Á ferð með mömmu er fimmtu vikuna í röð með mesta aðsókn íslenskra kvikmynda. Myndina sáu 1,202 í vikunni en alls nemur heildarfjöldi gesta 10,544 eftir sjöundu sýningarhelgi. Myndin heldur aðsókn nokkuð vel milli vikna og gæti náð 13-14 þúsund gestum áður en yfir lýkur.
Óráð sáu 480 í vikunni en alls nemur heildaraðsókn 1,395 gestum eftir aðra sýningarhelgi.
432 gestir sáu Napóleonsskjölin í vikunni, en alls hafa 28,154 séð hana eftir 10. sýningarhelgi.
Volaða land sáu 420 í vikunni, en alls nemur fjöldi gesta 3,639 eftir fimmtu sýningarhelgi.
Villibráð sáu 414 gestir í vikunni, en alls nemur heildarfjöldi gesta 55,449 eftir 14. sýningarhelgi. Myndin er nú komin í sjöunda sætið yfir mest sóttu íslensku myndirnar síðan mælingar hófust. Íslensk kvikmynd hefur ekki fengið jafn mikla aðsókn síðan sýningar stóðu yfir á Svartur á leik árið 2012.
Aðsókn á íslenskar myndir 3.-9. apríl 2023
| VIKUR | MYND | AÐSÓKN (SÍÐAST) | ALLS (SÍÐAST) |
| 7 | Á ferð með mömmu | 1,202 (1,393) | 10,544 (9,342) |
| 2 | Óráð | 480 (515) | 1,395 (915) |
| 10 | Napóleonsskjölin | 432 (652) | 28,154 (27,722) |
| 5 | Volaða land | 420 (704) | 3,639 (3,219) |
| 14 | Villibráð | 414 (653) | 55,449 (55,035) |
(Heimild: FRISK – Theatrical Box Office Reports Iceland)
