Heim Fréttir Níu íslensk verkefni til Haugasunds

Níu íslensk verkefni til Haugasunds

-

haugesund 2016 plakatNíu íslensk kvikmyndaverkefni á mismunandi stigum framleiðsluferlis verða hluti af alþjóðlegu norsku kvikmyndahátíðinni í Haugasundi, sem fer fram 20.-26. ágúst í Noregi. Verkefnin sem um ræðir eru Tryggðarpantur, War is Over, The Wind Blew On, Vetrarbræður, East by Eleven, The Damned, Martröð, Pale Star og The Wall.

Einnig verður mynd Óskars Jónassonar, Fyrir framan annað fólk, sýnd í Nordic Focus hluta hátíðarinnar.

Samframleiðslu- og fjármögnunarmarkaður

Á norrænum samframleiðslu- og fjármögnunarmarkaði munu tvö verkefni í þróun taka þátt; kvikmyndirnar Tryggðarpantur eftir Ásthildi Kjartansdóttur, framleidd af Evu Sigurðardóttur og Ásthildi Kjartansdóttur fyrir Askja Films, og War is Over eftir Árna og Kinski, framleidd af Guðrúnu Eddu Þórhannesdóttur fyrir Tvíeyki.

Work in Progress

Kvikmyndirnar The Wind Blew On eftir Katrínu Ólafsdóttur og hin dansk/íslenska Vetrarbræður eftir Hlyn Pálmason, meðframleidd af Antoni Mána Svanssyni fyrir Join Motion Pictures, verða hluti af „Work in progress“ dagskrá hátíðarinnar.

Nordic Genre Boost

Þá munu East by Eleven, nýtt verkefni leikstjórans og handritshöfundarins Ólafs de Fleur Jóhannessonar, og The Damned, fyrsta verkefni leikstjórans og handritshöfundarins Þórðar Pálssonar í fullri lengd, taka þátt í vinnustofu í tengslum við Nordic Genre Boost. Nordic Genre Boost er átaksverkefni Norræna kvikmynda- og sjónvarpssjóðsins fyrir sérstakar tegundir kvikmynda í fullri lengd, t.d. hryllingsmyndir, vísindaskáldsögur og fantasíur.

Nordic Script Pitch

Martröð, nýtt verkefni Hallveigar Thorlacius, verður kynnt á „Nordic Script Pitch“ hluta hátíðarinnar.

Markaður

Hin bresk/íslenska kvikmynd Pale Star eftir Graeme Maley, framleidd af Birgittu Björnsdóttur og Hlín Jóhannesdóttur fyrir Vintage Pictures, verður sýnd á lokuðum markaðssýningum og sömu sögu er að segja af norsk/íslensku heimildamyndinni The Wall, meðframleidd af Heather Millard og Þórði Braga Jónssyni fyrir Compass Films. Lokuðu markaðssýningarnar eru ætlaðar fagfólki í kvikmyndabransanum, t.a.m. dreifingaraðilum, mögulegum kaupendum, dagskrárstjórum kvikmyndahátíða o.fl.

Sjá nánar hér: Fjöldi íslenskra kvikmyndaverkefna á kvikmyndahátíðinni í Haugasundi | Kvikmyndamiðstöð Íslands

Klapptré
Klapptré er sjálfstæður miðill sem birtir fréttir, viðhorf, gagnrýni og tölulegar upplýsingar um íslenska kvikmynda- og sjónvarpsbransann. Ritstjóri og ábyrgðarmaður er Ásgrímur Sverrisson.

NÝJUSTU FÆRSLUR

Framsókn vill hækka endurgreiðslur í 35% og tífalda veltu

Stór tæki­færi fel­ast í því að styðja enn frek­ar við kvik­mynda­gerð í land­inu og hækka end­ur­greiðslur af fram­leiðslu­kostnaði í 35% líkt og gert er í lönd­um sem keppa við Ísland um verk­efni, segir Sig­urður Ingi Jó­hanns­son, sam­gönguráðherra og formaður Fram­sókn­ar­flokks­ins.

Íslendingar að verða undir í samkeppni um þjónustuverkefni

Leifur B. Dagfinnsson hjá Truenorth segir í viðtali við Fréttablaðið að mörg stór verkefni hafi runnið Íslandi úr greipum undanfarið og að stjórnvöld hafi ekki gert nauðsynlegar breytingar til þess að tryggja samkeppnishæfni landsins. Íslendingar séu að verða undir í alþjóðlegri samkeppni um stór kvikmyndaverkefni út af lágri endurgreiðslu íslenskra stjórnvalda til kvikmyndaframleiðenda.

Wonder Woman, Ísland og framtíðin

Warner Bros. hefur tilkynnt að Wonder Woman 1984 verði frumsýnd samtímis í kvikmyndahúsum og á streymisveitu þeirra, HBO Max, þann 25. desember næstkomandi. Þetta eru enn ein tímamótin í sögu kvikmyndanna sem heimsfaraldurinn hefur ýtt undir. Hvað gæti þetta þýtt fyrir íslenskar kvikmyndir?

Netflix, RÚV og ZDF á bakvið ÓFÆRÐ 3

Netflix, RÚV og ZDF, ein stærsta sjónvarpsstöð Þýskalands, koma að framleiðslu þriðju syrpu þáttaraðarinnar Ófærð, sem nú kallast Entrapped. Tökur standa yfir.