Dýrið eftir Valdimar Jóhannsson er meðal þeirra 15 alþjóðlegu kvikmynda sem finna má á stuttlista Óskarsverðlaunaakademíunnar í flokknum Alþjóðleg kvikmynd ársins.
Þetta er í fyrsta sinn síðan 2013 sem íslenska kvikmynd í fullri lengd er að finna á stuttlista Bandarísku kvikmyndaakademíunnar, en þá var Djúpið eftir Baltasar Kormák á stuttlistanum.
Þá er kvikmyndin The Suicide Squad meðal þeirra 10 mynda sem eru stuttlistaðar fyrir förðun og hár, en Heba Þórisdóttir hafði yfirumsjón með förðun í þeirri mynd.
Valdimar skrifaði handritið að Dýrinu í samvinnu við Sjón. Framleiðendur eru Hrönn Kristinsdóttur og Sara Nassim fyrir Go to Sheep, í samvinnu við sænska og pólska framleiðendur.
Með helstu hlutverk fara Noomi Rapace, Hilmir Snær Guðnason, Björn Hlynur Haraldsson og Ingvar E. Sigurðsson. Stjórn kvikmyndatöku er í höndum Eli Arenson og Agnieszka Glińska sér um klippingu myndarinnar. Þórarinn Guðnason samdi tónlist og hljóðhönnun er í höndum Ingvars Lundberg og Björns Viktorssonar.
Stuttlistinn verður saxaður niður í fimm myndir og þær tilnefningar tilkynntar þann 8. febrúar næstkomandi.
Variety skýrir frá og birtir stuttlistann:
International Feature
-
- “Great Freedom” (Austria) – dir. Sebastian Meise
- “Playground” (Belgium) – dir. Laura Wandel
- “Lunana: A Yak in the Classroom” (Bhutan) – dir. Pawo Choyning Dorji
- “Flee” (Denmark) – dir. Jonas Poher Rasmussen
- “Compartment No. 6” (Finland) – dir. Juho Kuosmanen
- “I’m Your Man” (Germany) – dir. Maria Schrader
- “Lamb” (Iceland) – dir. Valdimar Jóhannsson
- “A Hero” (Iran) – dir. Asghar Farhadi
- “The Hand of God” (Italy) – dir. Paolo Sorrentino
- “Drive My Car” (Japan) – dir. Ryusuke Hamaguchi
- “Hive” (Kosovo) – dir. Blerta Basholli
- “Prayers for the Stolen” (Mexico) – dir. Tatiana Huezo
- “The Worst Person in the World” (Norway) – dir. Joachim Trier
- “Plaza Catedral” (Panama) – dir. Abner Benaim
- “The Good Boss” (Spain) – dir. Fernando León de Aranoa
