Heim Bransinn Reykjavíkurborg styrkir Kvikmyndahátíð í Reykjavík í stað RIFF

Reykjavíkurborg styrkir Kvikmyndahátíð í Reykjavík í stað RIFF

-

Hrönn Marinósdóttir stjórnandi RIFF og Hrönn Sveinsdóttir framkvæmdastjóri Heimilis kvikmyndanna.
Hrönn Marinósdóttir stjórnandi RIFF og Hrönn Sveinsdóttir framkvæmdastjóri Heimilis kvikmyndanna.

Menningar- og ferðamálaráð Reykjavíkurborgar ákvað á fundi sínum í vikunni að styrkja sjálfseignarstofnunina Heimili kvikmyndanna um átta milljónir króna til að halda Kvikmyndahátíð í Reykjavík að nýju á næsta ári. Að baki Heimilis kvikmyndanna, sem rekur Bíó Paradís, standa öll fagfélög kvikmyndagerðarmanna, Samband íslenskra kvikmyndaframleiðenda, Samtök kvikmyndaleikstjóra og Félag kvikmyndagerðarmanna.

Farið var að tillögu faghóps Bandalags íslenskra listamanna varðandi úthlutanir til menningarverkefna, líkt og gert hefur verið um árabil. Faghópurinn hafði 175 umsóknir til umfjöllunar og alls var sótt um styrki að fjárhæð 268 m.kr. Hópurinn lagði til að ráðstafað yrði 49.2 m.kr.- til 81 verkefnis á árinu 2014.

Einkahlutafélagið Alþjóðleg kvikmyndahátíð í Reykjavík, sem er í eigu Hrannar Marinósdóttur, hefur notið styrkja frá Reykjavíkurborg og fleirum til að halda RIFF-hátíðina allt frá 2004 þegar fyrsta RIFF hátíðin var haldin, en fær ekki styrk að þessu sinni.

Kvikmyndahátíð í Reykjavík var rekin af fagfélögum kvikmyndagerðarmanna á árunum 1996-2001. Hún tók við af Kvikmyndahátíð Listahátíðar sem starfrækt var annað hver ár frá 1978.

Morgunblaðið greinir frá málinu hér og gerir meðal annars grein fyrir afstöðu meirihluta og minnihluta í menningar- og ferðamálaráði, auk þess að birta viðbrögð Hrannar Marinósdóttur stjórnanda RIFF og Hrannar Sveinsdóttur framkvæmdastjóra Heimilis kvikmyndanna.

Þá birtir Vísir frétt hér þar sem rætt er við Hrönn Sveinsdóttur um málið.

[divider scroll_text=““]
(Athugið: Rétt er að taka fram að ritstjóri Klapptrés var dagskrárstjóri Bíó Paradísar, sem rekið er af Heimili kvikmyndanna, frá upphafi 2010 til 1. apríl 2013. Hann hefur einnig margoft komið að starfi RIFF sem stjórnandi „spurt og svarað“ sýninga og „masterklassa“).

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

AGNES JOY framlag Íslands til Óskarsverðlauna

Kvikmyndin Agnes Joy verður framlag Íslands til Óskarsverðlauna 2021. Myndin var valin af dómnefnd Íslensku kvikmynda- og sjónvarpsakademíunnar, en í henni í sátu fulltrúar helstu fagfélaga íslenska kvikmyndaiðnaðarins, auk fulltrúa kvikmyndahúsa, gagnrýnenda og Kvikmyndamiðstöðvar Íslands.

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.