Á ferð með mömmu var frumsýnd á föstudag og er í fimmta sæti eftir frumsýningarhelgina.
Á ferð með mömmu sáu 1,092 yfir helgina en alls 1,942 með forsýningu. Þetta er ívið hærri aðsókn á opnunarhelgi en á Svar við bréfi Helgu sem frumsýnd var síðastliðið haust. Ekki er ólíklegt að hún endi á svipuðum slóðum (á bilinu 8-10 þúsund gestir).
3,328 gestir sáu Napóleonsskjölin í vikunni, en alls hafa 22,061 séð hana eftir fjórðu sýningarhelgi.
Villibráð sáu 2,815 gestir í vikunni, en alls nemur heildarfjöldi gesta 50,742 eftir áttundu sýningarhelgi. Myndin er komin inn á topp tíu listann yfir mest sóttu myndirnar frá upphafi mælinga (er í 9. sæti). Miðað við ganginn sem enn er á myndinni á hún möguleika á að ná Hafinu (57,626 gestir) og enda þannig í 6. sæti.
Aðsókn á íslenskar myndir 20.-26. feb. 2023
| VIKUR | MYND | AÐSÓKN (SÍÐAST) | ALLS (SÍÐAST) |
| 4 | Napóleonsskjölin | 3,328 (4,919) | 22,061 (18,733) |
| 8 | Villibráð | 2,815 (3,788) | 50,742 (47,927) |
| Ný | Á ferð með mömmu | 1,092 (opnunarhelgin) | 1,942 (með forsýningu) |
(Heimild: FRISK – Theatrical Box Office Reports Iceland)
