Heim Fréttir Stuttmyndin "Sker" á Tribeca Film Festival og Aspen Shortfest

Stuttmyndin „Sker“ á Tribeca Film Festival og Aspen Shortfest

-

Eyþór Jóvinsson leikstjóri.
Eyþór Jóvinsson leikstjóri.

Stuttmyndinni Sker eftir Eyþór Jóvinsson hefur verið boðin þátttaka á tvemur virtum kvikmyndahátíðum í Bandaríkjunum, Tribeca Film Festival og Aspen Shortfest. Eyþór mun fylgja myndinni eftir og fara út á báðar þessar hátíðir.

Sker er sannsöguleg stuttmynd sem gerist í Arnarfirðinum og fjallar um ferðmann sem siglir út í Gíslasker, en fljótlega áttar hann sig á því að það var kannski ekki svo góð hugmynd.

Kvikmyndafélagið Gláma stendur á bakvið myndina, en Eyþór Jóvinsson skrifaði handritið og leikstýrði. Aðalhlutverk er í höndum Ársæls Níelssonar. Sker er fyrsta mynd Eyþórs.

Kvikmyndafélagið Gláma, sem sinnir kvikmynda- og heimildamyndagerð á Vestfjörðum, hefur áður gefið út stuttmynda-hryllings-þríleik ásamt því að vera með nokkrar heimildarmyndir í vinnslu, meðal annars um Fjallabræður og Act Alone.

Myndin var eina helgi í tökum og útlagður kostnaður var innan við 200.000 kr., segir Eyþór og bendir jafnframt á að enginn í hópnum sem stóð að myndinni hafi menntun á sviði kvikmyndagerðar, aðeins brennandi áhuga.

Báðar þessar hátíðir eru svokallaðar forvalshátír fyrir Óskarsverðlaunin í Bandaríkjunum og skipta innsendar myndir á þær þúsundum. „Það er gríðarleg viðurkenning fyrir okkar starf, sveitalubbana að vestan, að komast í hóp þeirra bestu, óskarsverðlaunastjarna og annars fagfólks út í hinum stóra heimi,“ segir leikstjórinn vestfirski.

Stiklu myndarinnar má sjá hér að neðan:

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.