Heim Fréttir "Autumn Lights", bandarísk/íslensk spennumynd tekin á Íslandi, kemur í október

[Stikla] „Autumn Lights“, bandarísk/íslensk spennumynd tekin á Íslandi, kemur í október

-

Bandarísk/íslenska spennumyndin Autumn Lights, sem tekin var upp hér á landi á síðasta ári, verður frumsýnd í Bandaríkjunum í október. Mystery er meðframleiðandi myndarinnar, sem jafnframt skartar íslenskum leikurum og starfsliði. Myndin verður sýnd í Bíó Paradís í byrjun nóvember.

Leikstjóri og handritshöfundur er Angad Aulakh, en þetta er fyrsta mynd hans í fullri lengd. Með helstu hutverk fara ungir bandarískir leikarar, Guy Kent og Marta Gastini. Meðal íslenskra leikara eru Sveinn Ólafur Gunnarsson, Þorbjörg Helga Dýrfjörð og Stefán Hallur Stefánsson.

Kent leikur ungan bandarískan ljósmyndara sem vinnur að verkefni á afskekktum stað á Íslandi. Hann uppgötvar óvænt vettvang glæps sem hefur verið yfirgefinn og flækist inní rannsókn málsins.

Davíð Óskar Ólafsson og Árni Filippusson hjá Mystery eru meðframleiðendur myndarinnar, en Árni er jafnframt tökumaður. Valdís Óskarsdóttir klippir, Hugi Guðmundsson gerir tónlist ásamt Hirti Ingva Jóhannssyni, Hulda Helgadóttir gerir leikmynd og Steinunn Þórðardóttir sér um hár og förðun. Huldar Freyr Arnarson hannar hljóð og Júlíanna Lára Steingrímsdóttir gerir búninga.

Hér er nánar um sýningarnar í Bíó Paradís.

Sjá nánar hér: [Watch]: Freestyle Turns On ‘Autumn Lights’; First Trailer For U.S-Icelandic Mystery | Deadline

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.