Helstu kvikmyndahátíðir heimsins standa fyrir stafrænni hátíð á YouTube

Stærstu alþjóðlegu kvikmyndahátíðir heimsins hafa tekið höndum saman við  YouTube og hyggjast halda stafrænu kvikmyndahátíðina „We Are One: A Global Film Festival“ frá 29. maí til 7. júní

Þetta er gert í ljósi þess að mörgum hátíðum hefur verið frestað vegna faraldursins, þar á meðal Cannes og nú síðast Karlovy Vary. Á meðal hátíða sem taka þátt eru Berlín, Cannes, Feneyjar, San Sebastian, Tribeca og Toronto.

Hátíðinni verður streymt í gegnum hlekkinn Youtube.com/WeAreOne.

Dagskráin, sem verður ókeypis, mun innihalda bíómyndir, stuttmyndir, heimildamyndir, tónlist og samtöl (Q&A, meistaraspjall). Nánar verður tilkynnt um dagskrána síðar, en óljóst er á þessu stigi um áhuga kvikmyndaframleiðenda á verkefninu. Í frétt Deadline segir meðal annars að ekki sé búist við að nýjar bíómyndir verði á dagskránni, en líklega verði sýndar einhverjar eldri myndir sem ekki hafa fengið mikla dreifingu.

Athugasemdir

álit

Um höfundinn
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

Tengt efni