“Hjartasteinn” komin með 30 alþjóðleg verðlaun

Guðmundur Arnar í miðju ásamt aðalleikurum Hjartastein, Baldri Einarssyni og Blæ Hinrikssyni.

Hjartasteinn Guðmundar Arnars Guðmundssonar var  valin besta leikna myndin á Crossing Europe kvikmyndahátíðinni í Linz í Austurríki sem lauk um síðustu helgi. Í fyrrihluta apríl hlaut myndin samskonar verðlaun á Wicked Queer: The Boston LGBT Film Festival í Bandaríkjunum. Alls eru alþjóðleg verðlaun myndarinnar nú 30 talsins.

Hjartasteinn er því sú íslensk bíómynd sem hlotið hefur flest alþjóðleg verðlaun, samkvæmt fyrirliggjandi upplýsingum. Hrútar Gríms Hákonarsonar fylgir fast á eftir með 29 alþjóðleg verðlaun. Báðar myndirnar fengu einnig Edduverðlaun, sú fyrrnefnda 9 en sú síðarnefnda 11.

Alls hafa íslenskar kvikmyndir hlotið 19 alþjóðleg verðlaun það sem af er þessu ári.

Athugasemdir

álit

Um höfundinn
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

Tengt efni