Héraðið eftir Grím Hákonarson og Gullregn Ragnars Bragasonar fá báðar tilnefningu til pólsku kvikmyndaverðlaunanna sem veitt verða í maí.
Héraðið er tilnefnd sem besta evrópska kvikmyndin og Gullregn fær tilnefningu fyrir förðun ársins (Áslaug Dröfn Sigurðardóttir).
Örninn, pólsku kvikmyndaverðlaunin, voru sett á fót 1999, sama ár og Edduverðlaunin. Fyrirkomulag kosninga er hið sama og hjá ÍKSA, meðlimir akademíunnar kjósa um bestu verk og mannskap.
