Lilja Alfreðsdóttir menntamálaráðherra undirritaði í dag samkomulag við Listaháskóla Íslands um kvikmyndanám á háskólastigi.
Segir á vef Stjórnarráðsins að með samningnum sé hrundið í framkvæmd mikilvægri aðgerð í kvikmyndastefnu, sem kynnt var á síðastliðnum vetri.
Námið mun hefjast haustið 2022 og gert er ráð fyrir allt að 40 ársnemum.
Klapptré hefur óskað eftir að sjá samkomulagið og mun greina frá efni þess við fyrsta tækifæri.
