spot_img
HeimNý verk SVAR VIÐ BRÉFI HELGU væntanleg í byrjun september

[Stikla] SVAR VIÐ BRÉFI HELGU væntanleg í byrjun september

-

Kvikmyndin Svar við bréfi Helgu verður frumsýnd í september. Stikla myndarinnar var opinberuð í dag.

Svar við bréfi Helgu er ástarsaga með þeim Þorvaldi Davíð Kristjánssyni, Heru Hilmarsdóttur og Anítu Briem í aðalhlutverkum.

Myndin er í leikstjórn Ásu Helgu Hjörleifsdóttur og er byggð á samnefndri bók eftir Bergsvein Birgisson. Ása Helga skrifar jafnframt handritið ásamt þeim Bergsveini og Otto Geir Borg. Sagan gerist á Ströndum á fimmta áratug síðustu aldar og hér að neðan má sjá fyrstu stikluna úr kvikmyndinni sem er klippt af Hannesi Halldórssyni.

Myndin fjallar um bóndann Bjarna sem verður ástfanginn af Helgu sem er konan á næsta bæ. Þau hefja ástríðufullt og forboðið ástarsamband en með tímanum fara tilfinningarnar að flæða jafn hömlulaust og hafið sem umkringir þau.

Í öðrum hlutverkum eru Björn Thors, Jóhanna Friðrika Sæmundsdóttir, Arnmundur Ernst Björnsson, Þröstur Leó Gunnarsson, Þorsteinn Gunnarsson, Sóley Elíasdóttir og Sigurður Sigurjónsson. Myndin er framleidd af þeim Birgittu Björnsdóttur og Skúla Fr. Malmquist fyrir Zik Zak og Vintage Pictures.

Vísir greinir frá.

HEIMILDVísir
Klapptré
Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri er Ásgrímur Sverrisson.

NÝJUSTU FÆRSLUR