“Hvítur, hvítur dagur” Hlyns Pálmasonar fær 110 milljónir úr Kvikmyndasjóði

Næsta verkefni Hlyns Pálmasonar, Hvítur, hvítur dagur hefur hlotið 110 milljón króna vilyrði úr Kvikmyndasjóði. Tökur eru fyrirhugaðar á næsta ári, Anton Máni Svansson hjá Join Motion Pictures framleiðir.
Posted On 18 Aug 2017

Norrænar þáttaraðir ferðast vel milli Norðurlandanna, Íslendingar horfa mest á norrænt efni

Út er komin skýrsla á vegum Norræna kvikmynda- og sjónvarpssjóðsins sem fjallar um áhorf og dreifingu norrænna sjónvarpsþátta innan Norðurlandanna. Petri Kemppinen, framkvæmdastjóri sjóðsins, segir skýrsluna sýna að margar norrænar þáttaraðir ferðist vel milli landa og að dagskrártími og markaðssetning skipti gríðarlegu máli. Ófærð fékk almennt gott áhorf á hinum Norðurlöndunum og Íslendingar eiga metið í áhorfi á norrænar þáttaraðir.
Posted On 18 Aug 2017

“Undir trénu” til Toronto

Undir trénu Hafsteins Gunnars Sigurðssonar hefur verið valin til þátttöku á Toronto kvikmyndahátíðinni í Kanada. Myndin mun taka þátt í Contemporary World Cinema hluta hátíðarinnar. Hátíðin fer fram frá 7. til 17. september.
Posted On 15 Aug 2017

New Europe Film Sales kynnir þrjár myndir íslenskra leikstjóra í Haugasundi

New Europe Film Sales kynnir þrjár myndir íslenskra leikstjóra í Haugasundi dagana 19.-25. ágúst næstkomandi. Þetta eru Vetrarbræður eftir Hlyn Pálmason, Undir trénu eftir Hafstein Gunnar Sigurðsson og Héraðið eftir Grím Hákonarson sem fer í tökur eftir áramót og er væntanleg ári síðar.
Posted On 15 Aug 2017

“Out of Thin Air” sýnd á BBC Four í gærkvöldi, fær glimrandi umsagnir

Out of Thin Air, heimildamyndin um Guðmundar- og Geirfinnsmálin, var sýnd á BBC Four í gærkvöldi. Breskir fjölmiðlar eru upp til hópa afar jákvæðir í garð myndarinnar.
Posted On 15 Aug 2017

Friðrik Þór Friðriksson settur rektor Kvikmyndaskóla Íslands – fagstjórakerfi tekið upp

Friðrik Þór Friðriksson hefur verið settur rektor Kvikmyndaskóla Íslands fram til áramóta. Hann tekur við starfinu af Hilmari Oddssyni sem nýlega lét af störfum.
Posted On 14 Aug 2017

“Vetrarbræður” verðlaunuð í Póllandi

Vetrarbræður Hlyns Pálmasonar hlaut í dag verðlaun Alþjóðasamtaka gagnrýnenda, FIPRESCI, á MFF T-Mobile Nowe Horyzonty hátíðinni í Wroclaw í Póllandi. Fyrr í dag var tilkynnt um fern verðlaun myndarinnar í Locarno. Það er því ljóst að myndin fer af stað með látum á hátíðarúntinum.
Posted On 12 Aug 2017

“Vetrarbræður” með alls fern verðlaun í Locarno

Þær fréttir voru að berast að Vetrarbræður Hlyns Pálmasonar hefði fengið verðlaun Europa Cinemas, verðlaun ungmennadómefndar og sérstaka viðurkenningu frá dómnefnd kirkjunnar á Locarno hátíðinni. Fyrr í dag var Elliott Crosset Hove valinn besti leikarinn fyrir hlutverk sitt í myndinni.
Posted On 12 Aug 2017

Nanna Kristín Magnúsdóttir fær viðurkenningu frá Frönsku kvikmyndaakademíunni

Nanna Kristín Magnúsdóttir hefur að undanförnu gert víðreist með stuttmynd sína Ungar, en myndin hefur þegar hlotið fern alþjóðleg verðlaun auk þess að vera valin stuttmynd ársins á síðustu Edduverðlaunum. Nýlegur rúntur Nönnu Kristínar með myndina til Aþenu og Rómar endaði í París þar sem henni var veitt sérstök viðurkenning af Frönsku kvikmyndaakademíunni.
Posted On 12 Aug 2017

Margrét Jónasdóttir í viðtali um “Out of Thin Air”

Margrét Jónasdóttir framleiðandi Out of Thin Air ræðir um verkið við Morgunblaðið. Myndin er nú til sýnis í Bíó Paradís.
Posted On 12 Aug 2017

Baldvin Z: Miklu erfiðara að gera heimildamynd en leikna mynd

Baldvin Z mun frumsýna heimildamynd sína um Reyni sterka í haust, en tökur eru nú nýhafnar á þriðju bíómynd hans, Lof mér að falla. Hann ræðir við Vísi um heimildamyndina og nýju bíómyndina. Viðtalið fer hér: „Mín fyrsta mynd af Reyni sterka er bara einhver gæi í Súperman-búningi,“ segir leikstjórinn Baldvin Z sem hefur verið með aflraunamanninn Reyni Örn Leósson á heilanum síðan hann var sex ára gamall. Nú er Baldvin búinn að leggja lokahönd á heimildarmynd um manninn og verður hún frumsýnd í haust. Þetta hófst þegar annar sonur Reynis var í pössum hjá móður Baldvins og drengirnir voru að rífast um hvor pabbinn væri sterkari. „Ég vissi reyndar að pabbi hans væri dáinn en hann sagði mér sögu
Posted On 12 Aug 2017

Elliot Crosset Hove valinn besti leikarinn í Locarno fyrir “Vetrarbræður”

Elliot Crosset Hove, sem fer með aðalhlutverkið í Vetrarbræðrum Hlyns Pálmasonar, var valinn besti leikarinn á Locarno hátíðinni sem lýkur í dag.
Posted On 12 Aug 2017

Grímar Jónsson ræðir um “Undir trénu” og “Héraðið”

Grímar Jónsson framleiðandi er í viðtali við vef Norræna kvikmynda- og sjónvarpssjóðsins um mynd sína Undir trénu sem Hafsteinn G. Sigurðsson leikstýrir og verður heimsfrumsýnd á Feneyjahátíðinni, sem og næsta verkefni, Héraðið, sem Grímur Hákonarson mun leikstýra.
Posted On 11 Aug 2017

Hlynur Pálmason ræðir “Vetrarbræður”

Cineuropa ræðir við Hlyn Pálmason leikstjóra sem sýnir fyrstu bíómynd sína, Vetrarbræður, á Locarno hátíðinni.
Posted On 10 Aug 2017

Sýningar hefjast í dag á “Out of Thin Air”

Kvikmyndin Out of Thin Air var frumsýnd í gærkvöldi í Bíó Paradís í Reykjavík, en myndin fjallar um hvarf Guðmundar Einarssonar og Geirfinns Einarssonar árið 1974. RÚV segir frá og ræðir við stjórnanda myndarinnar, Dylan Howitt.
Posted On 10 Aug 2017

Screen um “Vetrarbræður”: Ójafnt sálfræðidrama

"Sumt í úrvinnslu og leik er afar sannfærandi, en þunn frásögn og vandræðalegir hugarflugskaflar gera það að verkum að myndin verður ekki að sterkri heild," segir Allan Hunter hjá Screen um Vetrarbræður Hlyns Pálmasonar. Hann spáir því að myndin muni vekja áhuga þeirra hátíða sem leggja áherslu á nýtt hæfileikafólk.
Posted On 07 Aug 2017

Variety um “Vetrarbræður”: Krefjandi, skrýtin en afar heillandi frumraun

Jessica Kiang skrifar í Variety um Vetrarbræður Hlyns Pálmasonar og segir hana einstaklega frumlega og gefa góð fyrirheit, auk þess að skera sig frá öðrum nýlegum norrænum myndum með sínu sérstæða andrúmslofti.
Posted On 05 Aug 2017

Cinevue um “Vetrarbræður”: Djörf, köld og dimm

John Bleasdale skrifar á vefinn Cinevue um Vetrarbræður Hlyns Pálmasonar, nú á Locarno hátíðinni. Bleasdale segir myndina djarfa, kalda og dimma með slettum af húmor inná milli en nokkuð vanti uppá söguna.
Posted On 04 Aug 2017

Cineuropa um “Vetrarbræður”: Fínlegt, beitt listaverk með mikið hjarta

Vassilis Economou skrifar í Cineuropa um Vetrarbræður Hlyns Pálmasonar sem nú er sýnd á Locarno hátíðinni.  Hann segir myndina sterka frumraun sem sé bæði myndrænt og frásagnarlega einstök.
Posted On 03 Aug 2017

Hilmar Oddsson lætur af störfum sem rektor Kvikmyndaskólans

Hilmar Oddsson hefur sagt lausu starfi sínu sem rektor Kvikmyndaskóla Íslands, en hann hefur gegnt því undanfarin sjö ár. Jóna Finnsdóttir deildarstjóri leikstjórnar- og framleiðsludeildar og Jörundur Rafn Arnarson deildarstjóri skapandi tækni, hafa einnig látið af störfum. 
Posted On 03 Aug 2017

[Stikla, plakat] “Vetrarbræður” eftir Hlyn Pálmason

Stikla Vetrarbræða (Vinterbrödre) fyrstu bíómyndar Hlyns Pálmasonar, hefur verið opinberuð og má skoða hana hér. Myndin, sem er dönsk/íslensk framleiðsla, verður heimsfrumsýnd á kvikmyndahátíðinni í Locarno í dag.
Posted On 03 Aug 2017

Á þriðja tug íslenskra kvikmynda á leiðinni uppá tjald á næstunni

Útlit er fyrir fjölda frumsýninga íslenskra kvikmynda í haust og á fyrrihluta næsta árs eða sextán bíómynda og að minnsta kosti átta heimildamynda í fullri lengd. Aldrei áður hafa jafn margar myndir verið tilbúnar eða á lokastigum vinnslu.
Posted On 31 Jul 2017

Elísabet Ronaldsdóttir ræðir “Atomic Blonde”

Elísabet Ronaldsdóttir klippari ræðir vinnu sína við kvikmyndina Atomic Blonde, með Charlize Theron í aðahlutverki, við kollega sinn Steve Hullfish sem heldur úti dálkinum Art of the Cut á vefnum Pro Video Coalition. Þetta er afar ítarlegt og áhugavert spjall tveggja klippara þar sem bæði er farið í einstök atriði sem lúta að myndinni sjálfri sem og víðara spjall um hlutverk klipparans almennt.
Posted On 30 Jul 2017

“Undir trénu” í keppni í Feneyjum

Undir trénu Hafsteins Gunnars Sigurðssonar hefur verið valin til þátttöku í Orrizonti keppni Kvikmyndahátíðarinnar í Feneyjum sem er hluti af aðaldagskrá hennar. Feneyjahátíðin er stofnuð 1932 og því sú elsta sinnar tegundar, ein af hinum þremur stóru ásamt Cannes og Berlín. Hún verður haldin í 74. skiptið í ár dagana 30. ágúst til 9. september.
Posted On 28 Jul 2017