Abbababb! var frumsýnd á föstudag og er í fyrsta sæti aðsóknarlistans eftir frumsýningarhelgina.
2,704 gestir sáu myndina yfir helgina, en alls 3,339 með forsýningu.
Borið saman við nýlegar myndir er þetta næst (nokkuð hærra) Saumaklúbbnum sem frumsýnd var sumarið 2021 og fékk 2,211 gesti á frumsýningarhelgi. Ekki er ólíklegt að Abbababb! endi vel yfir tuttugu þúsund gesta markinu.
Svar við bréfi Helgu er í þriðja sæti eftir þriðju helgi. 1,697 sáu myndina í vikunni, en heildarfjöldi nemur nú 5,826 gestum.
It Hatched eftir Elvar Gunnarsson hefur fengið alls 399 gesti eftir aðra helgi og er í 14. sæti. Berdreymi hefur nú fengið 9,617 gesti eftir 22 vikur.
Aðsókn á íslenskar myndir 12.-18. sept. 2022
| VIKUR | MYND | AÐSÓKN (SÍÐAST) | ALLS (SÍÐAST) |
|---|---|---|---|
| Ný | Abbababb! | 2,704 (helgin) | 3,339 (með forsýningu) |
| 3 | Svar við bréfi Helgu | 1,697 (2,274) | 5,826 (4,129) |
| 2 | It Hatched | 150 (249) | 399 (249) |
| 22 | Berdreymi | 10 (8) | 9,617 (9,607) |
