Þýska sölufyrirtækið Picture Tree International hefur keypt söluréttinn á íslensku gamanmyndinni Guðaveigar í leikstjórn þeirra Markelsbræðra, Þorkels Harðarsonar og Arnar Marinós Arnarsonar. Tökur á kvikmyndinni standa nú yfir í Rioja vínhéraðinu á Spáni.
Guðaveigar fjallar um hóp íslenskra presta sem leggja af stað í leiðangur til að finna hið fullkomna messuvín. Áætlað er að frumsýna kvikmyndina á næsta ári.
Með helstu hlutverk fara þau Vivian Ólafsdóttir, Hilmir Snær Guðnason, Halldór Gylfason, Sverrir Þór Sverrisson og Þröstur Leó Gunnarsson.
Picture Tree seldi nýverið réttinn að gamanmyndinni Fullt hús til Þýskalands, Austurríkis, Taívan og Ástralíu. Markelsbræður eru framleiðendur myndarinnar.
Klapptré er fagmiðill um íslenskar kvikmyndir og sjónvarp, sem birtir fréttir, fréttaskýringar, viðtöl, viðhorf, gagnrýni, tölulegar upplýsingar og annað tilheyrandi efni.
Vefurinn fór í loftið haustið 2013. Ritstjóri er Ásgrímur Sverrisson.
Klapptré vill þakka Kvikmyndamiðstöð Íslands fyrir stuðninginn við útgáfuna sem og þeim fjölmörgu fyrirtækjum í kvikmyndagerð sem einnig styðja við miðilinn.
