Greining | „Lífsleikni Gillz“ komin yfir tíu þúsund gesti, „Hross í oss“ tekur kipp í kjölfar verðlauna

Lífsleikni Gillz fellur um tvö sæti og er nú í 4. sæti aðsóknarlista SMÁÍS, en myndina hafa nú sótt alls 10.899 manns.

Hross í oss, sem hlaut sex Eddur á nýafstaðinni Edduverðlaunahátíð – þar á meðal fyrir kvikmynd ársins, tók nokkurn kipp um helgina. Myndin gengur enn í Bíó Paradís og hefur nú alls fengið til sín 14.287 gesti eftir 21 viku í sýningum.