“Málmhaus” í Brasilíu

Ragnar Bragason er staddur á Janela kvikmyndahátíðinni íRecife í Brasilíu með mynd sína Málmhaus og sendi frá sér þessar ljósmyndir frá sýningu myndarinnar í gærkvöldi sem Klapptré vill deila með lesendum sínum. Ragnar segir afar góða stemmningu hafa ríkt á sýningu gærkvöldsins, troðfullur salur hafi klappað og hrópað. Næsta sýning er annað kvöld.

Á Facebook síðu hátíðarinnar má sjá ummæli gesta og eru þau afar jákvæð, hér er úrdráttur úr nokkrum:

“Ég gerði mér ekki miklar væntingar eftir að hafa séð stikluna. Gott að í ljós kom að það voru óþarfa áhyggjur, ég naut myndarinnar í botn. Mæli eindregið með henni!”

“Snilld. Ein besta bíómynd sem ég hef séð.”

“Frábær leikarahópur sem virðir persónur sínar og sýnir okkur galla þeirra, ótta, eigingirni og óöryggi en líka hvernig þau takast á við vandamálin og yfirstíga þau. […] Lófaklappið eftir sýningu myndarinnar bergmálaði í eina og hálfa mínútu í troðfullum salnum. […] Við þurfum fleiri myndir af þessu tagi í kvikmyndahúsin!”

Ragnar Bragason kynnir Málmhaus við upphaf sýningar í gærkvöldi.

Ragnar Bragason kynnir Málmhaus við upphaf sýningar í gærkvöldi.

Hér stendur sýning myndarinnar yfir í þessu gullfallega kvikmyndahúsi.

Hér stendur sýning myndarinnar yfir í þessu gullfallega kvikmyndahúsi.

Ragnar má sjá í hægra horni myndarinnar.

Ragnar má sjá í hægra horni myndarinnar.

Gesti drífur að. Á eftir Málmhaus var sýnd Monty Python myndin The Meaning of Life.

Gesti drífur að. Á eftir Málmhaus var sýnd Monty Python myndin The Meaning of Life.

Athugasemdir

álit

Tengt efni