Klapptré er tíu ára í dag, 16. september. Vefurinn fór í loftið þann 16. september 2013.
Ég vil nota tækifærið og þakka fólkinu í kvikmyndagreininni fyrir gott samstarf, fyrirtækjum í bransanum sem og Kvikmyndamiðstöð Íslands fyrir góðan stuðning og síðast en ekki síst vil ég þakka lesendum/áhorfendum/hlustendum fyrir áhugann.
Á þessum tíu árum hafa birst rúmlega 4,400 færslur um allt hvað eina sem lýtur að íslenskum kvikmyndum og sjónvarpi.
Vefurinn hefur verið heimsóttur um 617 þúsund sinnum á þesum tíu árum. Flettingar á einstökum síðum eru rúmlega 1,2 milljónir. Sem þýðir að hann hefur að meðaltali verið heimsóttur um fimm þúsund sinnum á mánuði.
Hér er hlekkur á fyrstu formlegu færsluna á fyrsta deginum.
Hér má skoða allar færslur fyrsta mánaðarins.
Hér má skoða allar færslur ársins 2013.
Athugið að hægt er að nota almanakið neðst til hægri á síðunni til að finna færslur eftir dögum, mánuðum og árum.
