Heim Fréttir "Þrestir" tilnefnd til Kvikmyndaverðlauna Norðurlandaráðs fyrir Íslands hönd

„Þrestir“ tilnefnd til Kvikmyndaverðlauna Norðurlandaráðs fyrir Íslands hönd

-

Rúnar Rúnarsson leikstjóri og handritshöfundur.
Rúnar Rúnarsson leikstjóri og handritshöfundur.

Þrestir Rúnars Rúnarssonar hefur verið tilnefnd fyrir Íslands hönd til kvikmyndaverðlauna Norðurlandaráðs. Verðlaunin verða afhent í Kaupmannahöfn þann 1. nóvember.

Í umsögn dómnefndar segir m.a. um myndina:

Leikstjórinn Rúnar Rúnarsson hefur þróað áberandi persónulegan stíl sem byggir á hárfínum athugunum á hefðbundinni íslenskri menningu og fagurfræði og samspili þessara þátta við nútímahugsunarhátt, en þetta er oftar en ekki sett fram samhliða þeim flækjum sem vöxtur og þroski hafa í för með sér. Í Þröstum eru þessi stef undirstrikuð af því sálarstríði sem hlýst af því að hin gamla og nýja tilvera Ara mætast, svo og hefðbundnum gildum sem líða undir lok og þeim erfiðu málamiðlunum sem fylgja því að fullorðnast.

Þetta er í þrettánda sinn sem Kvikmyndaverðlaun Norðurlandaráðs eru veitt. Verðlaunin nema 350 þúsundum danskra króna (tæpum 6,2 milljónum íslenskra króna), sem skiptast á milli leikstjóra, handritshöfundar og framleiðanda sigurmyndarinnar.

Tilkynnt verður um handhafa hinna fimm verðlauna Norðurlandaráðs og verðlaunin afhent í tónleikahúsi DR í Kaupmannahöfn þann 1. nóvember.

Skemmst er að minnast þess að Fúsi Dags Kára hlaut þessi verðlaun í fyrra og Hross í oss Benedikts Erlingssonar árið áður.

Sjá nánar hér: Tilnefningar til kvikmyndaverðlauna Norðurlandaráðs 2016

 

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.