Heim Fréttir Streams: evrópsk kvikmyndahátíð á netinu hefst í dag á Icelandic Cinema Online

Streams: evrópsk kvikmyndahátíð á netinu hefst í dag á Icelandic Cinema Online

-

streams 2013Í dag hefst Streams, evrópsk kvikmyndahátíð á netinu. Hátíðin er samtímis í 9 löndum og haldin hér á landi í fyrsta skipti. Hægt að horfa á myndir hátíðarinnar á Icelandic Cinema Online frá  15. nóvember til 15. desember 2013.

Sýningaraðilar hátíðarinnar eru níu VoD vefir í Evrópu; UniversCiné (Frakkland), Flimmit (Austurríki), Volta (Írland), leKino.ch (Sviss), Filmin (Spánn), UniversCiné.be (Belgíu), Netcinema (Búlgaría), Icelandic Cinema Online (Ísland) og Good!Movies (Þýskalandi).

Framlag Íslands á hátíðinni er XL eftir Marteinn Þórsson. Hún mun keppa við aðrar myndir á hátíðinni um bestu myndina og eru verðlaunin 3.500 evrur. Einn frá hverju aðildarlandi er skipaður í dómnefnd, Ása Baldursdóttir dagskrárstjóri Bíó Paradísar situr í nefndinni fyrir hönd Icelandic Cinema Online.

Þessi einstaka kvikmyndahátíð á netinu mun sýna 16 nýlegar evrópskar kvikmyndir. sem hafa ýmist ekki verið frumsýndar fyrir utan heimalandið eða eru ennþá að ferðast á milli kvikmyndahátíða. Markmið hátíðarinnar er að kynna fyrir kvikmyndaaðdáendum nýja evrópska leikstjóra og bjóða upp á nýjar dreifileiðir fyrir evrópskt kvikmyndaefni.

Myndirnar sem sýndar verða á Streams 2013 eru :

  • Shelter (Podslon), by Dragomir Sholev, Comedy / Drama, 2010, Bulgaria
  • Love.net, by Ilian Djevelekov, Drama / Romance, 2011, Bulgaria
  • Entre les bras, Paul Lacoste, Documentary, 2011, France
  • Chercher le garçon, Dorothée Sebbagh, Drama, 2012, France
  • Nice Guy, Pascal Bergamin, 2011, Drama, Switzerland
  • Mary & Johnny, Samuel Schwarz & Julian Grünthal, Drama, 2011, Switzerland
  • Otel-lo, Hammudi Al-Rahmoun, Drama, 2012, Spain
  • Enxaneta, Alfonso Amador, Drama, 2012, Spain
  • Mama Illegal, Ed Moschitz, Documentary, 2011, Austria
  • Anfang 80, Sabine Hiebler & Gerhard Ertl, Drama, 2011, Austria
  • De leur vivant, Géraldine Doignon, Drama, 2012, Belgium
  • Leg ihn um, Jan Schütte, Comedy, 2012, Germany
  • Kleine Verbrechen (Small Crime), Christos Georgiou, Comedy, 2008, Germany
  • Silence, Pat Collins, Documentary, 2012, Ireland
  • Tim Robinson: Connemara, Pat Collins, Documentary, 2012, Ireland
  • XL, Martein Thorsson, Drama, 2013, Iceland

Hægt er að sjá frekari upplýsingar um hverja mynd fyrir sig inn hér.

Hátíðin er skipulögð af European Federation of Independent Cinema Video on Demand Platforms, EuroVoD– sem eru samevrópsk samtök sjálfstæðra VoD vefsíða (platforms) í Evrópu. Samtökin voru stofnuð var árið 2010. Þátttakendur í hátíðinni eru allir meðlimir í samtökunum sem eru þau stærstu í Evrópu. Icelandic Cinema Online gekk í samtökin fyrr á þessu ári.

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.