RIFF 2015

Verðlaunaafhending RIFF hátíðarinnar fór fram í Iðnó í kvöld. Aðalverðlaunin, Gullni lundinn, féllu í skaut írönsku myndinni Wed­nes­day, May 9 eftir Va­hid Jali­vand.

Pallborðsumræður um kvikmyndahátíðir sem fram fóru 1. október í Norræna húsinu á vegum RIFF má skoða í heild sinni hér.

Tale of Tales virkar ekki alveg nógu vel í heildina, það tekur hana nokkurn tíma að grípa mann og tónninn í henni er aðeins á skjön á köflum, segir Atli Sigurjónsson um opnunarmynd RIFF í ár, en hún sé þó bæði grótesk, fjörug og glæsileg.

Kanadíski kvikmyndleikstjórinn David Cronenberg og þýski kvikmyndaleikstjórinn Margarethe von Trotta hlutu bæði heiðursverðlaun RIFF fyrir æviframlag til kvikmynda sem forseti Íslands, Ólafur Ragnar Grímsson afhenti þeim á Bessastöðum í gær.

Þýska leikstýran Margarethe von Trotta ræddi feril sinn og kvikmyndagerð við Elísabetu Ronaldsdóttur í fyrradag. Meistaraspjall þeirra má skoða hér.

Pallborðsumræður á vegum RIFF í Norræna húsinu þar sem fjallað er um kvikmyndahátíðir hefst kl. 12 og hægt er að sjá beina útsendingu hér.

RIFF stendur fyrir pallborðsumræðum í Norræna húsinu á morgun 1. október kl. 12 þar sem rætt verður um kvikmyndahátíðir með þátttöku þungaviktarfólks af þeim vettvangi; Arnaud Gourmelen, dagskrárstjóra Director’s Fortnight á Cannes, Fredrick Boyer, stjórnanda Tribeca kvikmyndahátíðarinnar, Piers Handling stjórnandaToronto kvikmyndahátíðarinnar og Giorgio Gosetti, stjórnanda Venice Days á Feneyjarhátíðinni og dagskrárstjóra RIFF. Helga Stephenson, fyrrum stjórnandi kvikmyndahátíðarinnar í Toronto stjórnar umræðum.

Pallborðsumræðurnar sem RIFF stóð fyrir mánudaginn 28. september undir heitinu Er íslensk kvikmyndagerð góð fjárfesting? má skoða hér í heild sinni.

"Hversu mikið getur ein grein endurskapað sjálfa sig? Hefur vestrinn gert og sagt allt sem hann getur?," spyr Atli Sigurjónsson í umsögn sinni um vestrann Slow West sem sýnd er á RIFF.

Allir þátttakendur í pallborðsumræðum sem RIFF hélt í gær undir yfirskriftinni Er íslensk kvikmynd góð fjárfesting? voru sammála um að svo væri ef rétt er að henni staðið. „Ástarævintýrið er hafið,“ sagði Þorgerður Katrín Gunnarsdóttir fundarstjóri og átti við samband kvikmyndagerðarmanna og fjárfesta.

Á málþingi sem RIFF stendur fyrir með yfirskriftinni Er íslensk kvikmyndagerð góð fjárfesting? sagðist Baltasar Kormákur oft hafa lent í miklum vandræðum með íslenska bankakerfið, meðal annars við gerð Ófærðar, þótt myndin hafi notið ýmissa styrkja.

Klapptré mun birta umsagnir um RIFF myndir á næstu dögum. Atli Sigurjónsson ríður á vaðið með dómi um kvikmyndina Cartel Land eða Glæpaland.

Margrét Örnólfsdóttir handritshöfundur flutti hátíðargusu RIFF við opnun hátíðarinnar í Gamla bíói á fimmtudagskvöld. Gusuna má lesa hér.

Morgunblaðið birtir viðtal við David Cronenberg, annan heiðursgesta RIFF í ár.

Alþjóðleg kvikmyndahátíð í Reykjavík, RIFF, verður sett í tólfta sinn í kvöld kl. 19:30 við hátíðlega athöfn í Gamla Bíói.

Morgunblaðið birtir viðtal við Margarethe von Trotta sem er heiðursgestur RIFF í ár. Von Trotta er eitt þekkt­asta nafnið í þýskri kvik­mynda­gerð. Hún var hluti af þeim kjarna leik­stjóra, sem hóf þýsk­ar kvik­mynd­ir til virðing­ar eft­ir langvar­andi lægð.

Fjöldi sérviðburða verður á RIFF í ár eins og jafnan. Hér er listi yfir þá helstu eftir dögum.

Guðmundur Ingi Þorvaldsson fer með aðalhlutverkið í nýrri bresk/íslenskri spennumynd, Chasing Robert Barker, sem heimsfrumsýnd verður á RIFF. Leikstjóri og handritshöfundur er Daniel Florêncio, sem einnig framleiðir ásamt Snorra Þórissyni hjá Pegasus.