Allra síðasta veiðiferðin var frumsýnd á föstudag og fékk góða aðsókn yfir helgina, eða á pari við opnunarhelgi Síðustu veiðiferðarinnar.
Alls komu 3,916 gestir á Allra síðustu veiðiferðina um opnunarhelgina og 5,546 með forsýningum.
Þetta eru mjög svipaðar tölur (ívið hærri) og á opnunarhelgi Síðustu veiðiferðarinnar fyrir sléttum tveimur árum, þar sem 3,912 gestir sáu myndina opunarhelgina en 5,089 með forsýningum. Heildaraðsókn á Síðustu veiðiferðina nam 35.306 gestum. Búast má við svipaðri aðsókn á þessa og jafnvel meiri þar sem Síðasta veiðiferðin var sýnd í nokkra daga í upphafi Covid faraldursins og síðan aftur eftir nokkurra vikna hlé og gekk þá fram á sumar.
Aðsókn á íslenskar myndir 14.-20. mars 2022
| VIKUR | MYND | AÐSÓKN (SÍÐAST) | ALLS (SÍÐAST) |
|---|---|---|---|
| Ný | Allra síðasta veiðiferðin | 3,916 (helgin) | 5,546 (með forsýningum) |
