hefur verið lagt fram á Alþingi af nýrri ríkisstjórn nú í desember.
Bransinn

Jóhann Ævar: Fáránlegt að leggja handritaskrif fyrir kvikmyndir og sjónvarp að jöfnu

Jóhann Ævar Grímsson handritshöfundur og þróunarstjóri Sagafilm leggur útaf tilkynningu Kvikmyndamiðstöðvar um hækkanir á handrita- og þróunarstyrkjum á Facebook síðu sinni og er ekki sáttur við að sömu heildarupphæðir séu í boði fyrir handritaskrif kvikmynda og þáttaraða.
Bransinn

Hækkanir á handrits- og þróunarstyrkjum

Kvikmyndamiðstöð Íslands hefur ákveðið að hækka upphæðir handrits- og þróunarstyrkja. Um er að ræða 28% hækkun á handritsstyrkjum fyrir leiknar kvikmyndir í fullri lengd og leikið sjónvarpsefni og 31%  hækkun á handrits- og þróunarstyrkjum fyrir heimildamyndir. Er þessi hækkun á styrkjum nokkuð umfram hækkanir á framlögum til Kvikmyndasjóðs frá árinu 2017 til 2018, sem er 9%.
Bransinn

Laufey ræðir úthlutunina til annarrar syrpu „Ófærðar“

Laufey Guðjónsdóttir, forstöðumaður Kvikmyndamiðstöðvar Íslands, ræddi við útvarpsstöðina K100 um nýgerða úthlutun til annarrar syrpu Ófærðar og þær deilur sem hafa skapast vegna þess. Horfa má á viðtalið hér.
Bransinn

SÍK óskar eftir fundi með fulltrúum KMÍ og ráðuneytis vegna úthlutunar

SÍK hefur óskað eftir fundi með fulltrúum Kvikmyndamiðstöðvar og mennta- og menningarmálaráðuneytisins vegna úthlutunar til annarrar syrpu Ófærðar. Þetta kemur fram í Fréttablaðinu.
Bransinn

SÍK: Reglur brotnar við úthlutun, kallar eftir endurskoðun á verklagi

Samband íslenskra kvikmyndaframleiðenda, SÍK, hefur sent frá sér tilkynningu varðandi nýlegar ákvarðanir um úthlutanir vilyrða úr Kvikmyndasjóði. SÍK telur að reglur hafi verið brotnar og að endurskoða þurfi verklag.
Bransinn

Magnús Guðmundsson: Stjórnvöld þurfa að taka starfshætti Kvikmyndasjóðs til róttækrar endurskoðunar

"Ef íslensk kvikmynda- og sjónvarpsþáttagerð á að halda áfram að dafna þurfa stjórnvöld að taka starfshætti Kvikmyndasjóðs til róttækrar endurskoðunar. Framleiðendur verða að geta treyst því að þar sitji allir við sama borð og sjóðurinn þarf að marka sér skýra stefnu í samræmi við þróun á mörkuðum," segir Magnús Guðmundsson í leiðara Fréttablaðsins.
Bransinn

Gagnrýnt að önnur syrpa „Ófærðar“ fái vilyrði þrátt fyrir ókláruð handrit

Önnur syrpa Ófærðar hlaut vilyrði í júnímánuði fyrir sextíu milljóna styrk frá Kvikmyndasjóði þótt ekki væri búið að skrifa handrit að öllum þáttunum í seríunni. Laufey Guðjónsdóttir, forstöðumaður Kvikmyndamiðstöðvar segir reglur ekki hafa verið brotnar, en Snorri Þórisson framleiðandi hjá Pegasus gagnrýnir ákvörðunina. Þetta kemur fram í Fréttablaðinu.
Bransinn

Samkomulagið: Langt frá tillögum Kvikmyndaráðs, óljós fyrirheit um hækkun síðar á samningstíma

Í Samkomulagi um stefnumörkun fyrir íslenska kvikmyndagerð árin 2016-2019, sem undirritað var í síðustu viku, er KMÍ gert kleift að auka nokkuð styrkhlutfall á hvert verkefni en ekki er gert ráð fyrir fjölgun þeirra. Leikið sjónvarpsefni býr áfram við skarðan hlut, en vilyrði er gefið um hækkun til sjóðsins á síðari hluta samningstíma.
Bransinn

Sjóðurinn hækkar um tæp 30% á þremur árum samkvæmt nýju samkomulagi

Samkvæmt samkomulagi sem undirritað var í gær um stefnumörkun fyrir íslenska kvikmyndagerð árin 2016– 2019, hækka framlög til Kvikmyndasjóðs um 240 milljónir króna næstu þrjú ár.
Bransinn

Þórhallur Gunnarsson: Getum ekki bara verið þjónustumiðstöð fyrir erlend verkefni, bæta verður í sjóðinn

Þórhallur Gunnarsson framleiðslustjóri hjá Sagafilm bendir á að sá gríðarlegi vöxtur sem kvikmyndaiðnaðurinn hefur búið við undanfarin ár (með ríflega tvöfaldri veltu í ár miðað við síðasta ár) sé aðallega vegna erlendra verkefna og það sé áhyggjuefni.
Viðtöl

Laufey Guðjónsdóttir: Íslenskir kvikmyndagerðarmenn eru frábærir sagnamenn

Laufey Guðjónsdóttir, forstöðumaður Kvikmyndamiðstöðvar Íslands, ræðir við vefsíðuna Eurodrama um stöðuna í íslenskri kvikmyndagerð, sögu sjóðsins og horfurnar framundan.
Viðhorf

Laufey Guðjónsdóttir: Árangurshlutfall kynja í styrkveitingum jafnt síðastliðinn áratug

Laufey Guðjónsdóttir forstöðumaður Kvikmyndamiðstöðvar íslands skrifar grein í Fréttablaðið í dag þar sem fram koma ítarlegri upplýsingar um skiptingu styrkja milli kynja en áður hafa birst. Tölurnar ná til áranna 2005-2015 og kemur í ljós að árangurshlutfall karla og kvenna er jafnt, 58%. Lengri grein Laufeyjar birtist hér ásamt skýringamyndum.
Bransinn

Kristín A. Atladóttir: Kynjamyndir kynjaumræðu

Kristín A. Atladóttir framleiðandi tjáir sig um umræðuna um kynjahalla í kvikmyndum í Fréttablaðinu og segir meðal annars: "Það er ekki flókið að komast að óumdeilanlegum niðurstöðum í tölfræði kvikmyndastyrkja á Íslandi, niðurstöðum þar sem forsendur eru ljósar sem og hvaða spurningum er verið að svara. Tilgangslaust er að fleygja ófullnægjandi og misvísandi tölum á milli sín og hártoga um málefni þar sem sýnileg niðurstaða liggur fyrir, en eðli og orsakir eru ókunnar."
Bransinn

Dögg Mósesdóttir á málfundi RIFF: Okkur öllum í hag að konur jafnt sem karlar segi sögur

Dögg Mósesdóttir formaður WIFT á Íslandi flutti tölu á málfundi RIFF í Tjarnarbíói í gærkvöldi þar sem málefni kvenna í kvikmyndagerð voru rædd. Dögg sagði meðal annars: "Miðað við framgang mála hingað til mun taka okkur 600 ár að ná jafnrétti, við erum ekki lengra komin en það. Við erum öll sammála um að núverandi staða er óþolandi og hvorki bransanum né landinu til sóma. Okkar skoðun er sú að ástandið lagist seint og illa, NEMA það sé farið í sértækar aðgerðir hjá Kvikmyndamiðsttöð. Það sendir út nauðsynleg skilaboð til áhorfenda, framleiðslufyrirtækja, sjónvarpsstöðva, verðandi kvikmyndagerðarkvenna, allra."
12Page 1 of 2
spot_imgspot_img

NÝJUSTU FÆRSLUR

Stór íslenskur kvikmyndafókus í Les Arcs

Fréttir

Heimildamyndin DRAUMAR, KONUR OG BRAUÐ verðlaunuð í Glasgow

Fréttir

Heimildaþættirnir GRINDAVÍK frumsýndir á Stöð 2 Sport

Stiklur

Stuttmyndin SJOPPA fær verðlaun í Portúgal

Verðlaun

Elín Hall er rísandi stjarna

Fréttir

MEST LESIÐ Í DAG

HELSTU EFNISORÐ

RÚV (230)Baltasar Kormákur (181)Kvikmyndamiðstöð Íslands (153)Bíó Paradís (134)Hrútar (123)Morgunblaðið (117)Hlynur Pálmason (114)Benedikt Erlingsson (110)bransinn (110)Grímur Hákonarson (108)Sagafilm (99)Hross í oss (91)Baldvin Z (90)Guðmundur Arnar Guðmundsson (88)Rúnar Rúnarsson (85)Fréttablaðið (82)Hjartasteinn (79)Fúsi (78)Hafsteinn Gunnar Sigurðsson (72)kvikmyndasjóður (71)

KLIPPUR

UM KLAPPTRÉ

Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni. 

Vefurinn fór í loftið haustið 2013. Ritstjóri er Ásgrímur Sverrisson.

Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.

ALLT EFNI

HAFÐU SAMBAND