spot_img
HeimEfnisorðFréttablaðið

Fréttablaðið

Magnús Guðmundsson: Er aðkallandi að framleiða „Sjálfstætt fólk“?

Magnús Guðmundsson ræðir leikið íslenskt sjónvarpefni í leiðara Fréttablaðsins á dögunum. Hann fagnar sóknarhug RÚV gagnvart slíku efni en setur spurningamerki við þá miklu fjármuni sem fara eiga í gerð kvikmyndar og þáttaraðar eftir skáldsögu sem kom út á árunum 1934-35 og á þar við Sjálfstætt fólk Halldórs Laxness.

Fréttablaðið um „Ég man þig“: Stílrænn óhugnaður en takmarkaður hrollur

"Samsetningin er á yfirborðinu í toppstandi og leikurinn traustur, en holótt saga og stíf samtöl draga aðeins úr kraftinum," skrifar Tómas Valgeirsson í Fréttablaðið um Ég man þig eftir Óskar Þór Axelsson. Hann gefur myndinni þrjár stjörnur.

Fréttablaðið um „Snjó og Salóme“: Ástarþríhyrningur, ýktar skopmyndir og gervidramatík

"Það hjakkar ekki mikið í klisjum og myndin hefur gott hjarta ásamt góðum samleik frá leikkonunum tveimur, en handritsgerð og tæknivinnsla er viðvaningsleg og tónninn í algeru tjóni," segir Tómas Valgeirsson í Fréttablaðinu um Snjó og Salóme Sigurðar Antons Friðþjófssonar.

Fréttablaðið um „Fjallkónga“: Náttúra, kærleikur og lambakjöt

"Mikinn sjarma er oft að finna í hinu hversdagslega þegar tekst með sóma að ramma það inn, eins og gert er í Fjallkóngum", segir Tómas Valgeirsson í Fréttablaðinu um þessa heimildamynd Guðmundar Bergkvist og gefur henni fjórar stjörnur.

Guðmundur Andri Thorsson um „Fanga“: Sem sagt gott

"Því að hvað sem líður því sem kann að vera of eða van í þáttunum þá skiptir það ekki máli hjá hinu, að áhöfninni á bak við þessa þætti hefur tekist að búa til mannlíf handa okkur að fylgjast með og lifa okkur inn í – og spegla okkur í," segir Guðmundur Andri Thorsson um þáttaröðina Fanga í Fréttablaðinu. Sýningum lauk í gærkvöldi.

Fréttablaðið um „Hjartastein“: Lágstemmd og heillandi þroskasaga

Tómas Valgeirsson skrifar um Hjartastein Guðmundar Arnars Guðmundssonar í Fréttablaðið og segir meðal annars: "Styrkur hennar liggur í trúverðugu handriti, flottri kvikmyndatöku og öflugum leikurum. Það er eiginlega hálfgert kraftaverk hvað unga fólkið er traust og að heildarmyndin skuli vera svona tilgerðarlaus, áreynslulaus, manneskjuleg og heillandi." Hann gefur myndinni fjórar stjörnur.

Fréttablaðið um „Grimmd“: Grafalvarleg en áhrifalaus

"Andrúmsloftið er ágætt og leikararnir hafa miklu við að bæta en persónusköpunin er flöt, handritið gloppótt og samtölin svo stíf að heildin gliðnar í sundur," segir Tómas Valgeirsson um Grimmd Antons Sigurðssonar í Fréttablaðinu.

Fréttablaðið um „Eiðinn“: Sálfræðitryllir og hefndarsaga í fínum umbúðum

Tómas Valgeirsson skrifar um Eiðinn Baltasars Kormáks í Fréttablaðið og gefur myndinni þrjár stjörnur. "Eiðurinn stendur betri verkum Baltasars nokkuð að baki og skilur í heildina ekki mikið eftir sig,", segir Tómas, "en hún er faglega gerð og mátulega spennandi."

Fréttablaðið um „Reykjavík“: Kvikmyndalúði í tilvistarkreppu

Atli Sigurjónsson skrifar um Reykjavík Ásgríms Sverrissonar í Fréttablaðið og segir hana í heildina skemmtilega og ljúfsára mynd þó hún nái ekki alveg sömu hæðum og áhrifavaldarnir. Hann gefur myndinni þrjár stjörnur.

Ásgrímur Sverrisson í viðtali: Draumarnir og lífið

Ásgrímur Sverrisson er í viðtali við Fréttablaðið vegna væntanlegrar frumsýningar á fyrstu mynd hans í fullri lengd, Reykjavík, þar sem hann ræðir myndina og hugmyndirnar bakvið hana. Myndin er frumsýnd þann 11. mars.

Kvikmyndagerð augljós auðlind

Magnús Guðmundsson hjá Fréttablaðinu leggur útaf Edduverðlaunum í leiðara og segir 2015 hafa verið ótrúlegt fyrir íslenska kvikmyndagerð. "Þetta er ekkert kvikmyndavor. Þetta er bullandi bíósumar árið um kring þar sem íslenskar kvikmyndir rökuðu til sín yfir hundrað verðlaunum á kvikmyndahátíðum víða um veröldina. Það slagar hátt í verðlaun þriðja hvern dag ársins!"

Fréttablaðið um „Þresti“: Falleg en full kunnugleg þroskasaga

Atli Sigurjónsson sem skrifað hefur gagnrýni um kvikmyndir á Klapptré hefur nú verið ráðinn gagnrýnandi Fréttablaðsins. Honum er óskað velfarnaðar í nýju starfi en fyrsta umsögn hans fyrir blaðið er um Þresti Rúnars Rúnarssonar og gefur hann myndinni þrjár stjörnur af fimm.

Krítík á krítik

Símon Birgissyni dramatúrg hjá Þjóðleikhúsinu finnst ekki mikið til gagnrýni Kjartans Más Ómarssonar í Fréttablaðinu um Hrúta koma og segir kvikmyndarýni blaðsins hafa "verið útá túni síðan Vonarstræti var sögð besta kvikmynd Íslandssögunnar."

Fbl. um „Hrúta“: Dalurinn það er heimurinn

Kjartan Már Ómarsson skrifar um Hrúta Gríms Hákonarsonar í Fréttablaðið og segir meðal annars táknræna merkingarauka fjár vera allt að því ótölulega sem orsaki að djúpt lag þýðingar verði mögulegt í hvert sinn sem fé komi fyrir í mynd eða tali. Hann gefur myndinni fjórar stjörnur af fimm.

Fréttablaðið um „Bakk“: Vellíðunarinnspýting fyrir sumarið

Kjartan Már Ómarsson skrifar umsögn í Fréttablaðið um kvikmyndina Bakk eftir Gunnar Hansson og Davíð Óskar Ólafsson. Hann er hinn ánægðasti og gefur myndinni fimm stjörnur af fimm mögulegum.

Fréttablaðið um „Austur“: Ekki fínpólerað melódrama

Kjartan Már Ómarsson hjá Fréttablaðinu segir Austur Jóns Atla Jónassonar stefnulausa kvikmynd þar sem ofbeldi úr íslenskum veruleika sé teflt fram á hispurslausan máta.

Um íslensku myndirnar á Reykjavík Shorts & Docs

Kjartan Már Ómarsson fjallar á Vísi um íslensku myndirnar sem sýndar voru á nýliðinni Reykjavík Shorts & Docs Festival. Myndirnar sem rætt er um eru Just Like You, Minnismiðar, Potturinn, Synda, The Arctic Fox og Iceland Aurora.

Björn Hlynur um „Blóðberg“: Það er aldrei rétti tíminn til þess að segja frá leyndarmálum

Blóðberg í leikstjórn Björns Hlyns Haraldssonar verður forsýnd á Stöð 2 á páskadag en kemur svo í kvikmyndahús þann 10. apríl. Björn Hlynur ræðir um myndina í viðtali við Fréttablaðið.

Fréttablaðið um „Borgríki 2“: Betri en sú fyrri en ekki gallalaus

Lilja Katrín Gunnarsdóttir hjá Fréttablaðinu skrifar um Borgríki 2 og segir hana ágætlega heppnaða framhaldsmynd að vissu leyti sem haldi manni þokkalega vel þó hún sé langt frá því að vera gallalaus.

Fréttablaðið um „Afann“: Leiksigur hjá Sigga Sigurjóns

Lilja Katrín Gunnarsdóttir hjá Fréttablaðinu segir Afann kærkomna tilbreytingu "frá þeim íslensku myndum sem hafa verið gerðar síðustu ár. Myndin er hreinræktað skemmtiefni sem öll fjölskyldan ætti að geta hlegið að - og kannast við þær aðstæður sem afinn sjálfur lendir í."

Fréttablaðið: Engir veikir hlekkir í Vonarstræti

Lilja Katrín Gunnarsdóttir gagnrýnandi Fréttablaðsins sparar ekki hástigs lýsingarorðin í hrifningu sinni á Vonarstræti Baldvins Z og hikar ekki við að kalla hana "bestu íslensku kvikmynd sögunnar."
spot_imgspot_img

MEST LESIÐ