Aðsókn á íslenskar kvikmyndir í bíó 2017 jókst um tæpan þriðjung miðað við 2016. Ég man þig er mest sótta íslenska mynd ársins.
Sjö nýjar bíómyndir litu dagsins ljós á árinu (fjórar myndir 2016) en tvær bíómyndir frá fyrra ári voru einnig í sýningum. Frumsýndar heimildamyndir voru 10 talsins miðað við 11 árið 2016.
Aðsókn á íslenskar myndir 2017 nam 122,591 gesti í samanburði við 91.221 gesti 2016. Þetta er tæplega þriðjungs aukning. Heildarinnkoma nam rúmlega 189 milljónum króna miðað við 111,5 milljónir króna árið 2016
Frumsýndar íslenskar kvikmyndir og heimildamyndir voru 17 á árinu en 15 á árinu 2016. Ég man þig er mest sótta myndin en vinsælasta heimildarmynd ársins er Reynir sterki. Samtals var markaðshlutdeild íslenskra kvikmynda og heimildarmynda í kvikmyndahúsum 11,6% sem er veruleg aukning frá 2016 þegar íslenskar myndir voru 6,6% af markaðinum (athugið að hér er vísað til tekna, hlutdeild aðsóknar er rúm 9,2%)
Hér að neðan má sjá listann yfir aðsókn og tekjur á íslenskar kvikmyndir 2017. Athugað að röðun á listann er eftir aðsókn, sem gæti breytt röðinni lítillega miðað við þann lista sem FRÍSK sendir frá sér þar sem miðað er við tekjur.
Aðsókn á íslenskar myndir 2017
| HEITI | DREIFING | TEKJUR | AÐSÓKN |
|---|---|---|---|
| Ég man þig | Sena | 76,591,704 kr. | 47,368 |
| Undir trénu | Sena | 67,736,250 kr. | 42,427 |
| Hjartasteinn | Sena | 34,440,662 kr. | 22,684 |
| Reynir sterki** | Sena | 3,355,650 kr. | 2,286 |
| Rökkur | Sena | 1,926,230 kr. | 1,721 |
| Sumarbörn | Sena | 1,662,499 kr. | 1,579 |
| Snjór og Salóme | Sena | 503,990 kr. | 972 |
| Eiðurinn* | Sena | 529,155 kr. | 706 |
| Out Of Thin Air** | Bíó Paradís | 861,450 kr. | 640 |
| Spólað yfir hafið** | Bíó Paradís | 586,800 kr. | 560 |
| Varnarliðið - kaldastríðsútvörður** | Bíó Paradís | 244,350 kr. | 387 |
| 690 Vopnafjörður** | Bíó Paradís | 213,300 kr. | 334 |
| 15 ár á Íslandi** | Bíó Paradís | 73,800 kr. | 254 |
| Skjól og skart** | Bíó Paradís | 162,900 kr. | 214 |
| Blindrahundur** | Bíó Paradís | 218,700 kr. | 176 |
| Island songs** | Bíó Paradís | 212,000 kr. | 169 |
| A Reykjavik Porno | Bíó Paradís | 53,100 kr. | 43 |
| Grimmd* | Sena | 35,312 kr. | 31 |
| Goðsögnin FC Kareóki** | Bíó Paradís | 31,050 kr. | 22 |
| Rúnturinn I* ** | Bíó Paradís | 10,800 kr. | 11 |
| Innsæi - The Sea Within* ** | Bíó Paradís | 11,250 kr. | 7 |
| 189,329,052 kr. | 122,591 |
Heimild: FRÍSK | *Frumsýnd 2016, tölur 2017 | **Heimildamyndir.
