Á ferð með mömmu er fjórðu vikuna í röð með mesta aðsókn íslenskra kvikmynda. Óráð, sem frumsýnd var á föstudag, er í fjórða sæti á tekjulista FRÍSK.
Á ferð með mömmu sáu 1,393 í vikunni en alls nemur heildarfjöldi gesta 9,342 eftir sjöttu sýningarhelgi. Þetta er nokkur aukning frá síðustu viku og má telja líklegt að eldri aldurshópar séu að skila sér inn í kjölfar jákvæðs umtals. Myndin gæti náð 12 þúsund gesta markinu.
Volaða land sáu 704 í vikunni, en alls nemur fjöldi gesta 3,219 eftir fjórðu sýningarhelgi.
Villibráð sáu 653 gestir í vikunni, en alls nemur heildarfjöldi gesta 55,035 eftir 13. sýningarhelgi. Við blasir að myndin mun í næstu viku ná sjöunda sætinu yfir mest sóttu íslensku myndirnar síðan mælingar hófust.
652 gestir sáu Napóleonsskjölin í vikunni, en alls hafa 27,722 séð hana eftir níundu sýningarhelgi.
Óráð var frumsýnd á föstudag. 515 sáu hana yfir helgina, en alls 915 með forsýningu.
Aðsókn á íslenskar myndir 27. mars til 2. apríl 2023
| VIKUR | MYND | AÐSÓKN (SÍÐAST) | ALLS (SÍÐAST) |
| 6 | Á ferð með mömmu | 1,393 (1,154) | 9,342 (8,078) |
| 4 | Volaða land | 704 (743) | 3,219 (2,515) |
| 13 | Villibráð | 653 (718) | 55,035 (54,382) |
| 9 | Napóleonsskjölin | 652 (686) | 27,72 (27,070) |
| Ný | Óráð | 515 (helgin) | 915 (með forsýningum) |
(Heimild: FRISK – Theatrical Box Office Reports Iceland)
