Einn reyndasti tökumaður íslenskrar kvikmyndagerðar, Bergsteinn Björgúlfsson, er tilnefndur til verðlauna fyrir fyrsta þáttinn af Ófærð á pólsku hátíðinni Camerimage sem tileinkuð er kvikmyndatöku.
Ásamt honum eru tökumenn þátta á borð við Fargo, True Detective, Gomorrah, Manhattan og Penny Dreadful tilnefndir til verðlauna.
Camerimage fer fram dagana 14.-21. nóvember. Hrútar Gríms Hákonarsonar tekur þátt í aðalkeppni hátíðarinnar.
