Heim Fréttir Truenorth undirbýr tvö enskumælandi verkefni

Truenorth undirbýr tvö enskumælandi verkefni

-

Óskar Jónasson.
Óskar Jónasson.

True North vinnur nú að undirbúningi tveggja kvikmynda sem gerðar verða á ensku; annarsvegar The Malaga Prisoner eftir handriti Óskars Jónassonar og Arnaldar Indriðasonar og hinsvegar Keflavik eftir bandaríska leikstjórann Michael G Kehoe.

Screen International greinir frá.

Í frétt Screen kemur fram að The Malaga Prisoner muni fara í tökur á næsta ári undir stjórn Óskars. Tökur munu fara fram að mestu á Malaga á Spáni og myndin verður að mestu enskumælandi en einnig á íslensku og spænsku. Myndin fjallar um tvo íslenska lögreglumenn sem sendir eru til Spánar til að sækja smáglæpon.

True North er nú í viðræðum við spænska meðframleiðendur um þátttöku. Áætlaður framleiðslukostnaður er um 5 milljónir dollara, eða um 621 milljón króna.

Keflavik verður nokkru ódýrari mynd en áætlaður kostnaður er 3 milljónir dollara eða um 373 milljónir króna. Myndin segir frá því þegar alþjóðlegur hópur vísindamanna kemst að tilvist geimvera í yfirgefinni herstöð í Keflavík. Stefnt er að tökum 2017 og mun bandaríski framleiðandinn Tommy Harper, sem meðal annars hefur starfað mikið með JJ Abrams starfa með True North að verkefninu.

Mynd Ara Alexanders í tökur í haust

Þá segir Screen einnig frá því að mynd Ara Alexanders, sem nú kallast Mihkel (áður Vaidas, ísl: Undir halastjörnu), fari í tökur í haust. Myndin er gerð í samvinnu við Eista og Norðmenn. Klapptré hefur áður sagt frá verkefninu hér.

Screen hefur eftir Kristni Þórðarsyni hjá True North að metnaður félagsins standi til að gera söluvænlegar myndir sem og að gera fleiri myndir á ensku ásamt því að halda í hina íslensku þætti. „Við viljum ná til breiðs hóps áhorfenda,“ segir Kristinn.

Sjá nánar hér: Truenorth lines up English-language projects | News | Screen

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.