spot_img
HeimNý verk SUMARLJÓS OG SVO KEMUR NÓTTIN lokamynd RIFF

[Stikla] SUMARLJÓS OG SVO KEMUR NÓTTIN lokamynd RIFF

-

Sumarljós og svo kemur nóttin eftir Elfar Aðalsteins verður lokamynd RIFF í ár. Stikla myndarinnar er komin út.

Myndin er byggð á samnefndri skáldsögu Jóns Kalmans Stefánssonar sem hlaut Íslensku bókmenntaverðlaunin 2006. Hún verður frumsýnd 8. október á RIFF, en almennar sýningar hefjast 14. október.

„Ef þú leggur við hlustir þá segir þorpið þér kannski nokkrar ósagðar sögur. Sögur af forstjóranum unga sem dreymir á latínu og fórnar fjölskyldu og glæstum frama fyrir gamlar bækur og stjörnukíki, heljarmenni sem kiknar undan myrkrinu, fínvöxnum syni hans sem tálgar mófugla. Af bóndanum með bassaröddina sem strengir fallegar girðingar en ræður illa við fýsnir holdsins, einmana gröfukalli sem skellir sér í helgarferð til London og gömlum Dodge 55.“

Með helstu hlutverk fara Ólafur Darri Ólafsson, Svandís Dóra Einarsdóttir, Sveinn Ólafur Gunnarsson, Heiða Reed, Sara Dögg Ásgeirsdóttir, Þorsteinn Bachmann, Jóhann Sigurðarson, Atli Óskar Fjalarsson, Sigurður Ingvarsson, Kristbjörg Kjeld, Anna María Pitt, Ebba Guðný Guðmundsdóttir, Víkingur Kristjánsson og fleiri.

Heather Millard, Lilja Ósk Snorradóttir, Elfar Aðalsteins og Ólafur Darri Ólafsson framleiða. Meðframleiðendur eru Xavier Rombaut, Elisa Heene, Fredrik Lange og Jonas Kellagher, en yfirframleiðendur Sigurjón Sighvatsson og Snorri Þórisson. David Williamson stýrir myndatöku og búningahöfundur er Helga I. Stefánsdóttir. Heimir Sverrisson gerir leikmynd og tónlist er eftir Gunnar Týnes.

HEIMILDVísir
Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR