Þættirnir, sem eru fjórir talsins, fjalla um hina nýstofnuðu strákasveit IceGuys og leið þeirra á toppinn en leiðin er sannarlega þyrnum stráð, segir í kynningu. Strákasveitina skipa þeir Aron Can, Friðrik Dór, Herra Hnetusmjör, Jón Jónsson og Rúrik Gíslason.
Þættirnir eru í leikstjórn Hannesar Þórs Halldórssonar, Allans Sigurðssonar og Hannesar Arasonar, sem framleiða einnig ásamt Söndru Barilli fyrir framleiðslufyrirtækið Atlavík. Sandra er einnig meðal framleiðenda og fer með stórt hlutverk í þáttunum. Handritshöfundur er Sólmundur Hólm.
