Heim Bíó Paradís Viðhorf | Ekki missa af "Regnhlífunum í Cherbourg"

Viðhorf | Ekki missa af „Regnhlífunum í Cherbourg“

-

Catherine Denevue í Regnhlífunum í Cherbourg.
Catherine Denevue í Regnhlífunum í Cherbourg.

Regnhlífarnar í Cherbourg eftir allsherjar snillinginn Jacques Demy er ein af fegurstu kvikmyndum sögunnar. Svartir sunnudagar sýna hana í Bíó Paradís næsta sunnudag, en það er ekkert svart við þessa mynd, þetta verður bjartur sunnudagur.

Myndin er fimmtug á þessu ári, hlaut til dæmis Gullpálmann í Cannes 1964 og var tilnefnd til Óskars sem besta erlenda myndin. En það er aukatriði.

Hún er líka ofur falleg ástarsaga um vonir og þrár sem síðan bresta og leysast upp. Það sem átti að verða og það sem hefði getað orðið. En það er ekki bara málið.

Já, þetta er myndin sem kynnti hina undursamlegu Catherine Deneuve fyrir heiminum, bjarta og tæra eins og lind í rjóðri á fyrsta degi vors. En það útskýrir ekki töfrana (jú, að hluta).

Galdurinn liggur í sviðsetningunni; hvernig Demy lætur myndirnar flæða og hvernig þær samþættast tónlistinni (takk Michel Legrand), litunum, umhverfinu, hreyfingunni og hvernig bjarminn af sálum persónanna fellur á okkur.

Þetta er höfundarverk eins og best getur orðið, ein af þessum myndum þar sem maður hugsar eitt augnablik; svona á að búa til bíó og ekki öðruvísi. Ef hún væri aría (sem hún eiginlega er) væri hún Liebestod.

Ásgrímur Sverrisson
Ásgrímur Sverrisson er kvikmyndagerðarmaður og ritstjóri Klapptrés.

NÝJUSTU FÆRSLUR

AGNES JOY framlag Íslands til Óskarsverðlauna

Kvikmyndin Agnes Joy verður framlag Íslands til Óskarsverðlauna 2021. Myndin var valin af dómnefnd Íslensku kvikmynda- og sjónvarpsakademíunnar, en í henni í sátu fulltrúar helstu fagfélaga íslenska kvikmyndaiðnaðarins, auk fulltrúa kvikmyndahúsa, gagnrýnenda og Kvikmyndamiðstöðvar Íslands.

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.