RVK Studios mun framleiða tíu þátta seríu sem kallast Katla og verður sýnd á Stöð 2. Hér er á ferðinni spennuþáttaröð með mystísku ívafi um unga björgunarsveitakonu sem tekst á við drauga fortíðar í miðjum langvarandi nátturuhamförum. Sögusviðið er jöklar, eldfjöll og hálendi Íslands.
Baltasar Kormákur og Magnús Viðar Sigurðsson framleiða ásamt Stöð 2. Handritið skrifa Sigurjón Kjartansson, Ólafur Egilsson og Guðmundur Oddur Magnússon. Áætlað að tökur hefjast vorið 2016.
Katla mun vera umfangsmesta framleiðsluverkefni Stöðvar 2 frá upphafi. Ísland í dag ræddi við Baltasar af þessu tilefni og má sjá viðtalið hér.
